Eklesiasti 12:1 - Buka Blahi Ka Cheke Holo

¹ Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Eklesiasti 12:1 Iomraidhean Croise

Jenesis 39:2

Lord na ne au balugna mae Josep, eghuteuna gobigna lepo te edi mana re ne thofno keli fara. Mae Josep gne ne loku ka sugagna mae Potifa na,

Jenesis 39:23

Lord ne au balugna mae Josep ne toghoni mana, eghuteuna glepo te edi mana re ne keli fara. Mae te reireghigna suga sosolo na theome ghatho peapea ka unha te chekedi mana mala edi mae Josep teure.

Fapea Samuel 19:35

Filo sagho. Iara nhana salei finoghaguhi gognarona. Iara theome laseni kaisei glepo te keli ba theo. Eghuteuna kate ima nei koꞌu teuna, iara theome haimini glepo igne te mamahe ba theo. Phei khuligu gre megli theome nomhidi naogladi iheire te koje. Iara theome magnahaghei nigho iagho te kmusa ka iara na.

Fapea Samuel 19:36

Iagho theome naba te eni kaisei glepo biꞌo jateula igne teu ka iara na. Nu iara ginauna ari balumu katha vido kolho ke kasa khoꞌu Jordan.

Ululahu Kings 14:13

Naiknodi Israel igre ginauna tanhi, nei giugilui ni mana. Tuana ngala ka tharaknagna King Jeroboam te giugilu mare na, naugna Lord, nodi God maedi Israel, ne kelitagna ka mae sua igne.

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Thoutonu Eigna Mae Job 30:2

Mae igre theome tangomana te togho ghau iara na, naugna mare kuekuꞌehi nei jaola thono glaꞌe fara.

Nodi Khoje Hatimare Mae Jiu 119:55

Lord God, bongiro na iara ghatho nigho iagho, aonu iara na leghudi fabrahu nou famane farirhiu iagho ra.

Nodi Khoje Hatimare Mae Jiu 34:11

Ghotilo kheragu mae majaghani iara ra, ghotilo mei mala fanomho ka iara. Iara ginauna na farirhiu ghami ghotilo mala ghatho tahuni Lord.

Nodi Khoje Hatimare Mae Jiu 63:6

Kate thuru na, iara ghatho nigho iagho kolho, funu grafi te posa hamerane na.

Nodi Khoje Hatimare Mae Jiu 90:10

Nakarhami ghehati ka nauthoglu igne na thokeni kolho fitu salei finogha, jame te nheta thinimi ghehati gre na, ghehati ginauna thokeni kolho nhana salei finogha na. Neubane eghu ngau, kmana puhi nei diꞌanagnafa eghu thoke ghami ghehati. Uve, theome raugha ngala ghehati glehemi na.

Proveb 22:6

Farirhiudi suare mala leghuni puhi te doglo na, kate biꞌo haghe na, mare ginauna na theome ghatho ihoni farirhiu tuana.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Eklesiasti 11:10

Nomi narane te mala majaghani teu ghotilo na theome brahu. Jateula glepo te theo nafudi ra eghu kolho. Eghume ghotilo thosei nanga nomi ka puhi biꞌo nate thoke ghami ghotilo are. Eghuteuna ghotilo thosei leghudi puhi nate fakabrudi thinimi are.

Eklesiasti 11:2

Eghume, iagho mala lilisei nou silenire ka fitui ba nhanai bisnis, naugna iagho theome laseni unha nafnata hoholo biꞌo nate thoke mei ka nauthoglu igne.

Eklesiasti 11:8

Tahati mala glealeꞌa ka finogha te au teu tahati ka nauthoglu igne. Neuba tahati ne au kmana finogha, tahati theome tangomana te ghatho ihoni glepo igne: tahati ginauna au kmana finogha ka namonodi mae tela lehehi ra. Glepo nate thoke mei ke leghu re, igre theo nafudi kolho.

Profet Isaia 26:8

Uve, ghehati thofno leghuni fara nou vetula iagho na. Glepo ulu te magnahagheni ghehati na, naiknore mala ghatho tahuni nanghamu iagho na.

Lamentations 3:27

Te keli na tahati jame hata farirhiu ka mana kani majaghaniu.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Hosia 7:9

Nu puhi te pogho soru ka mumuju naiknodi Israel igne khogla nhaꞌa faparidi kolho thedi, nu mare theome laseni unha puhi biꞌo nate thokedi mare na. Mae igre khuekuꞌehi la nufahi phaꞌudi re la glaꞌehi thinidi re, nu mare theome filo glanidi kolho thedi eghu.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Luku 18:16

Nu mae Jisas ne kilo meidi goro suare ka thegna, ne cheke eghu ka nogna mae fanomhore, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Efesus 6:4

Iara magnahaghei cheke ka ghotilo mae iheire te kmadi suara, thosei eni kaisei puhi ba cheke te mala diꞌa tadi fara thumire. Nu ghotilo taji fakelidi nei farirhiudi eghu ka puhida tahati naikno khiloau.

Diutronomi 8:18

Ghathoni Lord nomi God. Mana ngala mae ihei teke tusu ari nolaghi ka ghotilo na mala au nomi kmana glepo te keli. Mana eni igne gognarona naugna mana tajini nhaꞌa cheke teke eni mana baludi kuꞌemi ghotilo tifara.

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Ululahu Samuel 1:28

Eghume, iara ginauna lisa lao sua igne ka khame gna Lord. Ka nakarhagna fateote'o na, mana ginauna mala nogna Lord fabrahu.” Eghuteuna mare ne pogho soru ne kilo fnaknoni Lord Saelo.

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.