Ngā Mahi 11:1 - Paipera Tapu 2012

¹ Ā, ka rongo ngā āpōtoro me ngā tuākana i Hūria, kua tango hoki ngā tauiwi i te kupu a te Atua.

Te Paipera Tapu 1952

¹ A ka rongo nga apotoro me nga tuakana i Huria, kua tango hoki nga Tauiwi te kupu a te Atua.

Te Kawenata Hou

¹ Ā, ka rongo ngā āpō­toro me ngā tuā­kana i Hūria, kua tango hoki ngā tauiwi i te kupu a te Atua.

Ngā Mahi 11:1 Iomraidhean Croise

Kenehi 49:10

E kore e riro kē te hēpeta i a Hūrā, me te tokotoko o te kāwana i waenganui o ōna waewae, kia tae mai rā anō a Hiro; ā, ka rongo ngā iwi katoa ki a ia.

Waiata 22:27

E mahara ngā pito katoa o te whenua, ā, ka tahuri ki a Ihowā; ka koropiko anō ngā hapū katoa o ngā iwi ki tōu aroaro.

Ihāia 11:10

Nā, i taua rā ko tētahi pakiaka o Hehe, ka tū hei kara ki ngā iwi, ka rapua mai e ngā tauiwi; ko tōna okiokinga hoki, korōria rawa.

Ihāia 32:15

kia ringihia mai rā anō i runga te wairua ki a tātou, kia meinga rā anō te koraha hei māra whai hua, kia kīia anō te māra whai hua he ngahere.

Ihāia 42:1

“Nanā, tāku pononga e tautokona ake nei e ahau, tāku i whiriwhiri ai, āhuareka tonu tōku ngākau ki a ia; ka waiho e ahau tōku wairua ki runga ki a ia; māna e whakapuaki te whakawā ki ngā tauiwi.

Ihāia 42:6

“He mea karanga koe nāku, nā Ihowā, i runga i te tika, māku anō tōu ringa e pupuri, māku koe e tiaki, ka hoatu anō koe e ahau hei kawenata ki te iwi, hei mārama mō ngā tauiwi;

Ihāia 49:6

āe rā, i mea ia, “He mea nohinohi kia waiho koe hei tangata māku, hei whakaara i ngā iwi o Hākopa, hei whakahoki mai i ngā oranga o Īharaira; ka hoatu anō koe e ahau hei mārama ki ngā tauiwi, kia ai koe hei whakaoranga māku, ā te pito rā anō o te ao.”

Ihāia 52:10

Kua huhua te ringa tapu o Ihowā ki te aroaro o ngā tauiwi katoa, ā, ka kite ngā pito katoa o te ao i te whakaora a tō tātou Atua.

Ihāia 60:3

Ā, ka haere mai ngā tauiwi ki tōu mārama, ngā kīngi ki ōu hihi, ina whiti mai.

Ihāia 62:2

Ā, ka kite ngā tauiwi i tōu tika, ngā kīngi katoa i tōu korōria; ā, he ingoa hou e whakahuatia ki a koe, he mea whakahua nā te māngai o Ihowā.

Heremaia 16:19

E Ihowā, e tōku kaha, e tōku pā kaha, e tōku rerenga atu i te wā o te raru, tērā e haere mai ngā iwi i ngā pito o te whenua ki a koe, ā, ka mea: “Koia anō! He teka kau ngā taonga tupu o ō tātou mātua, he horihori, he mea huakore.

Hōhea 2:23

ka whakatō anō ahau i a ia māku ki te whenua. Ka tohu i tēnei kīhai nei i tohungia, ka kī atu anō ki te hunga ehara nei i te iwi nāku, ‘ko koe tāku iwi,’ ā, ka mea ērā, ‘Ko koe tōku Atua.’ ”

Mika 5:7

Ā, ka rite ngā toenga o Hākopa i roto i ngā iwi maha ki te tōmairangi a Ihowā, ki ngā kōuaua i runga i te tarutaru; e kore nei e whanga ki te tangata, e kore anō e tatari ki ngā tama a te tangata.

Tepania 2:11

Nā, ka wehingia a Ihowā e rātou, nō te mea ka hīroki i a ia ngā atua katoa o te whenua; ā, ka koropiko ngā tāngata katoa ki a ia i tōna wāhi, i tōna wāhi, arā ngā motu katoa o ngā tauiwi.

Tepania 3:9

“Ka puta kē hoki i ahau i reira he reo tino tika mō ngā iwi, e karanga ai rātou katoa ki te ingoa o Ihowā, e kotahi tonu ai te whakaaro e mahi ai ki a ia.

Hakaraia 2:11

“Ā, he maha ngā iwi e whakauru i a rātou ki a Ihowā i taua rā, ā, ko rātou hei iwi māku; ā, ka noho ahau i roto i a koe, ā, ka mōhio koe nā Ihowā o ngā mano ahau i unga mai ki a koe.

Maraki 1:11

Ka nui nei hoki tōku ingoa i roto i ngā tauiwi, i te whitinga o te rā ā tae noa ki tōna torengitanga; ā, ka tukua he whakakakara ki tōku ingoa i ngā wāhi katoa, me te whakahere pokekore; ka nui hoki tōku ingoa i roto i ngā tauiwi,” e ai tā Ihowā o ngā mano.

Matiu 2:1

Nā, i te mea kua whānau nei a Īhu ki Pēterehema o Hūria, i ngā rā o Kīngi Herora, nā, ka haere mai ētahi Maki i te rāwhiti ki Hiruhārama,

Matiu 8:11

Ko tāku kupu anō tēnei ki a koutou, he tokomaha e haere mai i te rāwhiti, i te hauāuru, ā, e noho tahi i a Āperahama, i a Īhaka, i a Hākopa, ki te rangatiratanga o te rangi.

Māka 16:5

Ā, nō ka tomo rātou ki te urupā, ka kite rātou i tētahi taitamariki e noho ana i te taha matau, he kākahu mā tōna; nā, ka koera rātou.

Ruka 2:32

hei whakamārama e kite ai ngā tauiwi, hei korōria hoki mō tāu iwi, mō Īharaira.”

Ngā Mahi 1:15

I aua rā, ka whakatika a Pita i waenganui o ngā ākonga; ā, he tokomaha ngā tāngata i huihui, kei te kotahi rau e rua tekau; ā, ka mea,

Ngā Mahi 11:29

Nā, ka whakatakoto tikanga ngā ākonga i runga i te mea e taea e tēnā, e tēnā, kia tukua atu he āwhina mō ngā tuākana e noho ana i Hūria;

Ngā Mahi 14:27

Nā, ka tae rāua ka huihuia te hāhi, ka kōrerotia ngā mea i mahi tahi ai te Atua me rāua ko tāna uakanga hoki i te tatau o te whakapono ki ngā tauiwi.

Ngā Mahi 15:3

Heoi, ārahina ana rātou e te hāhi haere ana rā Pinikia, rā Hamaria kōrero ana i te tahuritanga o ngā tauiwi, ā, hoatu ana e rāua he hari nui ki ngā tēina katoa.

Ngā Mahi 28:15

Ā, ka rongo ngā tuākana o reira ki a mātou, ka haere ake ki te whakatau i a mātou ki Te Mākete o Apiu, ki Wharetoru. Ā, i te kitenga o Pāora i a rātou, ka whakawhetai ki te Atua, ka ora te ngākau.