Whakakitenga 15:3 - Paipera Tapu 2012

³ Kei te waiata hoki rātou i te waiata a Mohi, pononga a te Atua, me te waiata anō a te Reme; i mea rātou: “He nui āu mahi, e mīharotia ana, e te Ariki, e te Atua Kaha Rawa! Tika tonu ōu ara, pono tonu, e te Kīngi o ngā whakatupuranga!

Te Paipera Tapu 1952

³ Kei te waiata hoki ratou i te waiata a Mohi, pononga a te Atua, me te waiata ano a te Reme; i mea ratou, He nui au mahi, e miharotia ana, e te Ariki, e te Atua Kaha Rawa; tika tonu ou ara, pono tonu, e te Kingi o nga whakatupuranga.

Te Kawenata Hou

³ Kei te waiata hoki rātou i te waiata a Mohi, pono­nga a te Atua, me te waiata anō a te Reme; i mea rātou: “He nui āu mahi, e mīharo­tia ana, e te Ariki, e te Atua Kaha Rawa! Tika tonu ōu ara, pono tonu, e te Kīngi o ngā whaka­tupu­ranga!

Whakakitenga 15:3 Iomraidhean Croise

Kenehi 17:1

Ā, i te mea ka iwa tekau mā iwa ngā tau o Āperama, ka puta mai a Ihowā ki a Āperama, ka mea ki a ia, “Ko ahau te Atua Kaha Rawa; hāereere i mua i tōku aroaro, kia tapatahi hoki te whakaaro.

1 Whakapapa 6:49

Ko Ārona ia i mea whakahere, rātou ko āna tama, ki runga ki te āta tahunga tinana, ki runga hoki ki te āta tahu whakakakara; ko tā rātou ko ngā mahi katoa o te whare tino tapu, ko te whakamārie mō Īharaira; ko ngā mea katoa i whakahaua e Mohi pononga a te Atua.

2 Whakapapa 24:6

Nā, ka karanga te kīngi ki a Iehoiara, ko te upoko hoki ia, ā, ka mea ki a ia, “He aha koe tē mea ai ki ngā Rīwaiti kia mauria mai i a Hūrā, i Hiruhārama, te mea i kohikohia, tā Mohi pononga a Ihowā me tā te whakaminenga o Īharaira mō te tapenākara o te whakaaturanga?”

Nehemia 9:14

Ko tōu hāpati tapu nāu i whakaatu ki a rātou; me ngā whakahau, me ngā tikanga, me te ture, nāu i whakahau ki a rātou, arā nā tāu pononga, nā Mohi.

Hopa 36:24

“Kia mahara kia whakanuia e koe tāna mahi, e waiatatia nei e te tangata.

Hopa 5:9

E mahi nei i ngā mea nunui e kore nei e taea te rapu atu, i ngā mea whakamīharo e kore nei e taea te tatau.

Waiata 100:5

He pai hoki a Ihowā; pūmau tonu tāna mahi tohu; ā, kei tēnā whakatupuranga, kei tēnā whakatupuranga, tōna pono.

Waiata 105:5

Maharatia āna mahi whakamīharo i mahia e ia, āna merekara me ngā whakaritenga a tōna māngai,

Waiata 111:2

He nui ngā mahi a Ihowā, e whakatakina ana e te hunga katoa e manako ana ki aua mea.

Waiata 111:7

Ko ngā mahi a ōna ringa he pono, he whakawā tika; pono tonu āna akoranga katoa.

Waiata 139:14

Ka whakawhetai ahau ki a koe; he mea whakawehi, he mea whakamīharo tōku hanganga; he mahi whakamīharo āu mahi, mōhio rawa anō tōku wairua ki tēnā.

Waiata 145:17

He tika ngā ara katoa o Ihowā; he tapu hoki āna mahi katoa.

Waiata 145:6

Ka kōrerotia anō e te tangata te kaha o āu mahi whakamataku; māku anō e kōrero tōu nui.

Waiata 18:30

Tēnā ko te Atua, tika tonu tōna ara; kua oti tāna kupu te whakamātau; he whakangungu rākau ia ki te hunga katoa e whakawhirinaki ana ki a ia.

Waiata 78:12

He mea whakamīharo āna mahi i te aroaro o ō rātou tūpuna, i te whenua o Īhipa, i te pārae o Toana.

Waiata 92:5

Anō te nui o āu mahi, e Ihowā! Hōhonu rawa ōu whakaaro.

Waiata 99:4

E matenui ana hoki te kaha o te kīngi ki te whakawā tika; ko koe hei whakapūmau i te pono; he whakawā tika, he hēkore tāu mahi i roto i a Hākopa.

Ihāia 33:22

Nō te mea ko Ihowā tō tātou kaiwhakawā, ko Ihowā tō tātou kaiwhakatakoto tikanga, ko Ihowā tō tātou kīngi; māna tātou e whakaora.

Ihāia 45:21

Whakaaturia, kawea mai kia tata, kia whakatakoto whakaaro ngātahi rātou. Nā wai tēnei i kōrero i mua riro, nā wai i whakaatu i ngā wā onamata? He teka ianei nāku, nā Ihowā? Kore atu hoki he atua, ko ahau anake; he Atua tika, he kaiwhakaora; kāhore kē atu, ko ahau anake.

Raniera 6:20

Ā, nō tōna tatanga atu ki te ana, ki a Raniera, ka karanga ia, he reo tangi te reo; i kōrero te kīngi, i mea ki a Raniera, “E Raniera, e te pononga a te Atua ora, he kaha rānei tōu Atua e mahi tonu nā koe ki a ia, ki te whakaora i a koe kei mate i ngā raiona?”

Raniera 9:11

“Āe rā, kua takahia e Īharaira katoa tāu ture, kua whakarērea e rātou, kia kore ai rātou e rongo ki tōu reo; koia i ringihia ai te kanga ki runga ki a mātou, me te oati i tuhituhia ki te ture a Mohi pononga a te Atua; kua hara hoki mātou ki a ia.

Hōhea 14:9

Ko wai te mea whakaaro nui hei mātau ki ēnei mea? Ko wai te mea tūpato e mōhiotia ai? Tika tonu hoki ngā ara a Ihowā, ā, ka haere te hunga tika i reira, ka taka ia te hunga hē i reira.

Mika 7:20

Ka whakatutukitia e koe te mea tika ki a Hākopa, te aroha ki a Āperahama, ko tāu i oati ai ki ō mātou mātua i ngā rā ō mua.

Tepania 3:5

He tika a Ihowā i roto i a ia; kāhore āna mahi hē. I tēnei ata, i tēnei ata, e puta ana tāna whakawākanga ki te mārama, e kore tāna e ngaro atu; nā, ko te kaimahi i te hē, e kore ia e mōhio ki te whakamā.

Hakaraia 9:9

Kia nui te whakamanamana, e te tamāhine a Hiona, hāmama, e te tamāhine a Hiruhārama! Nanā, ko tōu Kīngi e haere nā ki a koe; he tika ia, he whakaora, he ngākau māhaki, e noho ana i runga i te kāihe, i te kūao anō, i te tama a te kāihe.

Hoani 1:17

Nā Mohi hoki i hōmai te ture; ko te aroha noa me te pono i ahu mai i a Īhu Karaiti.

Tiuteronomi 31:30

Ā, kōrerotia ana e Mohi ngā kupu o tēnei waiata ki ngā taringa o te huihuinga katoa o Īharaira ā poto noa:

Tiuteronomi 32:3

Nō te mea ka kauwhautia e ahau te ingoa o Ihowā; waiho te nui i tō tātou Atua.

Tiuteronomi 34:5

Nā, ka mate a Mohi, te pononga a Ihowā ki reira, ki te whenua o Moapa, ka pērā me tā Ihowā i kōrero ai.

1 Timoti 1:17

Nā, ki te Kīngi ora tonu, e kore nei e pirau, e kore nei e kitea, ko ia nei anake te Atua mātau, waiho atu i a ia te hōnore me te korōria ake ake. Āmine.

Hiperu 3:5

Ā, i pono anō a Mohi i roto i tōna whare katoa, i pērā me te pononga, hei whakaatu mō ngā mea ka kōrerotia i muri;

Hohua 22:5

Otirā, kia mahara mārie kia mahia te whakahau me te ture, i whakahau ai a Mohi, te pononga a Ihowā ki a koutou, kia aroha ki a Ihowā, ki tō koutou Atua, kia haere i āna huarahi katoa, kia pupuri i āna whakahau, kia awhi hoki ki a ia, kia whakapotoa ō koutou ngākau katoa, ō koutou wairua katoa ki te mahi ki a ia.”

Whakakitenga 1:8

“Ko ahau te Ārepa, te Ōmeka, te tīmatanga, te whakamutunga,” e ai tā te Ariki, “e ora nei, i mua anō ia, ā, kei te haere mai anō, ko te Kaha Rawa nei ia.”

Whakakitenga 11:17

ka mea: “Ko tā mātou whakawhetai tēnei ki a koe, e te Ariki, e te Atua Kaha Rawa; tēnei koe ināianei, ā, i mua anō koe, ā, kei te haere mai anō; nō te mea kua riro i a koe tōu mana nui, kua kīngi anō koe.

Whakakitenga 14:3

ā, ko tā rātou waiata me te mea he waiata hou i mua i te torōna, i mua hoki i ngā mea ora e whā, i ngā kaumātua anō hoki. E kore hoki e taea e tētahi te ako taua waiata, ko ngā mano anake kotahi rau e whā tekau mā whā, kua oti nei te hoko i runga i te whenua.

Whakakitenga 14:8

I aru mai anō tētahi atu anahera, i mea, “Kua horo, kua horo a Papurōna, te pā nui, i whakainu nei i ngā tauiwi katoa ki te wāina, o te riri o tōna moepuku.”

Whakakitenga 17:14

E whawhai anō ēnei ki te Reme, e taea anō rātou e te Reme. Nō te mea ko te Ariki ia o ngā ariki, ko te Kīngi o ngā kīngi. Ā, ka taea anō hoki e rātou ko ōna hoa, ko te hunga he mea karanga, he mea whiriwhiri, he hunga pono.”

Whakakitenga 19:16

He ingoa anō tōna, tuhituhi rawa ki tōna kākahu, ki tōna hūhā: KO TE KĪNGI O NGĀ KĪNGI, KO TE ARIKI O NGĀ ARIKI.

Whakakitenga 19:2

he pono hoki, he tika āna whakawā. Kua whakawākia hoki e ia te wahine kairau, te mea nui, i hē ai te whenua i tōna moepuku, kua rapua anō e ia he utu i a ia mō ngā toto o āna pononga.”

Whakakitenga 4:8

Nā, ko aua mea ora e whā, he parirau ō rātou, e ono o tēnā, o tēnā, i ngā taha katoa; kī tonu hoki a roto o rātou me ngā taha i te kanohi. Ā, kāhore he tānga i te ao, i te pō, he mea tonu tā rātou, “Tapu, tapu, tapu, te Ariki, te Atua Kaha Rawa, i mua nei ia, tēnei anō ināianei, ā, e haere mai nei.”