Nehemia 9:2 - Paipera Tapu 2012

² Nā, ka wehea ngā uri o Īharaira i roto i ngā tāngata kē katoa; tū ana rātou, whākina ana e rātou ō rātou hara, me ngā kino o ō rātou mātua.

Te Paipera Tapu 1952

² Na ka wehea nga uri o Iharaira i roto i nga tangata ke katoa: tu ana ratou, whakina ana e ratou o ratou hara, me nga kino o o ratou matua.

Nehemia 9:2 Iomraidhean Croise

1 Kīngi 8:47

Nā, ki te hoki ake tō rātou mahara i te whenua i whakaraua atu ai rātou, ā, ka rīpenetā rātou, ka īnoi ki a koe i te whenua o ō rātou kaiherehere, ka mea, ‘Kua hara mātou, kua parori kē tā mātou mahi, kua mahi mātou i te kino’;

Etera 10:11

Nā, whākina atu ngā hē ki a Ihowā, ki te Atua o ō koutou mātua, meatia hoki tāna i pai ai; motuhia mai hoki koutou i roto i ngā iwi o te whenua, i ngā wāhine kē hoki.”

Etera 6:21

Nā, ka kai ngā tama a Īharaira i hoki mai nei i te whakarau, me te hunga katoa i mawehe mai nei ki a rātou i roto i te poke o ngā iwi o te whenua, ki te rapu i a Ihowā, i te Atua o Īharaira.

Etera 9:1

Ā, ka oti ēnei mea, ka haere mai ngā rangatira ki ahau, ka mea, “Kīhai te iwi o Īharaira rātou ko ngā tohunga, ko ngā Rīwaiti, i momotu i a rātou i roto i ngā iwi o ngā whenua; rite tonu tā rātou mahi ki ngā mea whakarihariha a ērā, arā a ngā Kanaani, a ngā Hiti, a ngā Perihi, a ngā Iepuhi, a ngā Āmoni, a ngā Moapi, a ngā Īhipiana, a ngā Amori.

Etera 9:15

E Ihowā, e te Atua o Īharaira, he tika tāu; e toe nei hoki mātou, he mōrehu, koia anō tēnei ināianei. Nanā, tēnei mātou kei tōu aroaro, me ō mātou hē; nā tēnei hoki tē tū ai he tangata ki tōu aroaro.

Etera 9:2

Kua tangohia hoki e rātou ētahi o ā rātou tamāhine mā rātou, mā ā rātou tama. Nā, kua whakawhenumitia te momo tapu ki roto ki ngā iwi o aua whenua. Āe rā, nui noa ake te ringa o ngā rangatira, o ngā tino tāngata, ki tēnei hē.”

Nehemia 1:6

tēnā, kia tahuri mai tōu taringa, kia titiro mai anō ōu kanohi, kia whakarongo mai ai koe ki te īnoi a tāu pononga, e īnoi atu nei ki tōu aroaro i te ao, i te pō, mō āu pononga, mō ngā tama a Īharaira, i ahau e whāki nei i ngā hara o ngā tama a Īharaira i hara ai mātou ki a koe. Āe rā, kua hara ahau me te whare o tōku pāpā.

Nehemia 10:28

“Nā, ko ērā atu o te iwi, ko ngā tohunga, ko ngā Rīwaiti, ko ngā kaitiaki kūwaha, ko ngā kaiwaiata, ko ngā Netinimi, me te hunga katoa i wehea i roto i ngā iwi o ngā whenua ki te ture a te Atua, ko ā rātou wāhine, ko ā rātou tama, ko ā rātou tamāhine, ko te hunga katoa i mōhio, i whai whakaaro;

Nehemia 10:29

piri tonu rātou ki ō rātou tuākana, tēina, ki ō rātou rangatira, ā, uru ana ki te kanga, ki te oati, kia haere i runga i te ture a te Atua i hōmai nei e ia arā e Mohi, e te pononga a te Atua, kia puritia hoki, kia mahia ngā whakahau katoa a Ihowā, a tō mātou Ariki, āna whakaritenga, me āna tikanga.

Nehemia 13:3

Nā, i tō rātou rongonga i te ture, ka wehea atu e rātou ngā whakauru katoa i roto i a Īharaira.

Nehemia 13:30

Heoi, kua mā rātou i ahau i te poke o ngā tāngata kē, whakaritea ana hoki e ahau te mahi tiaki a ngā tohunga, a ngā Rīwaiti, te mahi a tēnei, a tēnei,

Waiata 144:11

Tangohia ahau, whakaorangia hoki i ngā ringa o ngā tāngata kē, e kōrero teka nei ō rātou māngai, ā, he ringa matau teka tō rātou ringa matau.

Waiata 144:7

Totoro iho tōu ringa i runga; tangohia ahau, whakaorangia ahau i ngā wai nunui, i te ringa o ngā tāngata kē;

Whakatauki 28:13

Ko te tangata e hīpoki ana i ōna hē, e kore tāna e kake; ko te tangata ia e whāki ana, ā, e whakarere ana, ka tohungia.

Ihāia 2:6

Kua whakarērea nei e koe tāu iwi, te whare o Hākopa. Nō te mea kei te kī rātou i ngā tikanga mai nō te rāwhiti, ā, he tohunga māori rātou, he pērā me ngā Pirihitini, e papaki ringa ana hoki rātou me ngā tamariki a rau o iwi.

Heremaia 14:20

Tēnei mātou, e Ihowā, te whāki nei i tō mātou kino, i te hē o ō mātou mātua, kua hara hoki mātou ki a koe.

Heremaia 3:13

Whākina kautia tōu hē, arā kua kino koe ki a Ihowā, ki tōu Atua, kua whakamararatia atu e koe ōu ara ki ngā tāngata kē i raro i ngā rākau kōuru nui katoa, kīhai anō i rongo ki tōku reo,’ ” e ai tā Ihowā.

Raniera 9:20

Nā, i ahau e kōrero ana, e karakia ana, e whāki ana i tōku hara, i te hara anō o tōku iwi, o Īharaira, e tuku ana i tāku īnoi ki te aroaro o Ihowā, o tōku Atua, mō te maunga tapu o tōku Atua –

Hōhea 5:7

Kua tinihanga rātou ki a Ihowā; he tamariki tangata kē hoki ā rātou tamariki. Ākuanei ka pau rātou me ā rātou wāhi i te marama kōhiti.