Nehemia 9:12 - Paipera Tapu 2012

¹² Ā, ārahina ana rātou e koe ki te pou kapua i te awatea; ki te pou ahi i te pō, hei whakamārama i tō rātou ara e haere ai rātou.

Te Paipera Tapu 1952

¹² A arahina ana ratou e koe ki te pou kapua i te awatea; ki te pou ahi i te po, hei whakamarama i to ratou ara e haere ai ratou.

Nehemia 9:12 Iomraidhean Croise

Nehemia 9:19

“Otiia, i te maha o āu mahi aroha, kīhai koe i whakarere i a rātou i te koraha; kīhai rātou i mahue i te pou kapua i te awatea, hei ārahi i a rātou i te ara, i te pou ahi i te pō, hei whakamārama i a rātou, i te ara anō e haere ai rātou.

Waiata 105:39

I horahia e ia te kapua hei hīpoki, me te ahi hei whakamārama i te pō.

Waiata 107:7

ā, ārahina ana e ia rā te ara tika; kia haere ai ki te pā hei nohoanga.

Waiata 143:8

Meinga kia rongo ahau ki tōu aroha i te ata; e whakawhirinaki ana hoki ahau ki a koe. Meinga kia mātau ahau ki te ara e haere ai ahau; kua ara nei hoki tōku wairua ki a koe.

Waiata 78:14

He mea ārahi rātou e ia i te awatea ki te kapua; i te roa hoki o te pō ki te mārama o te ahi.

Ekoruhe 15:13

“Nā tōu atawhai i ārahina mai ai e koe te iwi kua hokona nei e koe; nā tōu kaha i aratakina ai rātou e koe ki tōu nohoanga tapu.

Ehekiera 20:6

I taua rā anō i ara ai tōku ringa ki a rātou ki te tango mai i a rātou i te whenua o Īhipa ki te whenua i tirohia e ahau mō rātou, e rerengia ana e te waiū, e te honi, ki te wāhi ātaahua rawa o ngā whenua katoa.

Tauanga 9:16

I pērā tonu: i taupokina e te kapua i te awatea, e te āhua ahi hoki i te pō.

Tauanga 9:21

Ā, i ētahi wā i tūturu te kapua i te ahiahi taea noatia te ata; ā, ka riro ake te kapua i te ata, nā, ka haere rātou. Ahakoa he ao, he pō rānei, i riro ake ai te kapua, i haere anō rātou.

Tiuteronomi 1:33

i haere rā i mua i a koutou i te ara, hei whakataki i tētahi wāhi mō koutou, e tū ai ō koutou tēneti, i te pō i roto i te ahi, hei whakaatu ki a koutou i te ara e haere ai koutou, ā, i roto i te kapua i te awatea.