Nehemia 8:10 - Paipera Tapu 2012

¹⁰ Kātahi ia ka mea ki a rātou, “Haere, kainga ngā mea mōmona, inumia ngā mea reka, hoatu anō ētahi wāhi kia kawea mā te hunga kāhore nei i takā he mea mā rātou. He rā tapu hoki tēnei nā tō tātou Ariki; kaua hoki e pōuri; kei te koa hoki ki a Ihowā he kaha mō koutou.”

Te Paipera Tapu 1952

¹⁰ Katahi ia ka mea ki a ratou, Haere, kainga nga mea momona, inumia nga mea reka, hoatu ano etahi wahi kia kawea ma te hunga kahore nei i taka he mea ma ratou; he ra tapu hoki tenei na to tatou Ariki; kaua hoki e pouri; kei te koa hoki ki a Ihowa he kaha mo koutou.

Nehemia 8:10 Iomraidhean Croise

1 Kīngi 8:66

I te waru o ngā rā ka tukua e ia te iwi kia haere; nā, ka manaaki rātou i te kīngi, ā, haere koa ana ki ō rātou tēneti, pai tonu hoki te ngākau i ngā mea pai katoa i meinga e Ihowā ki a Rāwiri, ki tāna pononga, rātou ko tāna iwi, ko Īharaira.

1 Whakapapa 16:27

He hōnore, he kīngitanga kei tōna aroaro; kei tōna wāhi te kaha me te koa.

Nehemia 8:11

Heoi, i whakamārie ngā Rīwaiti i te iwi katoa, i mea, “Whakarongoa; he tapu hoki te rā nei, kaua hoki e pōuri.”

Nehemia 8:12

Nā, haere ana te iwi katoa ki te kai, ki te inu, ki te hoatu i ētahi wāhi mā ētahi, ki te whakanui i te hari, nō rātou ka mōhio ki ngā kupu i whakapuakina nei ki a rātou.

Ehetere 9:19

Nā reira ngā Hūrai e noho ana i ngā pā koraha, i ngā pā taiepakore, i mea ai ko te tekau mā whā o ngā rā o te marama Arara hei rā mō te hari, mō te kai hākari, hei rā pai, e tuku tahua ai tētahi ki tētahi.

Ehetere 9:22

kia rite ki ngā rā i tā ai te manawa o ngā Hūrai i ō rātou hoariri, ki te marama anō i puta kē ai tō rātou tangi hei hari, tō rātou pōuri hei rā pai, kia meinga hei rā kai hākari, hei rā hari, e tukua ai ētahi wāhi mā tētahi, mā tētahi, me ētahi mea anō mā ngā rawakore.

Waiata 149:2

Kia hari a Īharaira ki tōna kaihanga; kia koa ngā tama a Hiona ki tō rātou Kīngi.

Waiata 89:17

Ko koe hoki te korōria o tō rātou kaha; mā tāu manako anō ka ara ai tō mātou haona.

Whakatauki 17:22

He rongoā pai te ngākau koa; ki te marū ia te wairua, ka maroke ngā wheua.

Kaikauwhau 11:2

Hoatu tētahi wāhi mā te tokowhitu, āe mā te tokowaru anō hoki; e kore hoki koe e mōhio ko tēhea kino e puta mai ki te whenua.

Kaikauwhau 2:24

Kāhore he mea pai mā te tangata i tua atu i te kai, i te inu, i te mea kia whiwhi tōna wairua i te pai i roto i tōna māuiui. I kite anō hoki ahau i tēnei, nō te ringa o te Atua tēnei.

Kaikauwhau 3:13

ā, he mea hoki nā te Atua kia kai ngā tāngata katoa, kia inu, kia kite anō hoki i te pai o tō rātou māuiui katoa.

Kaikauwhau 5:18

Nanā, ko tāku i kite ai, he mea pai, he mea ātaahua, kia kai te tangata, kia inu, kia kite hoki i te pai o tōna māuiui katoa i māuiui ai ia i raro i te rā i ngā rā katoa e ora ai ia, e hōmai nei e te Atua ki a ia; nāna hoki tēnā wāhi.

Kaikauwhau 9:7

Haere, kainga tāu kai i runga i te hari, inumia hoki tāu wāina i runga i te ngākau hari; nō te mea kua manako noa kē te Atua ki āu mahi.

Waiata a Horomona 5:1

Kua tae mai ahau ki tāku kāri, e tōku tuahine, e tōku hoa; kua oti tāku maira me tāku kīnaki kakara te kohi, kua kainga e ahau tāku honikoma me tāku honi; kua inumia e ahau tāku wāina me tāku waiū. E kai, e ōku hoa; e inu, inā, kia nui te inu, e tāku e aroha nei.

Ihāia 49:5

Nā ākuanei, e ai tā Ihowā, nāna nei ahau i whakaahua i te kōpū hei tangata māna, hei whakahoki mai i a Hākopa ki a ia, kia kohikohia ai a Īharaira ki a ia; ka nui hoki ahau ki te aroaro o Ihowā, ko tōku Atua hoki hei kaha mōku –

Ihāia 61:10

Ka nui tōku koa ki a Ihowā, ka whakamanamana tōku wairua ki tōku Atua. Kua whakakākahuria hoki ahau e ia ki ngā kākahu o te whakaoranga, ropia mai ana e ia te tika ki ahau hei koroka; ka rite ki tā te tāne mārena hou e kōpare nei i te whakapaipai ki a ia, ki tā te wahine mārena hou whakapaipai i a ia ki āna mea whakapaipai.

Hoera 2:23

Nā, whakamanamana, e ngā tama a Hiona, kia koa ki a Ihowā, ki tō koutou Atua; ka tika hoki tāna hōmai i tō mua ua ki a koutou, ā, ka meinga e ia te ua, tō mua ua, me tō muri ua, kia heke iho mā koutou i te marama tuatahi.

Hakaraia 14:21

Inā, ko ngā kōhua katoa i Hiruhārama, i a Hūrā, he tapu ki a Ihowā o ngā mano, ā, ka haere mai te hunga katoa e patu whakahere ana, ka tango i ētahi hei kōhua mā rātou. Kāhore hoki he Kanaani ā muri ake nei, i roto i te whare o Ihowā o ngā mano i taua rā.

Ruka 11:41

Engari, hoatu ngā mea o roto hei atawhainga mō ngā rawakore; ā, ka mā ngā mea katoa ki a koutou.

2 Koriniti 8:2

ahakoa he nui te whakamātautauranga a ngā mate, whakaputaina nuitia ana mai e te nui o tō rātou koa, i roto i tō rātou tino rawakoretanga, ngā tahua o tā rātou manaaki.

Piripai 3:4

Otirā, tērā anō ahau e ū te whakaaro ki te kikokiko ki te whakaaro tētahi atu tangata he mea tāna e ū ai tōna whakaaro ki te kikokiko, tērā atu anō tāku.

Whakakitenga 11:10

Ka koa hoki ki a rāua te hunga e noho ana i te whenua, ka harakoa, ka tāpae taonga tētahi ki tētahi; nō te mea i whakamamae ēnei poropiti tokorua i te hunga e noho ana ki te whenua.

1 Hamuera 25:8

Māu e ui ki āu taitama, ā, ka kōrerotia e rātou ki a koe. Nā, kia manakohia ngā taitama nā e koe; kua tae mai hoki mātou i te rā pai. Tēnā, hōmai tā tōu ringa i tūpono ai ki āu pononga, ki tāu tama hoki, ki a Rāwiri.’ ”