Eklesiasti 3:7 - Buka Blahi Ka Cheke Holo

⁷ Narane mala reku pohe nei narane mala susuki pohe. Narane mala au kmu nei narane mala cheke.

Eklesiasti 3:7 Iomraidhean Croise

Jenesis 37:29

Ke leghugna igne mae Ruben teke theome au jare ka vido tuana neke tei neke efra ka khora na. Kate dofini mae Josep jare na, mana ne diꞌanagnafagna fara ne rerheku nogna pohe na.

Jenesis 37:34

Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Jenesis 44:18

Aonu mae Juda lao ne kegra rhegna mae Josep ne cheke eghu ka mana, “Mae biꞌo, those diꞌatamu ka iara. Iara magnahaghei te famane facheke ka iagho naugna iagho kaisei mae nolaghi fara, jateula mae king gna Ijep thegna eghu.

Jenesis 44:34

Jame te theome ke pulo balugu iara mae sitei igne na, iara gne theome naba teke pulo ka mae mama na. Iara theome magnahaghei te filoni mae mama te diꞌanagnafa na.”

Fapea Samuel 1:11

Mae Devet nomhini igne ne diꞌanagnafa gna fara, ne rerheku nogna pohe na. Mae te gnafa te au balugna mana igre jaola ne eni igne.

Fapea Samuel 3:31

Aonu mae Devet ne cheke eghu ka mae Joab, nei ka vikegna te gnafa manare, “Ghotilo rerheku nomi pohe are, eghuteuna ghotilo pipichi ka pohe te thona kolho, fagaglana gna nomi diꞌanagnafa na. Eghuteuna ghotilo tanhi balu diꞌanagnafa eigna mae Abna.” Eghuteuna kate pala te tei mare thinigna mae Abna igne te mala giugilui na, king thegna ne tei ke leghugna thinigna mae Abna.

Ululahu Kings 21:27

Kate nomhini King Ehab nogna cheke mae Profet Elija igre, mana diꞌanagnafa gna fara ne rerheku nogna pohe na. Eghuteuna mana ne pipichi kolho ka pohe te thona kolho. Mana tirogna ghamu ne nolo tafri balu diꞌanagnafa.

Fapea Kings 18:36

Nu naiknore ne au kmu ne theome cheke tughu, naugna King Hesekaea neke theome snakredi mare te mala cheke tughu ka mana na.

Fapea Kings 5:7

Kate iuꞌiju king gna Israel letas igne, mana diꞌatagna ne rerheku nogna pohe na. Mana ne cheke eghu, “Kaisei puhi biꞌo signe! King gna Siria gne na fagnafani iara fogra mana igne eghu ka gaoghathogna na, nu iara theome God. Iara theo nogu nolaghi te mala fakarhini ba te mala faleheni naikno na. Iara laseni, mana magnahaghei te hironi kaisei nabrou te mala magra ka iara na kolho.”

Fapea Kings 6:30

Kate nomhini king cheke igne, mana ne diꞌanagnafa gna fara ne rerheku nogna pohe na. Aonu kate nolo tafri mana ke kligna gna bara thina gna namono na, naikno te au rhegna bara thina igne ne filoni king te pipichi pohe thapa eigna nogna diꞌanagnafa na.

Nogna Buka Esta 7:4

Kaisei mae la fatei chekehi te mala falehe ghau iara baludi nogu naikno iara igre. Mana magnahaghei te falehe ghami ghehati hui gognarona. Jame magnahaghei ghami ghehati mala nou naikno gloku kolho iagho meuna, iara jame theome chekeni igne. Naugna igne theome puhi biꞌo mala nanga nou iagho. Nu mae igne magnahaghei te kafe falehe ghami ghehati hui!”

Thoutonu Eigna Mae Job 2:13

Mare mei ne gnokro pari ka glose na balugna mana fitu narane nei fitu bongi. Mare theome cheke ka mana naugna mare filoni mana te thofno parani fara na.

Nodi Khoje Hatimare Mae Jiu 39:2

Uve, iara neke au kmu neke theome gagri kaisei cheke kolho. Eghuteuna iara neke theome eni kaisei cheke eigna kaisei glepo te keli la ngau. Nu nogu diꞌanagnafa iara na ke la biꞌo fapulo gognaro na.

Eklesiasti 3:6

Narane mala hara glepo, nei narane mala theome hara glepo. Narane mala hata glepo nei narane mala koko glepo.

Profet Isaia 36:21

Nu mae te au ke kligna gringni igre ne au kmu ne theome ghagri kaisei cheke, naugna King Hesekaea theome snakredi mare te cheke tughu ka mana na.

Profet Jeremaea 36:24

Kate nomhidi mae king cheke igre, baludi nogna mae biꞌo re, mana jaola theome mhaghu, nei jaola theome rerheku nogna pohe na neu, fagaglana gna nogna diꞌanagnafa na.

Profet Jeremaea 8:14

Nogna naikno God te au Juda igre ginauna cheke eghu, “Naugna unha site fiti gnokro teu kolho tahati gnea? Mei ghotilo, mala rikha tei tahati ka namono te bara te lithui mare ka thina are mala lehe jare. Noda Lord God la fate ghitahi te mala lehe tahati na. Mana jateula te famei pophoji raha te mala koꞌu tahati ra eghu, naugna tahati ne tapla jafra ka nakhibo.

Lamentations 3:28

Jame Lord parani kaisei mae, te keli na mae igne tei gnokro thegna ka vido aheva te muana.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Profet Emos 8:3

“Ka narane tuana, goro gaꞌase te koje glealeꞌa ka sugagna king igre ginauna nake diꞌanagnafa nei tanhi eghu. Naugna thinidi naikno te lehere ginauna chara heva heva. Ghotilo ginauna pala tei thinidi naikno te lehe igre mala koko kolho ke kosi namono, eghuteuna theo kaisei naogla nate nomhi na.”

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Mae Khuru 4:20

Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Mae Khuru 9:39

Mae Pita ne tei baludi phiamare. Kate thoke Jopa na mare ne tathaleini mae Pita ne tei ka chogho ke kligna na. Eghuteuna goro gaꞌase tela lehehi khetodire kafe kegra faligohoni mana balu tanhi. Reꞌe ne falalase ka mana phoko nei pohe brahu eghu teke susuki Dokas kani karhagna teku na.

Ululahu Samuel 10:16

Eghuteuna mae Sol ne cheke eghu, “Te chekeni mana ka ghepa na, mare kela filodihi dongki re.” Nu mae Sol neke theome chekeni ka mae nebugna na unha teke chekeni mae Profet Samuel nate king mana ginauna.