Nehemia 9:16 - Paipera Tapu 2012

¹⁶ “Otiia, ka whakakake rātou ko ō mātou mātua, ka whakapakeke i ō rātou kakī, kīhai hoki i rongo ki āu whakahau.

Te Paipera Tapu 1952

¹⁶ Otiia ka whakakake ratou ko o matou matua, ka whakapakeke i o ratou kaki, kihai hoki i rongo ki au whakahau,

Nehemia 9:16 Iomraidhean Croise

2 Kīngi 17:14

Heoi, kīhai rātou i rongo, engari whakapakeke ana i ō rātou kakī, kia pērā me ngā kakī o ō rātou mātua, kīhai nei i whakapono ki a Ihowā, ki tō rātou Atua.

2 Whakapapa 29:6

I hē hoki ō tātou mātua, i mahi i te kino i te titiro a Ihowā, a tō tātou Atua. Whakarērea ake ia e rātou, tahuri kē ana ō rātou aroaro i te tapenākara o Ihowā; hurihia ake e rātou ko ō rātou tuarā.

2 Whakapapa 30:8

Nā, kaua e whakapakeketia ō koutou kakī, kei rite ki ō koutou mātua; engari e tuku i a koutou ki a Ihowā, ka tomo ki tōna wāhi tapu i whakatapua nei e ia mō ake tonu atu; e mahi ki a Ihowā, ki tō koutou Atua, ā, ka tahuri atu i a koutou tōna riri e mura nei.

2 Whakapapa 36:13

I whakakeke anō hoki ia ki a Kīngi Nepukaneha, nāna nei ia i whakaoati ki te Atua; heoi whakamārōkia ana e ia tōna kakī, whakapakeketia ana e ia tōna ngākau, kīhai i tahuri ki a Ihowā, ki te Atua o Īharaira.

Nehemia 9:10

Nā, hōmai ana e koe he tohu, he merekara, ki a Parao, ki āna tāngata katoa, ki te iwi katoa o tōna whenua; i mōhio hoki koe ki tā rātou whakakake ki a rātou. Nā, kua whai ingoa koe; koia anō tēnei ināianei.

Nehemia 9:29

“I whakaatu tikanga anō koe ki a rātou, kia hoki ai ki tāu ture. Otiia whakakake ana rātou, kīhai hoki i rongo ki āu whakahau. Nā, ka hara ki āu whakaritenga, he mea hoki ēnei e ora ai te tangata, ki te mahia e ia. Whakahokia ana e rātou te pokohiwi, whakapakeketia ana ō rātou kakī, kīhai hoki i rongo.

Waiata 106:6

Kua hara tahi mātou me ō mātou mātua, kua mahi mātou i te kino, i te mea hē.

Waiata 81:8

“Whakarongo, e tāku iwi, ā, ka whakaatu ahau ki a koe; e Īharaira, ki te whakarongo koe ki ahau!

Ekoruhe 15:26

I mea hoki ia, “Ki te rongo mārie koe ki te reo o Ihowā, o tōu Atua, ā, ka mahi i te mea tika ki tāna titiro, ā, ka whai taringa ki āna whakahau, ka pupuri hoki i āna tikanga katoa, e kore rawa tētahi o aua mate i whakapāngia ki ngā Īhipiana e ahau, e whakapāngia atu e ahau ki a koe. Ko Ihowā hoki ahau e whakaora nei i a koe.”

Ekoruhe 32:9

I mea anō a Ihowā ki a Mohi, “Kua kite ahau i tēnei iwi, nā, he iwi kakī mārō rātou.

Whakatauki 29:1

Ko te tangata he maha nei ngā riringa i tōna hē, ā, ka whakapakeke i tōna kakī ka whatia ohoreretia ia – tē taea te rongoā.

Ihāia 48:18

Auē, me i rongo koe ki āku whakahau, inā, kua rite ki te awa te mau o te rongo ki a koe; ko tōu tika, koia anō kei ngā ngaru o te moana.

Ihāia 48:4

I mōhio hoki ahau he pakeke koe, he uaua rino hoki tōu kakī, he parāhi tōu rae.

Ihāia 63:10

Heoi, whakakeke ana rātou whakapōuritia iho e rātou tōna Wairua Tapu. Nā, ka puta kē ia hei hoariri mō rātou; kei te whawhai anō ia ki a rātou.

Heremaia 19:15

“Ko te kupu tēnei a Ihowā o ngā mano, a te Atua o Īharaira: ‘Nanā, ka kawea mai e ahau ki runga ki tēnei pā, ā, ki runga hoki i ōna pā katoa, te kino katoa i kōrerotia rā e ahau mō konei; nō te mea kua whakapakeketia e rātou ō rātou kakī, kia kore ai rātou e rongo ki āku kupu.’ ”

Heremaia 2:31

“E te whakatupuranga nei, whakaaroa te kupu a Ihowā! He koraha rānei ahau ki a Īharaira, he whenua pōuri kerekere? He aha tāku iwi i mea ai, ‘Kua matara mātou; heoi anō ō mātou taenga atu ki a koe’?

Heremaia 7:26

Heoi, kīhai rātou i rongo ki ahau, kīhai anō i tahuri tō rātou taringa. Nā, whakapakeketia ana e rātou tō rātou kakī; kino iho tā rātou i tā ō rātou mātua.’

Ehekiera 5:6

Ā, kua whakakeke ia ki āku whakaritenga, nui atu hoki tāna mahi kino i tā ngā iwi, ki āku tikanga hoki, nui atu i tā ngā whenua i tētahi taha ōna, i tētahi taha. Kua paopao nei hoki rātou ki āku whakaritenga, ā, kīhai i waiho e rātou āku tikanga hei ara mō rātou.

Ngā Mahi 7:51

“E te hunga kakī mārō, kāhore nei i kotia te ngākau me ngā taringa, he whakakeke tonu tā koutou ki te Wairua Tapu; rite tonu tā koutou ki tā ō koutou mātua.

Rōma 2:5

Heoi, pakeke tonu koe, kāhore e rīpenetā tōu ngākau, e pūranga ana koe i te riri mōu, mō te rā o te riri, o te whakakitenga mai anō i tā te Atua whakawākanga tika;

Tiuteronomi 31:27

Nō te mea e mōhio ana ahau ki tōu tutū, ki tōu kakī mārō; nanā, i ahau e ora nei anō i a koutou i tēnei rā, e tutū ana anō koutou ki a Ihowā; ā, ka mate ahau, tērā noa ake!

Tiuteronomi 32:15

Nāwai ā ka whai kiko a Iēhuruna, ā, whana mai ana; kua whai kiko koe, kua tetere, kua kī i te ngako; ā, whakarērea iho e ia te Atua nāna ia i hanga, whakahāwea ana ki te Kāmaka o tōna whakaoranga.

Tiuteronomi 5:29

Ē! Me i pēnā ō rātou ngākau i roto i a rātou, te wehi i ahau, te pupuri hoki i āku whakahau katoa i ngā rā katoa, kia whiwhi ai rātou ki te pai me ā rātou tamariki hoki ake tonu atu!

Tiuteronomi 9:13

I kōrero mai anō a Ihowā ki ahau, i mea, “Kua kite ahau i tēnei iwi, nanā, he iwi kakī mārō rātou;

Tiuteronomi 9:27

Kia mahara ki āu pononga, ki a Āperahama, ki a Īhaka, ki a Hākopa; kaua e titiro mai ki te pakeke o tēnei iwi, ki tō rātou kino, ki tō rātou hara.

Tiuteronomi 9:6

Inā, kia mōhio koe, ehara i te tika nōu e hoatu nei e Ihowā, e tōu Atua, tēnei whenua pai ki a koe, kia tangohia e koe; nō te mea he iwi kakī mārō koe.

Hiperu 3:13

Engari, me whakahau koutou tētahi i tētahi i tēnei rā, i tēnei rā, i te mea e kīia ana “Ko tēnei rā,” kei whakapakeketia tētahi o koutou e te tinihanga o te hara.

Hiperu 3:15

I te mea hoki e kōrerotia ana: “Ki te rongo koutou ki tōna reo āianei, kaua e whakapakeketia ō koutou ngākau, kei pērā me o te whakatoinga.”