Nehemia 6:11 - Paipera Tapu 2012

¹¹ Nā, ka mea ahau, “Me oma rānei te tangata pēnei i ahau nei? Ko wai te tangata o tōku rite e haere ki roto ki te temepara kia ora ai? E kore ahau e haere ki roto!”

Te Paipera Tapu 1952

¹¹ Na ka mea ahau, Me oma ranei te tangata penei i ahau nei? ko wai te tangata o toku rite e haere ki roto ki te temepara kia ora ai? E kore ahau e haere ki roto.

Nehemia 6:11 Iomraidhean Croise

Nehemia 6:12

Nā, ka mahara ahau ehara ia i te mea ungā mai nā te Atua; heoi hei hē mōku tāna kupu i poropiti ai. He mea utu hoki ia nā Tōpia rāua ko Hanaparata.

Nehemia 6:3

Nā, ka unga tāngata ahau ki a rāua hei kī atu, “He nui te mahi e mahi nei ahau; e kore e āhei kia heke atu. Kia whakamutua hei aha te mahi? Ko whakarērea nei hoki e ahau, ki te heke atu ahau ki a kōrua.”

Nehemia 6:9

Ko tā rātou katoa hoki, he whakawehi i a mātou, i mea rātou, “Tērā ō rātou ringa e whakawarea ki te mahi, e kore ai e mahia.” Tēnā, e te Atua, whakakahangia ōku ringa.

Waiata 112:6

E kore hoki ia e whakangāueuetia ake ake; ka maharatia tonutia te tangata tika ake ake.

Waiata 112:8

Ka ū tōna ngākau, e kore ia e wehi; kia kite rā anō ia i tāna i hiahia ai ki ōna hoariri.

Whakatauki 28:1

E rere ana te hunga kino i te mea kāhore he kaiwhai; ko te tangata tika anō ia, ānō he raiona te māia.

Kaikauwhau 10:1

Mā ngā ngaro mate ka piro whakahouhou ai te hinu a te kaiwhakananu; ka pērā anō te whakaaro nui me te ingoa nui, he iti noa te wairangi māna e tāmi.

Ihāia 10:18

Ka pau anō hoki i a ia te korōria o tōna ngahere, o tāna māra mōmona, te wairua rāua ko te tinana; ā, hei te otinga, me te mea kua ngohe te ngākau o te kaihāpai kara.

Tauanga 3:10

Me whakarite anō e koe a Ārona rātou ko āna tama, ā, ka ū rātou ki tā rātou mahi tohunga; ko te tangata kē e whakatata mai ka whakamatea.”

Ngā Mahi 20:24

Otirā, kāhore ahau e ihupuku ki te ora, hei painga ki ahau ake, engari, kia taea tāku e whai nei, me te mahi i hōmai ki ahau e te Ariki, e Īhu, arā kia whakaaturia te rongopai o te aroha noa o te Atua.

Ngā Mahi 21:13

Nā, ko te whakahokinga a Pāora, “He aha tā koutou e tangi, e whakangākaukore nei i ahau? Ehara hoki i te mea ko te here anake tāku e pai ai, engari ko te mate anō hoki ki Hiruhārama, mō te ingoa o te Ariki, o Īhu.”

Ngā Mahi 8:1

Ā, i reira a Haora e whakaae ana ki tōna matenga. Nā, i taua rā ka oho he whakatoinga nui ki te hāhi i Hiruhārama, ā, marara katoa ana rātou, puta noa i ngā wāhi o Hūria, o Hamaria; kāhore ia ngā āpōtoro.

Piripai 2:17

Nā, ki te ringihia ahau ki runga ki te patunga tapu, ki ngā mahi a tō koutou whakapono, ka hari ahau, inā, ka hari tahi me koutou katoa.

Piripai 2:30

nō te mea nā te mahi ki a te Karaiti i tata ai ia ki te mate, te ihupuku ki te ora, kia rite ai i a ia ngā mahi ki ahau, kīhai nei i rite i a koutou.

Hiperu 11:27

Nā te whakapono ia i haere atu ai i Īhipa, kīhai hoki i mataku i te riri a te kīngi; i ū tonu hoki ia, he titiro nōna ki te Atua e kore nei e kitea.

1 Hamuera 19:5

I whakamomori atu nā hoki ia ki te mate, ā, patua iho te Pirihitini, nā, he nui te whakaoranga i whakaora ai a Ihowā i a Īharaira katoa. I kite koe, i koa hoki, ā, he aha rā koe ka hara ai ki ngā toto harakore, ka whakamate noa iho ai i a Rāwiri?”