Ngā Mahi 10:2 - Paipera Tapu 2012

² He tangata karakia ia, e wehi ana i te Atua, rātou ko tōna whare katoa, he maha āna mahi atawhai ki te iwi, me te īnoi tonu ki te Atua.

Te Paipera Tapu 1952

² He tangata karakia ia, e wehi ana i te Atua, ratou ko tona whare katoa, he maha ana mahi atawhai ki te iwi, me te inoi tonu ki te Atua.

Te Kawenata Hou

² He tangata kara­kia ia, e wehi ana i te Atua, rātou ko tōna whare katoa, he maha āna mahi ata­whai ki te iwi, me te īnoi tonu ki te Atua.

Ngā Mahi 10:2 Iomraidhean Croise

Kenehi 18:19

E mōhio ana hoki ahau ki a ia, hei mea kia whakahaua iho ai e ia āna tama, me tōna whare, i muri i a ia, ā, kia whakaritea e rātou te ara o Ihowā, ka mahi hoki i te tika, i te whakawā; ā, kia kawea mai ai e Ihowā ki runga ki a Āperahama ngā mea katoa i kōrerotia e ia mōna.”

1 Kīngi 8:43

māu e whakarongo, mai i te rangi, i tōu wāhi e noho nā koe, e mea ngā mea katoa i karanga ai te tangata iwi kē ki a koe. Kia mōhio ai ngā iwi katoa o te whenua ki tōu ingoa, kia wehi ai i a koe, kia pērā ai me tāu iwi, me Īharaira; kia mōhio ai hoki kua oti tōu ingoa te karanga ki runga ki tēnei whare ka oti nei i ahau te hanga.

2 Whakapapa 6:33

māu e whakarongo mai i ngā rangi, i tōu wāhi e noho nā koe, e mea ngā mea katoa i karanga ai te tangata iwi kē ki a koe. Kia mōhio ai ngā iwi katoa o te whenua ki tōu ingoa, kia wehi ai i a koe, kia pērā ai me tāu iwi, me Īharaira; kia mōhio ai hoki ka oti tōu ingoa te karanga ki runga ki tēnei whare kua oti nei i ahau te hanga.

Hopa 1:1

Tērā tētahi tangata i te whenua o Uhu, ko Hopa tōna ingoa. Ā, ko taua tangata he tangata tapatahi, he tika, he tangata wehi ki te Atua, mawehe i te kino.

Hopa 1:5

Ā, ka taka ngā rā o tā rātou kai hākari, ka unga tāngata a Hopa, ā, whakatapua ana rātou, maranga wawe ana ia i te ata, whakaekea ana e ia he tahunga tinana, rite tonu ki a rātou katoa te maha; i mea hoki a Hopa, “Tērā pea kua hara āku tama, kua kanga ki te Atua i roto i ō rātou ngākau.” Ko tā Hopa mahi tonu tēnei i ngā rā katoa.

Waiata 102:15

Pēnei ka wehingia te ingoa o Ihowā e ngā tauiwi, tōu korōria hoki e ngā kīngi katoa o te whenua.

Waiata 119:2

Ka hari te hunga e mau ana ki āna whakaaturanga; e whakapaua ana ō rātou ngākau ki te rapu i a ia,

Waiata 25:5

Ārahina ahau i tōu pono, whakaakona hoki ahau; ko koe hoki te Atua o tōku whakaoranga; pau noa te rā i ahau e tatari nei ki a koe.

Waiata 41:1

Ka hari te tangata e whakaaro ana ki te rawakore; e whakaorangia ia e Ihowā i te rā o te hē.

Waiata 55:17

I te ahiahi, i te ata, i te poutūmārōtanga, ka īnoi ahau, ka tangi; ā, ka whakarongo ia ki tōku reo.

Waiata 86:3

Tohungia ahau, e te Ariki; e karanga nei hoki ahau ki a koe i te rā roa nei.

Waiata 88:1

E Ihowā, e te Atua o tōku whakaoranga, he tangi tāku ki tōu aroaro i te ao, i te pō,

Kaikauwhau 7:18

He pai ki te puritia tēnei kupu e koe; kaua hoki tōu ringa e unuhia mai i tērā; ko te tangata hoki e wehi ana i te Atua ka puta mai i roto i ērā katoa.

Ihāia 59:19

Nā, ka wehingia te ingoa o Ihowā i te uru, tōna korōria i te rāwhiti. Ka haere mai hoki ia ānō he awa e tāheke ana, e āia ana e te manawa o Ihowā.

Raniera 6:10

Nā, ka mōhio a Raniera ka oti taua mea i tuhituhia te whaitohu, haere ana ia ki tōna whare; nā, ko ōna matapihi tuwhera tonu ai i roto i tōna rūma ki te ritenga atu o Hiruhārama. E toru ngā tukunga o ōna turi i te rā, īnoi ana ia, whakawhetai ana ki te aroaro o tōna Atua, pērā ana me tāna i mua.

Raniera 6:16

Kātahi te kīngi ka whakahau, ā, kawea ana mai a Raniera, makā ana ki te ana raiona. I kōrero anō te kīngi, i mea ki a Raniera, “Ko tōu Atua e mahi tonu nā koe ki a ia, māna koe e whakaora.”

Raniera 6:20

Ā, nō tōna tatanga atu ki te ana, ki a Raniera, ka karanga ia, he reo tangi te reo; i kōrero te kīngi, i mea ki a Raniera, “E Raniera, e te pononga a te Atua ora, he kaha rānei tōu Atua e mahi tonu nā koe ki a ia, ki te whakaora i a koe kei mate i ngā raiona?”

Raniera 6:26

“Tēnei ahau te whakatakoto tikanga nei; nā, i ngā kāwanatanga katoa o tōku kīngitanga, kia wiri ngā tāngata, kia wehi ki te aroaro o te Atua o Raniera. “Ko ia hoki te Atua ora, pūmau tonu ā ake ake. E kore tōna kīngitanga e ngaro, tōna kāwanatanga hoki ā te mutunga rā anō.

Matiu 25:17

Pērā anō hoki te tangata i ngā mea e rua; e rua atu i riro i a ia.

Ruka 18:1

Nā, ka kōrero ia i tētahi kupu whakarite ki a rātou mō tēnei, kia īnoi rātou i ngā wā katoa, kia kaua e ngoikore.

Ruka 2:25

Nā, i Hiruhārama tētahi tangata, ko Himiona te ingoa; he tangata tika, he tangata whakaaro, e tatari ana ki te whakaharinga o Īharaira, kei runga hoki te Wairua Tapu i a ia.

Ngā Mahi 10:22

Nā, ka mea rātou, “Ko Koroniria rā, he keneturio, he tangata tika, e wehi ana i te Atua, e kōrerotia paitia ana e te iwi katoa o ngā Hūrai, kua whakamaharatia ia e te Atua nā tētahi anahera tapu kia tīkina atu koe ki tōna whare, kia rongo ia ki ētahi kupu i a koe.”

Ngā Mahi 10:31

e mea ana, ‘E Koroniria, kua rangona tāu īnoi, ā, e maharatia ana āu mahi atawhai i te aroaro o te Atua.

Ngā Mahi 10:35

otiia, i roto i ngā tini iwi ko te tangata e wehi ana ki a ia, ā, e mahi ana i te tika, ka paingia e ia.

Ngā Mahi 10:4

Nā, ka titiro matatau atu ia ki a ia, ka wehi, ka mea, “He aha, e te Ariki?” Ka kī tērā ki a ia, “Kua puta ake āu īnoi me āu mahi atawhai, hei whakamahara ki te aroaro o te Atua.

Ngā Mahi 10:7

Ā, nō te rironga atu o te anahera i kōrero nei ki a ia, ka karangatia e ia tokorua o āna pononga tāne, me tētahi hōia karakia nō te hunga e mahi tonu ana ki a ia;

Ngā Mahi 11:14

māna e kōrero ki a koe ētahi kupu, e ora ai koutou ko tōu whare katoa.’

Ngā Mahi 13:16

Nā, ka tū a Pāora ki runga, ka tāwhiri tōna ringa, ka mea: “E ngā tāngata o Īharaira, e te hunga e wehi ana ki te Atua, whakarongo mai.

Ngā Mahi 13:26

“E ōku tuākana, e ngā tama o te kāwei o Āperahama, e te hunga i roto i a koutou e wehi ana ki te Atua, kua hōmai te kupu o tēnei ora kia whakapuakina ki a tātou.

Ngā Mahi 13:50

Otirā, i whakaohokia e ngā Hūrai ngā wāhine karakia, rangatira, me ngā tāngata nunui o te pā, ā, ara ana i a rātou he whakatoi mō Pāora rāua ko Pānapa, peia ana rāua i ō rātou wāhi.

Ngā Mahi 18:8

Nā, ka whakapono a Kirihipu, te rangatira o te whare karakia, me tōna whare katoa ki te Ariki; he tokomaha hoki ngā Koriniti, i a rātou ka rongo, i whakapono, i iriiria hoki.

Ngā Mahi 2:5

I Hiruhārama anō e noho ana ētahi Hūrai, he hunga whakaaro, nō ngā iwi katoa i raro o te rangi.

Ngā Mahi 22:12

“Nā, ko tētahi tangata, ko Anania, he tangata karakia, i rite tonu nei ki tā te ture āna mahi, ā, e kōrerotia paitia ana e ngā Hūrai katoa e noho ana i reira,

Ngā Mahi 8:2

Ā, nā te hunga whakaaro a Tepene i tanu, ā, he nui tā rātou tangihanga mōna.

Ngā Mahi 9:11

Anō rā ko te Ariki ki a ia, “Whakatika, haere ki te ara e kīia nei ko Torotika, ka ui i te whare o Hūrā mō tētahi ko Haora te ingoa, nō Tarahu. Nā, kei te īnoi ia.

Ngā Mahi 9:31

Nā, ka whai tānga manawa te hāhi, puta noa i Hūria katoa, i Karirī, i Hamaria, ā, tupu ana; haere ana i runga i te wehi o te Ariki, i te whakamārie hoki a te Wairua Tapu, nō ka whakaroaka.

Ngā Mahi 9:36

Nā, tērā tētahi ākonga i Hopa e noho ana, ko Tapita te ingoa, ko te whakamāoritanga ko Roka. He wahine tēnei i aro nui ki ngā mahi pai, ki ngā mahi atawhai rawakore.

Korohe 4:2

Kia ū ki te īnoi, kia mataara tonu ki taua mea i runga i te whakawhetai;

1 Teharonika 5:17

Kei whakamutua te īnoi.

Hēmi 1:5

Ki te hapa tētahi o koutou i te mātauranga, me īnoi ia ki te Atua, e hōmai nui nei ki te katoa, kāhore hoki āna tāwai mai; ā, ka hōmai ki a ia.

Hohua 24:15

Ā, ki te mea he kino ki tō koutou whakaaro te mahi ki a Ihowā, mā koutou e whiriwhiri i tēnei rā ko wai tā koutou e mahi ai; ki ngā atua rānei i mahi rā ō koutou mātua ki a rātou i tāwāhi o te awa, ki ngā atua rānei o ngā Amori, e noho nei koutou ki tō rātou oneone. Ko ahau ia me tōku whare, ka mahi mātou ki a Ihowā.”

Whakakitenga 15:4

Ko wai e kore e wehi i a koe, e te Ariki? E kore hoki e whakakorōria i tōu ingoa? Ko koe anake hoki te tapu ana; Ka haere mai hoki ngā tauiwi katoa, ka koropiko ki tōu aroaro; kua whakakitea hoki āu tikanga tika.”