Eklesiasti 12:2 - Buka Blahi Ka Cheke Holo

² Ka narane tuare naprai nei glaba nei nathunu teu igre theome agha fakeli, eghuteuna gromno nakhete ginauna mei fabrahu.

Eklesiasti 12:2 Iomraidhean Croise

Jenesis 27:1

Kate la kueku'ehi tela dofuhi mae Isak phei tathagnare, mana ne ehani mae Iso, mae thugna ulu lahu na ne cheke eghu ka mana, “Thuguo.” Mae Iso ne cheke eghu, “Hoe, iara au teu ao.”

Jenesis 48:10

Ka narane igne phei tathagna mae Jekop re la dofu hi naugna mana la mae khueku'e fara hi. Aonu mae Josep hata ne mei phei mae thugna re rhegna mana. Mae Jekop ne loku ka khamedi phia mae sitei re ne gnanghodi phia mare.

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.

Nodi Khoje Hatimare Mae Jiu 77:16

God, kate mei iagho na thongna gne ginauna jateula naikno te filo nigho te mhaghura eghu. Uve, nhorora gne na jateula naikno te rhana ra eghu.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Profet Isaia 13:10

Ka narane igne, nathunu nei glaba teu igre ginauna theome agha bongiro na, eghuteuna neuba naprai na ne haghe hamerane, naꞌa ginauna theome agha kolho.”

Profet Isaia 5:30

Ka narane igne, mae soldia re ginauna thagru fabiꞌo fara jateula naogladi galo biꞌo te mei poha ka khalaꞌe na ka narane te mei saeklon ra eghu. Eghuteuna jame ihei te mei ka nomi kantri ghotilo igne na, mana ginauna filoni puhi biꞌo kolho. Uve, ka narane igne ginauna na jateula gromno biꞌo te mei te toku tafruni naphaegna naprai na ia eghu!

Profet Joel 3:15

Ka narane tuana, naprai, nei glaba, nei nathunu teu igre ginauna kafe romno soru.

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Ululahu Samuel 3:2

Eghuteuna jaola ka narane igre, mae Eli la kuekuꞌehi, eghuteuna phei tathagna re la diꞌahi, la theome tangomana hi te fifilo na. Kaisei bongi mana thuru neu ka nogna chogho na,

Ululahu Samuel 4:18

Aonu kate nomhini igne, mae Eli ne uka faleghu ka nogna chea na rhegna grengatha gna namono na. Mana khoko soru ka glose na ne klopa grara na ne lehe, naugna mana thono kuekuꞌe fara, nei jaola blokha fara. Mae Eli neke funei ka naiknodi Israel phiatutu finogha.