Eklesiasti 10:10 - Buka Blahi Ka Cheke Holo

¹⁰ Jame te theome jaha fafnonu iagho nou nhirama na, iagho ginauna kmusa kate kato tagna. Eghume iagho ghaoghatho fakeli mala bligi ranghi nigho nou gloku na.

Eklesiasti 10:10 Iomraidhean Croise

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Ululahu Kronikols 12:32

Ka vikegna mae Isaka, mare au phei gobi ofisa balu nodi soldia. Mae ofisa igre au tadi gaoghatho te keli, nei lasedi unha glepo te thoke mei ba unha glepo te edi naiknodi Israel.

Eklesiasti 10:11

Jame kaisei mogo te kathini kaisei mae tifa, nu mana tangomana te fakmugnani mogo tuana. Nu jame te snakreni mana mogo na teke kathini mana na, unha glepo te keli gne nate toghoni mae te ohogna mogo igne?

Eklesiasti 10:15

Mae te theome autagna gaoghatho te keli na, mana theome deni nabrou te mala tei ka nogna suga na, nafnata mae igne ginauna fiti kmusa kolho ka unha te eni mana na.

Eklesiasti 10:9

Mae te kato thina mala horo suga teuna, glahula ghoreho tagna. Eghuteuna mae te kato thaba na ginauna jaola ghoreho tagna.

Eklesiasti 2:13

Eghuteuna unha te filoni iara na, gaoghatho te keli na uluni puhi te fameomekro na, jateula naphae te uluni gromno na.

Eklesiasti 9:18

Gaoghatho te keli na thofno keli fara salaꞌuni glepo mala magra na, nu kaisei mae te diꞌa puhigna na tangomana te goigonidi kmana glepo te keli.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Letas Teke Riso Tei Mae Pol Ka Khiloau Rom 16:19

Naikno te gnafare nomhinihi eigna te kegra heta ghotilo ka nomi fatutuani na. Iara gleale'a fara ka ghotilo eigna igne. Nu iara magnahaghe ghami ghotilo te mala thofno lase fakelidi mala edi glepo te kelire, nei iara magnahaghe ghami ghotilo te mala thosei ghathodi mala edi kolho glepo te diꞌare.

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.