Nehemia 5:19 - Paipera Tapu 2012

¹⁹ Kia mahara mai ki ahau, e tōku Atua, mō te pai, kia rite ki āku mea katoa i mea ai ahau ki tēnei iwi.

Te Paipera Tapu 1952

¹⁹ Kia mahara mai ki ahau, e toku Atua, mo te pai, kia rite ki aku mea katoa i mea ai ahau ki tenei iwi.

Nehemia 5:19 Iomraidhean Croise

Kenehi 40:14

Otirā, kia mahara ki ahau ina pono te pai ki a koe, kia puta anō tōu aroha ki ahau, kōrerotia hoki ahau ki a Parao, kia puta atu ai ahau i tēnei whare.

2 Kīngi 20:3

“Tēnā rā, e Ihowā, kia mahara ki ōku hāereerenga i tōu aroaro i runga i te pono, i te ngākau tapatahi, ki tāku meatanga i te pai ki tāu titiro.” Nā, tangi ana a Hetekia, nui atu te tangi.

Nehemia 13:14

Kia mahara, e tōku Atua, ki tēnei mea āku, kaua hoki e horoia atu tēnei tikanga pai āku i puta nei ki te whare o tōku Atua, ki ngā ritenga mahi anō mō reira.

Nehemia 13:22

I kī atu anō ahau ki ngā Rīwaiti kia purea rātou, kia haere hoki ki te tiaki i ngā kūwaha hei whakatapu mō te rā hāpati. Maharatia anō tēnei āku, e tōku Atua; tohungia hoki ahau, kia rite ki te nui o tōu atawhai.

Nehemia 13:31

me te tikanga anō mō te whakahere wahie i ngā wā i whakaritea; mō ngā mātāmua anō. Maharatia ahau e tōku Atua mō te pai.

Waiata 106:4

Maharatia mai ahau, e Ihowā, kia rite ki tāu manako ki tāu iwi; tirotirohia mai ahau i runga i tāu whakaoranga;

Waiata 40:17

Ko ahau ia, he iti, he rawakore; heoi e whakaaro ana te Ariki ki ahau. Ko koe tōku āwhina, tōku kaiwhakaora; kaua rā e whakaroa, e tōku Atua.

Heremaia 29:11

Kei te mōhio hoki ahau ki ngā whakaaro e whakaaro nei ahau ki a koutou,” e ai tā Ihowā, “he whakaaro mō te rongo mau, ehara mō te kino, kia hoatu he tūmanako ki a koutou i ō koutou rā whakamutunga.

Matiu 10:42

Ā, ki te whakainumia e tētahi, tētahi o ēnei mea nonohi, ahakoa kotahi anō te kapu wai mātao, i runga i te ingoa o te ākonga, he pono tāku e mea nei ki a koutou, e kore rawa ia e hapa i tōna utu.”

Māka 9:41

Ki te whakainumia koutou e tētahi ki te kapu wai, he whakaaro ki tōku ingoa, nō te mea nō te Karaiti koutou, he pono tāku e mea nei ki a koutou, e kore ia e hapa i tōna utu.”