Eklesiasti 10:12 - Buka Blahi Ka Cheke Holo

¹² Nogna cheke mae te autagna gaoghatho te keli na, naiknore ghatho tahuni mana. Nu nogna cheke mae te fameomekro na, faparini kolho thegna.

Eklesiasti 10:12 Iomraidhean Croise

Thoutonu Eigna Mae Job 16:5

Jame te eghu na, iara ginauna farerheta gaoghathomu iagho na, eghuteuna nogu cheke iara na ginauna iagho kelitamu ni.”

Nodi Khoje Hatimare Mae Jiu 140:9

Thosei snakredi sagho mae naokare mala tapla fapari ghau iara ka magra na. Ke figri sagho nodi fangiri ngiri nei cheke te diꞌa teu are mala ke pulo ka thedi.

Nodi Khoje Hatimare Mae Jiu 37:30

Mae te doglo igne au tagna u gaoghatho te keli, eghuteuna unha te chekedi mana ka naiknore famane keli koba. Mana tangomana te cheke ka puhi te doglo.

Nodi Khoje Hatimare Mae Jiu 64:8

God ginauna paradi mare eidi nodi cheke mare te diꞌa tuare. Iheire te filodi mae igre na mare ginauna maꞌedi mare.

Proveb 10:10

Naikno te kaflo gehe na tangomana te edi kmana puhi te diꞌa. Eghuteuna naikno te fameomekro na, ginauna goigoni nakarha gna na.

Proveb 10:8

Naikno te autagna gaoghatho te keli na fanomho ka cheke na. Nu naikno te cheke fameomekro na, ginauna goigoni nakarha gna na.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Proveb 22:11

Mae ihei te au klino fabrahu ka tathagna God na, eghuteuna nogna chekere keli fara teuna, mana ginauna mala kheragna funei.

Proveb 26:9

Famane cheke ka foflogna mae te fameomekro na, jateula phono te lolhoku mae te koꞌu te thaviru na te pusi tafri te churudi naikno ra eghu kolho.

Proveb 31:26

Naꞌa chekedi koba cheke te keli nei cheke glalase teu te kelitadi keha naiknore, eghuteuna naiknore fatutuanidi nogna cheke naꞌa re.

Eklesiasti 12:11

Nogna cheke mana igre jateula nogna khodo mae greireghi sipu te batudi nogna sipu ra eghu. Uve, famane cheke igre jateula nila te churu te tei lamna gaju te fei augna ra eghu. God mae ihei te tusu mei famane cheke igre, mana reireghi fakeli ghita tahati jateula nogna sipu eghu.

Eklesiasti 4:5

Naikno te fameomekro na tirogna loku, aonu naikno tuana ginauna goigonini kolho nakarhagna thegna na.

Eklesiasti 5:2

Iagho kulu ghaoghatho fakeli, ame tangomana nga iagho te kegra haghe te chekeni kaisei glepo na. Iagho thosei nananga te mala nhaꞌa cheke ka God na. Naugna God na au kligna, eghuteuna iagho au ka nauthoglu igne, eghume iagho thosei cheke me brahu.

Eklesiasti 5:6

Thono diꞌa fara te chekeni iagho cheke te mala batu nigho ka nakhibo na. Jaola iagho thosei tei cheke eghu ka mae pris, “Nogu nhaꞌa cheke iara igne jafrau.” Ba, iagho magnahagheni God te diꞌatagna ka iagho te goigonidi gobigna lepo teke loku teke kmusadi iaghore sia?

Eklesiasti 9:17

Te keli na iagho fanomho ka nogna cheke mae ihei te au tagna gaoghatho te keli na, ke kelignai te fanomho iagho ka nogna cheke mae lida te eha tongana farihoteidi mae iheire te fameomekro are.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Luku 19:22

“Mae funei na ne cheke eghu ka mana, ‘Iagho mae gloku diꞌa fara! Iara na hata nou cheke themu iagho tuana mala fate nigho iagho! Naugna te chekeni iagho na, iagho lase ghauhi iara kaisei mae te ninhigrana puhigu na, hata fajifla sileni teke lilisei keha mae ka banki nei hata gano ka nagare teke joꞌu keha maei teu gne.

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.