Eklesiasti 2:16 - Buka Blahi Ka Cheke Holo

¹⁶ Uve, mae te fameomekro ghe mae te lalase igre ginauna kafe lehe. Theo kaisei naikno nate ghathodi mae glalase ghe mae te fameomekro igre.

Eklesiasti 2:16 Iomraidhean Croise

Fapea Samuel 3:33

King Devet ne koje kaisei khoje diꞌanagnafa eigna mae Abna: “Ghema Abna! Naugna unha sagho te lehe jateula kaisei mae te diꞌa teu gnea?

Nodi Khoje Hatimare Mae Jiu 103:16

Nu kate mei nabranagna nuri na naꞌa na brango na lehe eghuteuna, tahati ginauna na dofi nodani. Eghume tahati naikno na jateula tuana eghu na ghosei dofi ghita kolho.

Nodi Khoje Hatimare Mae Jiu 49:10

Uve, te laseni tahati na mae te lalase na, mana na lehela jateula mae te theome lalase nei mae te fameomekro teugre eghu. Mana ginauna lisei faleghu nogna silenire eghuteuna keha naiknoi na teke khotodire.

Nodi Khoje Hatimare Mae Jiu 88:12

Mare au ka vido te romno, eghuteuna theo kaisei naikno nate ghathoni nou nhaꞌa cheke iagho na eghu. Eghume mare na theome filodi nou famane puhi nei nou kofubobhoi teu iagho re.

Eksodas 1:6

Kmana finogha ke leghudi igre, mae Josep baludi thabusigna mana igre au neu jare ne ghilei kafe lehe.

Eksodas 1:8

Aonu kmana finogha ke leghudi igre, kaisei king majaghani ne kegra funei Ijep, mae igne theome laseni unha teke eni mae Josep Ijep tifa na.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Eklesiasti 1:11

Naiknore theome ke ghathodi kuꞌeda tifa ra. Eghuteuna naikno nate karha mei ke leghuda tahatire, mare ginauna na jaola theo kaisei ka mare nate ghathodi kuꞌeda tifara.

Eklesiasti 2:14

Mae ihei te au tagna gaoghatho te keli na, mana filo glani ne leghuni naphae na. Nu mae ihei te fameomekro na, mana leghuni kolho nabrou te romno na. Nu neuba, te laseni iara na, glehe na ginauna kafe thokedi phei mae igre.

Eklesiasti 2:15

Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Eklesiasti 6:8

Unha glepo te keli gne nate toghoni nakarhagna mae te lalase igne te mala uluni nakarhagna mae te fameomekro na? Thono theo fara! Jame kaisei mae te kuma keli fara puhigna na kate au baludi naiknore, puhigna mana te keli igne ginauna na theome toghoni mana.

Eklesiasti 7:2

Jame te tei tahati ka suga aheva te tanhi teu naiknore ka naikno tela lehehi na, igne thofno puhi keli fara salaꞌuni puhi te tei tahati ka suga aheva te ei gaghamu biꞌo na. Naugna tahati mala kafe lehe. Eghume, kate au teu tahati ka nauthoglu igne tahati mala ghaoghatho fakeli.

Eklesiasti 8:10

Iara filoni kaisei glepo te theome keli ka nauthoglu igne: Kate lehe mae te diꞌa na mare giugiluni mana ka beku te keli, eghuteuna hata fajiflani mana ka vido te blahi na mala tei giugiluni. Eghuteuna naiknogna namono biꞌo teke edi mana puhi te diꞌa igre, mare ne fafnaknoni mana jateula kaisei mae te keli ra neu. Puhi igne jaola theo nafugna.

Eklesiasti 9:15

Nu kaisei mae te kuma au ka namono igne, eghuteuna mae igne autagna gaoghatho te keli. Eghuteuna ka nogna gaoghatho te keli igne, mana tangomana te filoni kaisei nabrou te mala fanogradi mae naoka te mala theome mei hata namono ikoi igne. Nu neuba, ke leghu na theo kaisei naikno te ghathoni mae igne na.

Eklesiasti 9:5

Uve, ihei te karha teuna laseni nate lehe ginauna. Nu iheire tela lehehi ra theome laseni kaisei glepo. Mare ginauna theome hata kaisei glepo te keli, eghuteuna naiknore ghatho ihodihi mare.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.