Eklesiasti 2:6 - Buka Blahi Ka Cheke Holo

⁶ Eghuteuna iara hata khoꞌu mei mala faboubothudi gano teke joꞌu iara re.

Eklesiasti 2:6 Iomraidhean Croise

Nehemaea 2:14

Aonu ghehati ne leghuni gringni thina igne funu ke raru ne tei ke maghati, dongki na theome tangomana te tei na, naugna nabrou na ne diꞌa. Eghume neubane romno, ghehati soru ka Glogu Kidron mala filo fakelini gringni thina igne. Eghuteuna ghehati tei ne posani Grengatha Glokha Khoꞌu na nei nogna kholo King. Eghuteuna ka vido igne ghehati figri neke pulo ka Grengatha Glogu na mala ke ruma ka namono igne.

Nehemaea 2:8

Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Nehemaea 3:15

Mae Salum thugna mae Kolose, mae ihei te mae biꞌo ka nohi Mispa, mana neke babana fapulo Grengatha Glokha khoꞌu igne. Mana ghaghata ke kligna gna, eghuteuna famaku lao phei bobotho biꞌo, eghuteuna mare jaola lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igne. Mana jaola babana fapulo gringni thina lithuini Kholo Siloa, rhegna nogna nagare king. Eghuteuna mana loku keha vido ka gringni thina te tei posani lada biꞌo te soru funu ka nogna namono biꞌo King Devet tifa.

Nehemaea 3:16

Mae Nehemaea thugna mae Asbuk, mae ihei te mae biꞌo ka nohi Bet-Sua, mana neke babana fapulo keha vidogna gringni thina te tei posa ka bekugna King Devet nei tharakna, nei tangk biꞌo nei nogna Suga mae ihei te Nheta ka Magra.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Famane Khoje 7:4

Graramu iagho na brahu nei famane fara jateula nogna suga mala toetoe eghu King Devet. Phei tathamu iagho re sigla fara jateula khoꞌu seu ka namono Hesbon, te au rhegna grengatha Bat-Rabim. Nehumu iagho na fnonu nei famane fara jateula thoa Lebanon aheva mare tangomana te filo teini Damaskas.

Profet Jeremaea 17:8

Nafnata naikno igne jateula gaju te karha ka geri khoꞌu biꞌo ra eghu. Glathigna gaju igne soru atha khoꞌu pari. Eghuteuna khaklagnare kakarha fabrahu theome tangomana te brango na. Neubane ka nhigra aho, naꞌa ginauna na ure fabrahu kolho. Na jateula tuana eghu mana na theome mhaghu nei nanga nogna eghu kate thoke mei puhi biꞌo na.”