Eklesiasti 2:1 - Buka Blahi Ka Cheke Holo

¹ Iara cheke eghu ka nagnafagu thegu na, “Iara ginauna fariu riudi gobigna lepo te keli igre mala laseni unha nate glealeꞌani iara na.” Nu puhi igne jaola theo nafugna kolho.

Eklesiasti 2:1 Iomraidhean Croise

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”

Fapea Kings 5:5

Eghuteuna king gna Siria igne ne cheke eghu, “Uve, iara ginauna rioriso kaisei letas mala hata tei iagho ka king gna Israel.” Mae Naman hata nogna letas king igne, eghuteuna mana ne hata thilo gobi phiatutu kilo silva, eghuteuna fitusalei kilo gol, eghuteuna nabotho famane pohe eghu ne tei balugna.

Nodi Khoje Hatimare Mae Jiu 10:6

Aonu mana ne funu cheke eghu, “Iara ginauna kegra hetau, theome tangomana kaisei puhi nate thoke ghau iara ginauna.”

Nodi Khoje Hatimare Mae Jiu 14:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Nodi Khoje Hatimare Mae Jiu 27:8

Kate cheke eghu iagho ka iara na, “Mei sagho mala pogho soru ke ulugu iara,” iara na cheke eghu, “Lord, iara thofno keli tagu fara, iara na ari ka iagho.”

Proveb 14:13

Neubane maꞌe tahati, diꞌanagnafa na theome tei koko ghita na. Nu kate gnafa gleale'a na, diꞌanagnafa na theome gnafa.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Eklesiasti 2:10

Uve, iara au nogu gobigna lepo te magnahaghedi iara re, eghuteuna iara eni unha te magnahagheni fara iara na. Iara thofno glealeꞌa fara ka gobigna lepo te edi iara re, eghuteuna glepo igre jateula nogu taba eghu iara.

Eklesiasti 2:15

Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Eklesiasti 2:25

Jame te theome tusu mei God glepo igre ka tahati na, tahati ginauna theo gheda gano, eghuteuna tahati ginauna na theome glealeꞌa.

Eklesiasti 7:4

Jame te au ka iagho gaoghatho te keli na, iagho ginauna magnahaghei te au baludi naikno te tanhi ka naikno tela lehehi na. Nu ihei te theome au tagna gaoghatho te keli na, mana magnahaghei te au baludi naikno te edi thua nafnata puhi te mala gleale'a na.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.

Profet Isaia 5:5

Iara ginauna chekeni ka ghotilo unha nate eni iara ka nagare igne. Iara ginauna paꞌe soru bara igne mala mei naikno nei buluka eghu mala tapla ke kligna gna.

Profet Isaia 50:11

Nu ghotilo iheire te theome fatutuanini Lord ra ghotilo ginauna tei thoke ka narane te ninhigrana nei lehe eghu. Naugna ghotilo ne magnahaghei te hiro nomi nabrou themi, nu nabrou igne thono romno fara eghu.

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Jemes 4:13

Fanomho fakeli ghotilo ia. Thosei cheke eghu koba, “Gognaro ba nathuꞌu tahati na tei ka kaisei namono biꞌo mala au jare kaisei finogha. Eghuteuna tahati ginauna na loku heta mala hata sileni biꞌo.”

Jemes 5:1

Fanomho fakeli ghotilo naikno te dedei ra. Gognaro na ghotilo tanhi nei diꞌanagnafa eghu naugna God ginauna na fate ghami ghotilo eidi glepo diꞌa te eidi ghotilo are.

Jemes 5:5

Mare tanhi nei diꞌanagnafa naugna ghotilo ne theome tabadi mare. Nu ghotilo theome tanhi nei diꞌanagnafa eghu naugna ghotilo dedei fara nei ludeni unha te magnahagheni themi na. Nu ghotilo jateula kaisei buluka biꞌo te mala tarabana te mala falelehe te ghamu ia eghu. Buluka na gleale'a fara leuleghu narane, eghuteuna theome laseni narane mala lehegna na. Ghotilo jateula tuana eghu theome laseni narane God nate fate ghami ghotilo na.