Nehemia 9:13 - Paipera Tapu 2012

¹³ “I heke iho anō koe ki Maunga Hinai, ā, kōrero ana ki a rātou i runga i te rangi; hōmai ana e koe ki a rātou he whakaritenga tika, he ture pono, he tikanga pai, he whakahau.

Te Paipera Tapu 1952

¹³ I heke iho ano koe ki Maunga Hinai, a korero ana ki a ratou i runga i te rangi; homai ana e koe ki a ratou he whakaritenga tika, he ture pono, he tikanga pai, he whakahau.

Nehemia 9:13 Iomraidhean Croise

2 Kīngi 17:37

Nā, ko ngā tikanga me ngā whakaritenga, ko te ture me te whakahau, kua oti nā te tuhituhi e ia mō koutou, me pupuri e koutou, me mahi i ngā rā katoa; kaua hoki e wehi i ngā atua kē.

Etera 7:6

i haere mai tēnei Etera i Papurōna. Nā, he karaipi kakama ia ki te ture a Mohi i hōmai nei e Ihowā, e te Atua o Īharaira. I runga anō i a ia te ringa o Ihowā, o tōna Atua, ā, hōmai ana e te kīngi ki a ia ngā mea katoa i tonoa e ia.

Waiata 119:137

He tika koe, e Ihowā, he tika anō āu whakaritenga.

Waiata 119:160

Ko te huinga katoatanga o tāu kupu he pono; pūmau katoa anō āu whakaritenga tika ake ake.

Waiata 119:4

Kua oti mātou te whakahau ki āu akoranga, kia āta puritia e mātou.

Ekoruhe 16:23

Nā, ka mea ia ki a rātou, “Ko ia tēnei tā Ihowā i kōrero rā, ‘Ko āpōpō te okiokinga o te hāpati tapu o Ihowā; tunua tā koutou e tunu ai, kōhuatia hoki tā koutou e kōhua ai; ā, ko te toenga, waiho mā koutou, rongoātia mō te ata.’ ”

Ekoruhe 19:11

kia takatū hoki mō te rā tuatoru; tā te mea hei te rā tuatoru a Ihowā haere iho ai ki te aroaro o te iwi katoa, ki runga ki Maunga Hinai.

Ekoruhe 20:1

Nā, ka kōrerotia e te Atua ēnei kupu katoa, ka mea:

Ekoruhe 20:22

Ā, ka mea a Ihowā ki a Mohi: “Kia pēnei tāu kupu ki ngā tama a Īharaira: ‘Ka kite koutou kua kōrero ahau i te rangi ki a koutou.

Ihāia 64:1

Auē me i haehae koe i ngā rangi, me i heke iho, me i rere ā-wai ngā maunga i tōu aroaro!

Ihāia 64:3

I tāu meatanga i ngā mea wehi kīhai nei i whakaaroa e mātou, i heke iho koe, rere ā-wai ana ngā maunga i tōu aroaro.

Hapakuku 3:3

I haere mai te Atua i Temana, te Mea Tapu i Maunga Parana. Hera Hei hīpoki tōna korōria mō ngā rangi; kī tonu te whenua i te whakamoemiti ki a ia.

Rōma 7:16

Ki te mahia ia e ahau taua mea kīhai nei ahau i pai atu, e whakaae ana ahau ki te ture he pai.

Tiuteronomi 33:2

Nā, ka mea ia: I haere mai a Ihowā i Hinai, i rere mai i Heira ki runga ki a rātou; i whiti mai ia i Maunga Parana, ā, haere mai ana ia i ngā mano tini o te hunga tapu; he ture i tōna ringa matau mō rātou, e mura ana.

Tiuteronomi 4:33

I rongo rānei tētahi iwi i te reo o te Atua e kōrero mai ana i waenganui o te ahi, me tāu i rongo ai, ā, ora ake?

Tiuteronomi 4:36

I meatia koe e ia kia rongo ki tōna reo i te rangi, hei whakaako i a koe; ā, i te whenua i whakakitea e ia tāna ahi nui ki a koe; ko āna kupu hoki i rangona e koe i waenganui i te ahi.

Tiuteronomi 4:8

Ko wai hoki te iwi nui, i a ia nei ngā tikanga me ngā whakaritenga tika, pēnei me tēnei ture katoa e hoatu nei e ahau ki tō koutou aroaro i tēnei rā?

Tiuteronomi 5:4

I kōrero ā-kanohi mai a Ihowā ki a koutou i te maunga i waenganui o te ahi.