Eklesiasti 3:12 - Buka Blahi Ka Cheke Holo

¹² Te laseni iara na kaisei glepo ngala te ulu fara te mala eni tahati na: Tahati mala glealeꞌa nei mala edi eghu glepo te kelire kate au teu tahati ka nauthoglu igne.

Eklesiasti 3:12 Iomraidhean Croise

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Eklesiasti 2:3

Iara fariuriu fara mala lasedi gobigna lepore, aonu iara koꞌu waen mala glealeꞌa nogu, nu neuba iara loku jateula mae te fameomekro eghu. Iara magnahaghei fara te filo glanidi gobigna lepo te keli te edi naiknore ka vido te kmoꞌei kolho te au ka nauthoglu igne.

Eklesiasti 3:22

Eghume, igne unha te ghathoni iara na, tahati te gnafa na mala glealeꞌa ka unha teke edi tahatire. Theo kaisei glepo nate eni tahati na. Eghuteuna theo kaisei puhi nate laseni tahati unha nate thoke mei ginau ke leghugna te lehe tahati na.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.

Profet Isaia 64:5

Leuleghu fata na, iagho tarabanau kolho mala toghodi iheire te keli tadi fara te mala eni unha te doglo na, nei iheire te leghuni puhimu iagho te doglo na. Nu ghehati tapla jafra fabrahu ka nakhibo, eghume iagho diꞌatamu fara ka ghehati. Nu jame te leghu nigho ghehati na iagho ginauna fakarhi ghami ghehati.

Luku 11:41

Tutuani, ghotilo mala tufa ka naikno te kumare gano teke au ke lamnadi tapera re, eghuteuna God ginauna thono fagae ghami la ghotilo.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Diutronomi 12:18

Ghotilo baludi thumi nei nomi mae gloku nei vikegna mae Livae te au balumi ghotilo are eghu, ghotilo te gnafa na ginauna mala ghamu glepo blahi re ke ulugna Lord ka vido blahi teke vahini mana na. Jare ghotilo tangomana te gleꞌa ka gobigna lepo te edi ghotilo re.

Diutronomi 12:7

Ka vido blahi tuana, ghotilo baludi tharaknami re tangomana te mei ke ulugna Lord nomi God. Jare ghotilo tangomana te ghamu gano te keli mala glealeꞌa ka gobigna lepore, naugna mana neke fablahidi nomi gloku ghotilo re.

Diutronomi 26:11

Aonu iagho nei mae Livaet nei hatimare mae phosa te au balumu iagho igre, ghotilo tangomana te ghamu gano te keli ka gaghamu igne mala glealeꞌa ka gobigna lepo Lord teke tusu ari ka ghotilo ra.

Diutronomi 28:63

Mei te posa gognarogne, kate leghuni Lord ghotilo na mana neke keli tagna ka ghotilo neke tusu ranghi ghami nakarha te keli neke thovu neke kmana naikno. Nu jame te theome leghuni ghotilo mana na, mana ginauna keli tagnau kolho te thofno goigoni ghami ghotilo na. Jateula mae ihei te rathu koko buburu te diꞌa ka nagare ra eghu, mae naoka igre ginauna mei hata fajifla ghami ghotilo ka glose nate tei te hata ghotilo igne.

Ululahu Timoti 6:18

Timoti, iagho cheke faheta ka mare mala edi mare glepo te kelire, eghuteuna sasaꞌa mala toghodi keha naiknore nei tufa unha te au ka mare. Nafnata gloku te keli igre ngala, jateula te nodi dedei mare na.