Eklesiasti 3:2 - Buka Blahi Ka Cheke Holo

² God lilisei narane mala karhada nei narane mala leheda ka nauthoglu igne. Mana lilisei narane mala joꞌu nei narane mala hata gano ka nagare.

Eklesiasti 3:2 Iomraidhean Croise

Jenesis 17:21

Nu iara ginauna na eni nogu nhaꞌa cheke na ka mae Isak thugna Sera nate karha mei ka finogha te fufunu gognaro gne.”

Jenesis 47:29

Kate namo thoke mei narane te mala lehegna na, mana ne toreni mae thugna Josep mala tei filoni. Kate posa mei mae Josep na, mae Jekop ne cheke eghu, “Jame te namha ghau iara na, iagho lilisei khamemu na ke parigna gahegu iara gne. Iagho nhaꞌa cheke ka iara mala thosei giugilu ghau iara agne Ijep.

Ululahu Kings 13:2

Eigna Lord ne diꞌatagna fara ka olta igne ne cheke ranghini mae profet igne mala tei cheke eghu mana. “Iagho olta! Igne unha teke chekeni Lord na, ‘Kaisei mae sua ginauna karha mei ka vikegna mae Devet, nanghagna na mae Josia. Mana ginauna hata mae pris teke fafara ke klignamu iagho ra mala falelehe ke klignamu iagho. Eghuteuna mana ginauna gahu nhubradi re ke klignamu iagho.’ ”

Fapea Kings 4:16

Eghuteuna mae Elisa ne cheke eghu ka naꞌa, “Jateula gognarogne teu ka finogha te mei gne, iagho ginauna au kaisei thumu nalhaꞌu.” Nu naikno biꞌo igne ne cheke eghu, “Mae biꞌo! Iagho mae nogna mae gloku God, thosei chaghi ghau iara!”

Thoutonu Eigna Mae Job 14:14

Ba, jame te lehe naikno na, mana ginauna tangomana na teke karha fapulo na? Jame te eghu na, iara ginauna ofou ghilei thokeni narane ari te gnafadi nogu puhi biꞌo iara re.

Thoutonu Eigna Mae Job 14:5

Iagho la liliseihi niha narane nei nhigra eghu ka nakarhagna naikno na. Iagho la liliseihi, kaisei mae theome tangomana teke tughu na.

Thoutonu Eigna Mae Job 7:1

“Nakarhagna naikno na ninhigrana fara jateula kaisei soldia eghu. Nakarha igne loku kmusa fabrahu kolho.

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Nodi Khoje Hatimare Mae Jiu 52:5

Nu God ginauna na tapla soru nigho mala theome tangomana iagho teke kegra haghe na. Mana ginauna na loku famaku nigho, nei na khi fajifla nigho ka nou suga na. Eghuteuna mana ginauna na koko soru nigho kau namonodi iheire te au ka glehe ra.

Proveb 24:27

Ulu lahu na iagho fadoglini nou glose na mala tobi nagare, eghuteuna ke leghu na iagho horo suga.

Profet Isaia 28:24

Ihei te loku ka nagare na, mana theome tangomana te fiti dokha kolho glose na. Theo. Nu mana mala joꞌu keha gano tagna.

Profet Isaia 38:1

Theome raugha ke leghugna igne, armi gna Asiria haghe ne snura Juda. Ka narane igre King Hesekaea ne fogra fara, ne ghilei namo lehe. Aonu mae profet Isaia thugna mae Emos tei ne cheke eghu ka mana, “Igne nogna cheke Lord na: Te keli na iagho fadoglini puhimu na, eigna iagho ginauna lehe, eghuteuna iagho ginauna theome tangomana na teke keli fapulo na.”

Profet Isaia 54:1

Lord ne cheke eghu, “Ghotilo nogu naikno iara ra. Funu tifa te ghilei mei posa gognaro gne, ghotilo jateula gaꞌase khara te theo thugnara eghu. Nu gognarona ghotilo gleale'a nei koje fabiꞌo eghu. Eghuteuna neuba ghotilo ne jateula gaꞌase te tei kokoni khetogna na ia neu, iara ginauna fablahi ghami ghotilo, eghuteuna ghotilo ginauna au thumi kmana salaꞌuni gaꞌase te au khetogna na.

Profet Jeremaea 1:10

Ka narane igne, iara ginauna na tusu ari nolaghi ka iagho mala cheke iagho ke uludi kmana naikno ka kantri te gnafa igre. Igne nolaghi mala paꞌe soru, nolaghi mala goigoni, nolaghi mala ke babana fapulo nei nolaghi mala ke farerheta fapulo.”

Profet Jeremaea 45:4

Ghema Baruk, Lord na cheke ranghi ghau iara mala toutonu ka iagho nogna cheke mana igne: Iara ginauna paꞌe soru unha teke babana haghe iara igre, nei atha fadelei unha teke joꞌu iara igre, heva heva ka kantri Juda.

Matiu 13:41

Iara mae teke mei funu ka God na ginauna kuru fajifladi nogu engel re. Mare ginauna vavahi fadelei ka nogna naikno God igre iheire te eꞌei puhi te diꞌa ba te fariuriu batudi keha naiknore mala theome fatutuani ni God.

Matiu 15:13

Mae Jisas neke cheke eghu, “Mae Farasi gre jateula gaju teke theome joꞌu mae Kmagu iara te au kligna ia eghu. Mana ginauna kafe rathu koko balu glathidi.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Luku 1:20

Nu fanomho ka igne! Iagho ginauna iho cheke naugna iagho ne theome fatutuani ni nogu cheke iara na. Glepo te chekedi iara ka iagho igre ginauna na thoke mei tutuani. Ke leghugna igne, iagho ginauna nake tangomana teke cheke na.”

Luku 1:36

Filo sagho! Nebumu iagho Elisabet ia, naꞌa la khaekavehi nu gognaro gne naꞌa la namno nhigragnahi bukla na.

Jone 16:21

Ghathoni igne. Kate namo karha sua na, gaꞌase na ginauna diꞌanagnafa naugna la thokenihi u narane te mala kabru naꞌa na. Nu kate karha thugna na, naꞌa ginauna nake ghatho ihoni narane teke khabru na, naugna naꞌa ne gleꞌani thugna te karha majaghani.

Jone 7:30

Kate chekeni mae Jisas igne, mae Jiure ne fariuriu lokini mana. Nu theo kaisei mae ka mare tangomana te lokini mana na, naugna nogna narane mana na theome mei au.

Mae Khuru 7:17

“Kate namo thoke mei narane tutuani teke nhaꞌa cheke God ka mae Ebraham ia, naiknore ne thovu nei kmana fara neu jare Ijep.

Mae Khuru 7:20

“Ka vido igne teke karha mae Moses na. Mana kaisei mae famane sua nalhaꞌu. Mare neke tajini mana naba thilo nhigra lamna suga.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Diutronomi 34:5

Aonu, mae Moses nogna mae gloku Lord igne ne lehe jare Moab, ne thofno horoghoto ka chekegna Lord na.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Ululahu Samuel 2:5

Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.