Eklesiasti 1:2 - Buka Blahi Ka Cheke Holo

² Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Eklesiasti 1:2 Iomraidhean Croise

Thoutonu Eigna Mae Job 11:12

Naikno te theo kaisei glalase ka phaꞌugna na, mana theome tangomana te leghuni puhi te lalase na. Kaisei nanaba ka puhigna dongki te theome tangomana te karha thugna naikno!

Nodi Khoje Hatimare Mae Jiu 144:4

Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Nodi Khoje Hatimare Mae Jiu 89:47

Ghatho mei ghau iara sagho. Iara gne khogla naikno kolho, eghuteuna nakarhagu iara na theome brahu kolho. Iagho neke vuavuha ghami ghehati mala karha neku, eghuteuna ke leghu na ghehati ginauna mala kafe lehe kolho.

Eklesiasti 11:10

Nomi narane te mala majaghani teu ghotilo na theome brahu. Jateula glepo te theo nafudi ra eghu kolho. Eghume ghotilo thosei nanga nomi ka puhi biꞌo nate thoke ghami ghotilo are. Eghuteuna ghotilo thosei leghudi puhi nate fakabrudi thinimi are.

Eklesiasti 11:8

Tahati mala glealeꞌa ka finogha te au teu tahati ka nauthoglu igne. Neuba tahati ne au kmana finogha, tahati theome tangomana te ghatho ihoni glepo igne: tahati ginauna au kmana finogha ka namonodi mae tela lehehi ra. Glepo nate thoke mei ke leghu re, igre theo nafudi kolho.

Eklesiasti 12:8

Mae glalase igne neke cheke eghu, “Gobigna lepo fateote'o ka nauthoglu na igre theo nafudi kolho! Uve, theo nafudi tutuani fara, nakarhada tahati na jateula mae ihei te ngolho leghu ka nuria na ia eghu kolho.”

Eklesiasti 2:11

Nu kate ghathodi iara unha te edi nei loku branadi teu iara igre na, iara haimini ka glamnagu na, unha te edi nei loku branadi teu iara igre theo nafudi kolho. Iara jateula mae ihei te ngolho leghu ka nuri ia eghu kolho. Iara theome filoni kolho kaisei glepo te keli tagna.

Eklesiasti 2:15

Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Eklesiasti 2:17

Eghume, iara tiroguni nakarhagu na. Gobigna lepo fateote'o te loku hetadi iara ka nauthoglu igne hata mei puhi biꞌo ka nakarhagu iara na. Nakarha igne theo nafugna kolho. Khogla jateula mae te ngolho leghu ka nuri na ia eghu kolho.

Eklesiasti 2:19

Iara theome laseni glahu mae igne autagna gaoghatho te keli, ba kaisei mae fameomekro kolho. Mana ginauna funei frunidi gobigna lepo teke loku branadi iara ka nogu glalase na. Igne jaola theo nafugna ka gaoghathogu iara na.

Eklesiasti 2:21

Naikno na loku heta ka nogna glalase nei ka nogna gaoghatho, nu kate lehe na, mana lisei lao gobigna lepo igre ka mae ihei teke theome loku heta tagna na. Puhi igne theome doglo, nei theo nafugna eghu ka gaoghathogu iara na.

Eklesiasti 2:23

Leuleghu narane na tahati huruhanga nei diꞌanagnafa eghu ka gloku te edi tahati igre. Tahati theome thuru fakeli bongi narane na. Nafnata nakarha igne jaola theo nafugna ka gaoghathogu iara na.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Eklesiasti 2:8

Iara neke hata nodi silva nei gol, nei dedei ka hatimare mae king nei ka provins te gnafa te funei frunidi iara igre. Iara au nogu gaꞌase nei nalhaꞌu eghu te mala koje ranghi ghau te mala glealeꞌa na. Eghuteuna iara jaola au kmana gaꞌase mala glealeꞌa nogu jateula te edi keha mae are eghu.

Eklesiasti 3:19

Nakarhagna naikno na nei nakarhagna glepo te tautagu na eghu kaisei nanaba ngala. Uve, glepo te tautagu na mala lehe, eghuteuna naikno na mala jaola lehe. Jame te eghuna, naikno na theome tangomana te chekeni ne thofno keli fara ne salaꞌuni glepo te tautagu na teuna, naugna repa mala kafe lehe kolho kate thoke mei nodi narane na. Eghume, nakarhadi phei glepo igre kafe theo nafudi kolho ka gaoghathoda tahati na.

Eklesiasti 4:16

Eghuteuna neuba mana ne funei frunidi kmana naikno, nu kate lehe mae king majaghani igne na, theo kaisei naikno kolho nate ghathodi nei glealeꞌadi teu unha glepo te keli teke edi kani karha teku mana ka nauthoglu igne. Igne jaola theo nafugna ka gaoghathoda tahati na jateula mae ihei te ngolho leghu ka nuri na ia eghu kolho.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Eklesiasti 4:8

Jame kaisei mae au sopa thegna, mae igne theo thabusigna, ba thugna, nu leuleghu narane na mana loku heta fabrahu theome gnafa kaisei narane, naugna mana magnahaghei sileni biꞌo. Nu mae igne theome ghusna eghu ka thegna, “Mala toghoni ihei si gloku biꞌo te edi iara leuleghu narane te theome gnafa igrea?” Nafnata puhi te eni mana igne thofno diꞌa fara nei theo nafugna eghu kolho.

Eklesiasti 5:10

Jame iagho magnahaghei sileni fara, iagho ginauna au diꞌanagnafa, naugna iagho ne theome au naba sileni. Eghuteuna jame iagho magnahaghei fara te kaisei mae dedei, iagho ginauna theome kafe hata unha te magnahagheni iagho na. Uve, nafnata puhi igne theo nafugna kolho.

Eklesiasti 6:11

Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.

Letas Teke Riso Tei Mae Pol Ka Khiloau Rom 8:20

Ke leghugna te vuavuha God glepo igre mana neke tughu glepo igre mala theo nafudi. Glepo igre theome magnahaghei mala eghu neku thedi, nu leghuni gaoghathogna God na. Eghuteuna God laseni igne eigna thogheiro na mana ginauna fasnagladi gobigna lepo ka nauthoglu gne ka nolaghi te goigonidi gobigna lepo igre. Eghuteuna gobigna lepo igre ginauna majaghani kligna, jateula tahati goro thugna God gre ginauna jaola majaghani ka nakarha te ulu tulao.