Nehemia 5:7 - Paipera Tapu 2012

⁷ Kātahi ka whakaaroaroa e tōku ngākau i roto i ahau, ā, ka totohe ahau ki ngā rangatira me ngā tāngata rarahi; i kī atu hoki ahau ki a rātou, “E tangohia ana e koutou he moni whakatupu i tōna teina, i tōna teina.” Nā, tū ana i ahau he hui nui hei whakahē mō rātou;

Te Paipera Tapu 1952

⁷ Katahi ka whakaaroaroa e toku ngakau i roto i ahau, a ka totohe ahau ki nga rangatira me nga tangata rarahi; i ki atu hoki ahau ki a ratou, E tangohia ana e koutou he moni whakatupu i tona teina, i tona teina. Na tu ana i ahau he hui nui hei whak ahe mo ratou.

Nehemia 5:7 Iomraidhean Croise

Waiata 109:11

Kia haoa e te kaituku moni āna mea katoa; kia pāhuatia hoki e ngā tāngata iwi kē āna māuiuitanga.

Waiata 15:1

E Ihowā, ko wai e noho ki tōu tapenākara? Ko wai e noho ki tōu maunga tapu?

Waiata 15:5

Kāhore e tuku i tāna moni hei moni whakatupu; kāhore hoki e tango i te moni hei utu mate mō te tangata harakore. Ki te pēnei te mahi a tētahi, e kore ia e whakakorikoria ake ake.

Waiata 27:8

I a koe i mea, “Rapua e koutou tōku mata.” Ka mea tōku ngākau ki a koe, “Ka rapu ahau i tōu mata, e Ihowā.”

Waiata 4:4

Kia oho koutou, ā, kaua e hara; kōrerorero ki ō koutou ngākau i runga i ō koutou moenga, me te āta takoto anō. Hera

Waiata 94:16

Ko wai tōku hei whakatika ake ki te hunga kino? Ko wai tōku hei tū ake ki ngā kaimahi i te hara?

Ekoruhe 22:24

ā, ka mura tōku riri, ka patua anō hoki koutou ki te hoari; ā, ka pouarutia ā koutou wāhine, ka pania anō hoki ā koutou tamariki.

Ekoruhe 22:25

“Ki te whakatārewa koe i te moni ki tētahi o tāku iwi, ki tētahi o ōu rawakore, kei rite tāu ki a ia ki tā te kaiwhakatuputupu moni, kei tangohia i a ia te moni whakatuputupu.

Whakatauki 27:5

He pai kē te riri matanui i te aroha huna.

Whakatauki 28:4

Ko te hunga e whakarere ana i te ture, he whakamoemiti tā rātou ki te tangata kino; ko tā ngā kaipupuri ia o te ture he ngangare ki a rātou.

Ehekiera 22:12

I roto i a koe i tango rātou i te utu whakapati e whakahekea ai he toto; kua tango koe i te moni whakatupu, i ngā hua anō hoki, kua haoa mai anō e koe ngā taonga a ōu hoa, he mea tūkino, kua wareware anō koe ki ahau, e ai tā te Ariki, tā Ihowā.

Ehekiera 45:9

“Ko te kupu tēnei a te Ariki, a Ihowā: Kāti tā koutou, e ngā rangatira o Īharaira; whakarērea atu te tūkino, te pāhua, mahia te whakawā, me te tika, whakamutua ā koutou peinga i tāku iwi, e ai tā te Ariki, tā Ihowā.”

Rewitikuha 19:15

“Kei whakahaere hē ina whakawā; kaua e whakaaro ki te kanohi o te rawakore, kaua hoki e whakahōnoretia te kanohi o te nui; me whakawā koe mō tōu hoa i runga i te tika.

Rewitikuha 25:36

Kaua e tangohia i a ia he moni whakatuputupu, he whakanuinga rānei; engari me wehi koe ki tōu Atua; kia noho ai tōu teina i a koe.

Matiu 18:17

Ā, ki te pake ia ki a rāua, kōrerotia ki te hāhi; ā, ki te pake anō ia ki te hāhi, me waiho e koe hei tautangata, hei pupirikana.”

2 Koriniti 5:16

Nō reira, ā mua ake nei e kore mātou e mātau ki te tangata, arā, ki tōna kikokiko; āe rā, ahakoa mātau mātou ki a te Karaiti, arā ki tōna kikokiko, otiia e kore mātou e mātau pēnā ki a ia ā mua ake nei.

Karatia 2:11

Nā, i te taenga mai o Kipa ki Anatioka, ka whakatika atu ahau ki a ia he kanohi, he kanohi, nō te mea kua tika kia whakahēngia ia.

1 Timoti 5:20

Ko te hunga hara rīria i te aroaro o te katoa, kia mataku ai hoki ērā atu.

Taituha 2:15

Kōrerotia ēnei mea, whakahaua; kia nui tōu māia ki te riri i te hē. Kei whakahāwea tētahi ki a koe.