Eklesiasti 1:16 - Buka Blahi Ka Cheke Holo

¹⁶ Igne unha te ghathoni iara na, “Iara kaisei mae biꞌohi, eghuteuna iara lalase fara salaꞌudi hatimare mae king teke kulu funei fruni agne Jerusalem tifa ra. Eghuteuna iara thofno lase fakelini puhigna mae ihei te au tagna gaoghatho te keli na.”

Eklesiasti 1:16 Iomraidhean Croise

Ululahu Kings 10:7

Nu iara neke theome fatutuanidi glepo igre ne ghilei mei filo tathagu thegu. Tutuani fara, iagho kaisei mae glalase fara nei kaisei mae dedei fara eghu salaꞌudi unha te mei toutonudi naikno gre ka iara ra.

Ululahu Kings 4:30

Mana lalase fara salaꞌudi mae glalasedi ka kantri ke maghati nei mae glalasedi Ijep.

Ululahu Kings 5:9

Nogu mae gloku iara igre ginauna pala thaba funu Lebanon soru tongna. Aonu mare ginauna haru fodu, eghuteuna mare ginauna fatathao ka thongna, ari longa ka vido aheva te magnahagheni iagho na. Ka vido tuana nogu mae gloku iara gre nate ari rurutha thabare, eghuteuna nou mae gloku iagho re tangomana te pala te tei re. Te mala folidi mare na, iara magnahaghei nigho iagho te famei gano ka iara baludi mae iheire te au ka sugagu iara igre.”

Fapea Kings 5:20

mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Fapea Kronikols 2:12

Tahati cheke fakelini Lord nodi God mae Israel! Mana neke vuavuha maloa kligna ghe nauthoglu pari igne! Lord neke tusu ranghini King Devet kaisei mae thugna te lalase fara nei au tagna gaoghatho te keli. Iagho tangomana te horo kaisei Sugablahi malagna Lord, nei kaisei suga biꞌo malamu themu.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Nodi Khoje Hatimare Mae Jiu 77:6

Leuleghu bongi na iara gaoghathodi fabrahu eidi narane teke koje iara teke glealeꞌa nagnafagu na, aonu iara ne cheke eghu:

Eklesiasti 2:1

Iara cheke eghu ka nagnafagu thegu na, “Iara ginauna fariu riudi gobigna lepo te keli igre mala laseni unha nate glealeꞌani iara na.” Nu puhi igne jaola theo nafugna kolho.

Eklesiasti 2:15

Eghume, unha te filoni iara na igne, unha te thokeni mae te fameomekro ginauna na jaola thoke ghau iara. Jame teuna, unha glepo te keli gne nate uluni iara ka nogu glalase na? Theo fara! Igne jaola theo nafugna kolho ka gaoghathogu iara na.

Eklesiasti 2:9

Iara fnakno nanghagu na heva heva, eghuteuna theo kaisei mae ka mae iheire teke kulu funei fruni ke ulugu iara agne Jerusalem te fnakno nanghadire jateula iara teuna. Eghuteuna nogu glalase iara na au fabrahu theome khoko ka iara.

Eklesiasti 3:17

Igne unha te ghathoni iara na, “God ginauna na kafe fate falehedi naikno te doglo nei naikno te diꞌa teu igre. Eigna mana liliseihi narane te mala fatedi gobigna lepo fateote'o te edi naiknore.”

Profet Jeremaea 22:14

Mae king igne ne cheke eghu, ‘Iara ginauna horo kaisei nogu suga biꞌo fara, eghuteuna suga igne ginauna au kmana chogho biꞌo kligna.’ Mana ne horo kmana wida biꞌo ka suga igne, eghuteuna lalaoni fakeli gringnigna suga igne ka famane gaju sida ne peda ukru.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Hibru 5:14

Nu ihei te ghamu gano te maku na mana jateula mae tela biꞌohi eghu. Nafnata naikno tuana au fabrahu tagna gaoghatho te keli mala laseni unha glepo te keli ba unha glepo te diꞌa.