Eklesiasti 3:3 - Buka Blahi Ka Cheke Holo

³ Narane mala falehe naikno nei narane mala fakarha naikno fogra. Narane mala paꞌe nei narane mala babana.

Eklesiasti 3:3 Iomraidhean Croise

Profet Isaia 44:26

Nu kate chekeni nogu mae gloku iara igne kaisei glepo na, glepo igne ginauna thoke mei tutuani. “Te chekeni iara gognarona, naiknore ginauna nake pulo mei Jerusalem, eghuteuna mare ginauna nake babana fapulo namono biꞌo te gnafa Juda teke groꞌe ka mae naoka igre.

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Profet Jeremaea 1:10

Ka narane igne, iara ginauna na tusu ari nolaghi ka iagho mala cheke iagho ke uludi kmana naikno ka kantri te gnafa igre. Igne nolaghi mala paꞌe soru, nolaghi mala goigoni, nolaghi mala ke babana fapulo nei nolaghi mala ke farerheta fapulo.”

Profet Jeremaea 31:28

Tifa na iara neke thofno atha fajifladi ka nodi namono re. Iara neke roꞌedi, faparidi, nei goigonidi fara neku. Nu iara Lord ginauna reireghi fakelidi ka narane iara nate babana fapulodi, nei lisei fapulodi jateula mae ihei te joꞌu gano ka nogna nagare ra eghu.” Igne cheke gna Lord.

Profet Jeremaea 33:6

“Nu neuba, ke leghu na, iara ginauna eni namono igne mala ke keli fapulo. Iara ginauna toghodi nogna naikno mana re mala ke rheta fapulo, nei au fakeli ka pharikeli.

Profet Jeremaea 45:4

Ghema Baruk, Lord na cheke ranghi ghau iara mala toutonu ka iagho nogna cheke mana igne: Iara ginauna paꞌe soru unha teke babana haghe iara igre, nei atha fadelei unha teke joꞌu iara igre, heva heva ka kantri Juda.

Profet Esikiel 13:14

mala mei paꞌe soru gringni igne, eghuteuna lisa laoni famamhaku gna na mala fiti au kolho. Kate filoni ghotilo gringni thina gna Jerusalem igne na phaꞌe te khoko soru pari, ghotilo iheire te au gaoghathomi tagna ra, ghotilo ginauna jaola khoko pari lehe. Ka narane tuana, ghotilo ginauna laseni te iara Lord.

Profet Hagae 1:2

Lord mae ihei te au nolaghi na, ne cheke eghu ka mae Hagae, “Naiknore chekeni te theome thoke ngau narane te mala fakegra fapulo nogu Sugablahi iara na.”

Profet Hagae 1:4

“Ghotilo nogu naikno iara ra! Unha ne thuru ka suga te keli fara ghotilo, kate diꞌa teu nogu Sugablahi iara na?

Profet Sekaraea 1:12

Engel nogna Lord igne ne cheke eghu, “Lord, iagho au nolaghi fateote'o. Nabagna fitusalei finogha te diꞌatamu iagho ka naiknodi Jerusalem nei ka keha namono lithui ni Juda. Niha fata diꞌatamu eghu fabrahu ka mare sagho ia? Niha nau nate falalase iagho te kokhonidi mare na?”

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Ululahu Samuel 2:6

“Lord tangomana te faleheni naikno na, eghuteuna mana tangomana teke fakarha fapuloni mana na. Mana tangomana te kuruni mana te mala tei ka namonodi mae te lehe ra, eghuteuna mana tangomana teke hata fapuloni naikno na ka namono tuana.