Nehemia 6:9 - Paipera Tapu 2012

⁹ Ko tā rātou katoa hoki, he whakawehi i a mātou, i mea rātou, “Tērā ō rātou ringa e whakawarea ki te mahi, e kore ai e mahia.” Tēnā, e te Atua, whakakahangia ōku ringa.

Te Paipera Tapu 1952

⁹ Ko ta ratou katoa hoki, he whakawehi i a matou; i mea ratou, Tera o ratou ringa e whakawarea ki te mahi, e kore ai e mahia. Tena, e te Atua, whakakahangia oku ringa.

Nehemia 6:9 Iomraidhean Croise

2 Whakapapa 15:7

Ko koutou ia, kia kaha; kaua ō koutou ringa e ngoikore, nō te mea ka, whai utu tā koutou mahi.”

2 Whakapapa 32:18

Nā, nui atu tā rātou karanga i te reo Hūrai ki te iwi o Hiruhārama i runga i te taiepa hei whakawehi i a rātou, hei whakararuraru i a rātou, he mea kia riro ai i a rātou te pā.

Etera 1:6

Nā, ko ngā tāngata katoa i ō rātou taha, kei te whakakaha i ō rātou ringa ki te oko hiriwa, ki te kōura, ki te taonga, ki te kararehe, ki te mea utu nui, he mea tāpiri ki ngā mea hōmai noa katoa.

Nehemia 6:14

Kia mahara, e tōku Atua, ki a Tōpia rāua ko Hanaparata, ki ēnei mahi a rāua, ki a Noaria poropiti wahine, ki ērā atu anō o ngā poropiti i mea nei ki te whakawehi i ahau.

Waiata 138:3

I whakahoki kupu mai koe ki ahau i te rā i karanga ai ahau, ā, whakahirihiritia ana e koe tōku wairua ki te kaha.

Waiata 56:3

Ka whakawhirinaki ahau ki a koe i te wā e mataku ai ahau.

Waiata 68:35

Ka wehingia koe, e te Atua, i roto i ōu wāhi tapu; ko te Atua o Īharaira te kaihōmai i te kaha, i te mana, ki tōna iwi. Whakapaingia te Atua!

Waiata 71:1

Ko koe tāku e whakawhirinaki ai, e Ihowā; kei whakamā ahau ake ake.

Ihāia 40:29

E hōmai ana e ia he kaha ki te hunga ngenge; ā, whakanuia ana e ia te pakari o te mea ngoikore.

Ihāia 41:10

Kaua e wehi; kei a koe nei hoki ahau; kaua anō e tirotiro; ko ahau nei hoki tōu Atua. Māku koe e whakakaha, āe rā, māku koe e āwhina, ka tautokona ake anō koe e te ringa matau o tōku tika.

Heremaia 38:4

Nā, ka mea atu ngā rangatira ki te kīngi, “Me whakamate tēnei tangata; mā tāna pēnei hoki ka ngoikore ai ngā ringa o ngā tāngata whawhai e toe ana ki te pā nei, me ngā ringa o te iwi katoa, mā tāna kōrero i ēnei tū kupu ki a rātou. Kāhore hoki tēnei tangata i te rapu i te pai mō tēnei iwi, engari i te kino.”

Ehekiera 30:24

Ka kaha anō i ahau ngā ringa o te kīngi o Papurōna, ka hoatu anō e ahau tāku hoari ki tōna ringa; ka whati ia i ahau ngā ringa o Parao, ā, nō te tangata i werohia ngā auē e auē ai ia ki tōna aroaro.

Hakaraia 10:12

Ka whakakahangia anō rātou e ahau i runga i a Ihowā; ka hāereere hoki rātou i runga i tōna ingoa,” e ai tā Ihowā.

2 Koriniti 12:9

Ā, kua mea mai ia ki ahau, “E ranea ana tōku atawhai hei mea mōu; mana tonu hoki tōku kaha i runga i te ngoikore.” Nā, pai rawa atu ki ahau te whakamanamana ki ōku ngoikore, kia ai ai te kaha o te Karaiti hei taupoki mōku.

Epeha 3:16

Kia rite ki te nui rawa o tōna korōria he hōmaitanga māna ki a koutou, kia pakari ai a roto i a koutou i te kaha o tōna Wairua;

Epeha 6:10

Heoi, kia kaha i roto i te Ariki, i te mana hoki o tōna kaha.

Piripai 4:13

Ka taea e ahau ngā mea katoa i roto i a te Karaiti e whakakaha nei i ahau.

Hiperu 12:12

Heoi, kia ara ngā ringaringa kua tukua iho, me ngā turi ngoikore,

1 Pita 5:10

Nā, mā te Atua o ngā mahi aroha noa katoa, i karangatia ai koutou ki tōna korōria mutungakore i roto i a Karaiti Īhu, ka oti koutou te whakamamae i tēnei wā iti nei, māna koutou e mea kia tino rite, māna e whakaū, māna e whakakaha, māna e whakapūmau.

1 Hamuera 30:6

Nā, mamae rawa a Rāwiri, nō te mea i kupukupu te nuinga kia ākina ia ki te kōhatu; i mamae hoki te ngākau o te iwi katoa, o tērā, o tērā, ki ā rātou tama, ki ā rātou tamāhine. Ko Rāwiri ia i whakapakari i a ia i roto i a Ihowā, i tōna Atua.