Eklesiasti 11:1 - Buka Blahi Ka Cheke Holo

¹ Te keli na iagho tufa glepo kmana ka keha naiknore, naugna ke leghu na iagho ginauna hata taba te keli.

Eklesiasti 11:1 Iomraidhean Croise

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 22:9

Mae te tufa gano ka mae te kuma na, ginauna kelitagna fara.

Eklesiasti 11:6

Iagho mala joꞌu gano ka nagare hamerane boibongi, eghuteuna keha fei grafi. Iagho theome laseni unha nafnata gloku nate keli na. Glahu te joꞌu iagho hamerane igre te au ganodi re, ba te fei grafi igre, ba phei igre kafe keli hui.

Eklesiasti 3:6

Narane mala hara glepo, nei narane mala theome hara glepo. Narane mala hata glepo nei narane mala koko glepo.

Profet Isaia 32:20

nu nogu naikno iara re ginauna snori nodi kolho. Naugna Lord na fablahidi nodi nagare te au ka geri khoꞌu biꞌo. Nodi buluka nei nodi dongki teure ginauna au ghedi kmana gano te keli te mala ghamu na. Eghuteuna reꞌe ginauna nolo tafri kolho ka vido igne.

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.

Levitikas 19:25

Leghu lahu na, ka falima finogha na ghotilo tangomana te ghamu sisi na. Jame te leghuni ghotilo igne na, iara ginauna fablahidi nomi gaju ghotilo re, mala ure kmana sisi, naugna iara Lord, nomi God ghotilo.

Matiu 10:13

Jame te taji ghami naiknogna suga tuana, toreni nogna fablahi God na ranghidi eghu. Nu, jame te theo na, hata fapulo nomi fablahi na eghu.

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Matiu 25:17

Ke jaola ngau mae teke hata phia duku na. Mana tei ne loku neke tangomana teke horo haghe keha phei duku sileni.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Luku 14:14

Te eghu iagho na, iagho tangomana te gleale'a na. Naugna neubane theome ke tughuni mare gaghamu teke eni iagho tuana, God ginauna nake tughu fapuloni ka iagho, kau narane nate kegra fapulodi naikno te kelire.”

Fapea Korin 9:6

Ghathoni igne, ihei te theome joꞌu fakmana na, mana ginauna theome hata kmana gano kolho. Ihei te joꞌu fakmana na, mana ginauna jaola hata kmana gano.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.