Nehemia 8:6 - Paipera Tapu 2012

⁶ Nā, ka whakapai a Etera ki a Ihowā, ki te Atua nui, ā, ka whakahokia e te iwi katoa, “Āmine, āmine.” Me te ara anō ō rātou ringa, nā, tuohu ana rātou, koropiko ana ki a Ihowā, me te ahu anō ngā kanohi ki te whenua.

Te Paipera Tapu 1952

⁶ Na ka whakapai a Etera ki a Ihowa, ki te Atua nui; a ka whakahokia e te iwi katoa, Amine, Amine, me te ara ano o ratou ringa: na tuohu ana ratou, koropiko ana ki a Ihowa, me te ahu ano nga kanohi ki te whenua.

Nehemia 8:6 Iomraidhean Croise

Kenehi 14:22

Anō rā ko Āperama ki te kīngi o Horoma, “Kua totoro atu tōku ringa ki a Ihowā, ki te Atua, ki te Runga Rawa, nōna nei te rangi me te whenua;

Kenehi 24:26

Nā, tuohu ana taua tangata, koropiko ana ki a Ihowā,

1 Whakapapa 16:36

Kia whakapaingia a Ihowā, te Atua o Īharaira ake nei, ā ake nei!” Nā, ka mea te iwi katoa, “Āmine!” ā, whakamoemiti ana rātou ki a Ihowā.

1 Whakapapa 29:10

Nā, ka whakapai a Rāwiri i a Ihowā i te tirohanga a te whakaminenga katoa; i mea a Rāwiri, “Kia whakapaingia koe, e Ihowā, e te Atua o tō mātou matua, o Īharaira, he mea nō tua whakarere ā ake tonu atu.

1 Whakapapa 29:20

Nā, ka mea a Rāwiri ki te whakaminenga katoa, “Tēnā, whakapaingia a Ihowā, tō koutou Atua.” Nā, kei te whakapai te whakaminenga katoa ki a Ihowā, ki te Atua o ō rātou mātua tuohu ana rātou, piko ana ki a Ihowā, ki te kīngi hoki.

2 Whakapapa 20:18

Nā, piko tonu te kanohi o Iehohāpata ki te whenua; ā, takoto ana a Hūrā katoa, rātou ko ngā tāngata o Hiruhārama, ki te aroaro o Ihowā, koropiko ana ki a Ihowā.

2 Whakapapa 29:10

Nā, ko tā tōku ngākau tēnei, kia whakaritea he kawenata ki a Ihowā, ki te Atua o Īharaira, kia tahuri atu ai i a tātou tōna riri e mura nei.

2 Whakapapa 29:30

I whakahau anō a Kīngi Hetekia me ngā rangatira ki ngā Rīwaiti kia whakamoemiti ki a Ihowā; hei ngā kupu anō a Rāwiri rāua ko Āhapa matakite. Nā, kei te whakamoemiti rātou; me te koa; tuohu ana rātou, koropiko ana anō.

2 Whakapapa 6:4

I mea ia: “Kia whakapaingia a Ihowā, te Atua o Īharaira, nā tōna māngai nei te kupu ki tōku pāpā, ki a Rāwiri, ā, kua rite nei i tōna ringa; i mea hoki ia,

Nehemia 5:13

I ruperupea anō e ahau te uma o tōku, me tāku kī anō, “Ko te tangata e kore e whakamana i tēnei kupu, kia pēnei tā Ihowā ruperupe i a ia i roto i tōna whare, i tāna mahi; kia rite anō ia ki tēnei te ruperupe, te takoto kau.” Ā, ka kī mai te huihui katoa, “Āmine,” ka whakamoemiti anō rātou ki a Ihowā. Nā, pērā tonu te mahi a te iwi.

Nehemia 8:7

Ko Hehua anō, ko Pani, ko Herepia, ko Iamini, ko Akupu, ko Hapetai, ko Horīa, ko Maaheia, ko Kerita, ko Atāria, ko Iotāpara, ko Hanana, ko Peraia, me ngā Rīwaiti, kei te whakamārama i te iwi ki te ture; tū tonu hoki tērā te iwi.

Waiata 134:2

Totoro ake ō koutou ringa ki te wāhi tapu, whakapaingia hoki a Ihowā.

Waiata 141:2

Kia whakatikaia tāku īnoi ki tōu aroaro, hei whakakakara; te toronga atu hoki o ōku ringa ānō ko te whakahere o te ahiahi.

Waiata 28:2

Whakarongo ki tōku reo īnoi, ua karanga ahau ki a koe, ina totoro ōku ringa ki tōu ahurewa tapu.

Waiata 41:13

Kia whakapaingia a Ihowā, te Atua o Īharaira inamata riro anō, ake tonu atu anō hoki. Āmine, āe Āmine.

Waiata 63:4

Inā, ka whakapai ahau ki a koe i ahau anō e ora nei; ka totoro atu ōku ringa i runga i tōu ingoa.

Waiata 95:3

Nō te mea he Atua nui hoki a Ihowā, he Kīngi nui i ngā atua katoa.

Ekoruhe 12:27

Nā, ka mea atu, ‘Ko te patunga rā i tā Ihowā Kapenga, nāna rā i kape ngā whare o ngā tama a Īharaira i Īhipa, i a ia i patu ai i ngā Īhipiana, ā, whakaorangia ake ō mātou whare.’ ” Nā, tuohu ana te iwi, koropiko ana.

Ekoruhe 4:31

Ā, whakapono tonu te iwi; ā, ka rongo rātou kua tae mai a Ihowā ki ngā tama a Īharaira, kua titiro ki tō rātou whakawhiunga, ka tuohu rātou, ka koropiko.

Heremaia 28:6

i mea taua Heremaia poropiti, “Āmine! Kia pēnā mai anō a Ihowā. Kia mahia hoki e Ihowā āu kupu i poropititia nā e koe mō ngā oko o te whare o Ihowā, mō ngā whakarau katoa hoki, ka whakahokia mai i Papurōna ki tēnei wāhi.

Ngā Tangi 3:41

Kia ara atu ō tātou ngākau me ō tātou ringa ki te Atua i te rangi.

Rewitikuha 9:24

I puta mai anō he ahi i te aroaro o Ihowā, ā, pau ake te tahunga tinana, me ngā ngako, i runga i te āta; ā, nō te kitenga o te iwi katoa, ka hāmama rātou, ā, kūpapa ana ki raro.

Matiu 26:39

Ā, haere ana ia ki tahaki tata atu, ka takoto tāpapa, ka īnoi, ka mea, “E tōku Matua, ki te mea e āhei, kia pahemo atu tēnei kapu i ahau; otirā, kaua e waiho i tāku e pai ai, engari, i tāu.”

Matiu 6:13

Aua hoki mātou e kawea kia whakawaia; engari, whakaorangia mātou i te kino. Nōu hoki te rangatiratanga, te kaha, me te korōria, ake, ake. Āmine.

1 Koriniti 14:16

Pēnei, mehemea ki te whakapai koe i runga i te wairua, me pēhea te tangata e noho ana i te wāhi o te kūware ka mea ai, “Āmine” ki tāu whakawhetai? E kore hoki ia e mōhio ki tāu e kōrero ai.

Epeha 1:3

Kia whakapaingia te Atua, te Matua o tō tātou Ariki, o Īhu Karaiti, nāna nei tātou i manaaki ki ngā manaaki katoa o te wairua ki ngā wāhi o te rangi, i roto i a te Karaiti;

1 Timoti 2:8

Nā, ko tāku e pai ai, ko ngā tāne kia īnoi i ngā wāhi katoa, kia tapu ngā ringa ina ara, kaua he riri, he tautohetohe.

1 Pita 1:3

Kia whakapaingia te Atua, te Matua o tō tātou Ariki, o Īhu Karaiti, nāna nei, nā tāna mahi tohu e nui nei, tātou i whānau hou ai ki te tūmanako ora, i a Īhu Karaiti ka ara ake nei i te hunga mate,

Whakakitenga 7:11

Nā, ko ngā anahera katoa e tū ana i ngā taha katoa o te torōna, i ngā taha hoki o ngā kaumātua, o ngā mea ora e whā; ā, ka tāpapa rātou ki mua i te torōna, ka koropiko ki te Atua,