Nehemia 5:10 - Paipera Tapu 2012

¹⁰ Nā, ko ahau, ko ōku tēina, me āku tāngata, e tuku ana he moni, he wīti ki a rātou mō te moni whakatupu. Tēnā rā, kia whakarērea atu e tātou tēnei mahi tango i te moni whakatupu.

Te Paipera Tapu 1952

¹⁰ Na, ko ahau, ko oku teina, me aku tangata, e tuku ana he moni, he witi ki a ratou mo te moni whakatupu. Tena ra, kia whakarerea atu e tatou tenei mahi tango i te moni whakatupu.

Nehemia 5:10 Iomraidhean Croise

Nehemia 10:32

“I hangā anō e mātou he tikanga mā mātou kia hoatu e mātou te toru o ngā wāhi o te hekere i te tau mō te mahi o te whare o tō mātou Atua:

Nehemia 5:11

Tēnā, whakahokia atu ki a rātou i tēnei rā nei anō ō rātou whenua, ā rātou māra wāina, māra ōriwa, me ō rātou whare, me te wāhi whakarau o te moni, o te wīti, o te wāina, o te hinu, e tangohia nei e koutou i a rātou.”

Nehemia 5:7

Kātahi ka whakaaroaroa e tōku ngākau i roto i ahau, ā, ka totohe ahau ki ngā rangatira me ngā tāngata rarahi; i kī atu hoki ahau ki a rātou, “E tangohia ana e koutou he moni whakatupu i tōna teina, i tōna teina.” Nā, tū ana i ahau he hui nui hei whakahē mō rātou;

Nehemia 5:9

I mea anō ahau, “Ehara tēnā i te mea pai e mea nā koutou. Kaua ianei koutou e haere i runga i te wehi ki tō tātou Atua? Kaua rānei e whakaaro ki te tāwai mai a ō tātou hoariri, a ngā tauiwi?

Waiata 15:5

Kāhore e tuku i tāna moni hei moni whakatupu; kāhore hoki e tango i te moni hei utu mate mō te tangata harakore. Ki te pēnei te mahi a tētahi, e kore ia e whakakorikoria ake ake.

Ihāia 58:6

“He teka ianei ko te nohopuku tēnei i whiriwhiria e ahau? Kia whakatangorotia ngā here a te kino, kia wetekina ngā paihere o te ioka, kia tukua te hunga e tūkinotia ana kia haere noa atu, kia wāwāhia e koutou ngā ioka katoa?

Ehekiera 18:13

kua hoatu i te moni whakatupu, kua tango i te hua. E ora rānei ia? E kore ia e ora; kua mahia e ia ēnei mea whakarihariha katoa. Ko te mate kau mōna; ki runga anō i a ia ōna toto.

Ehekiera 18:7

Ki te mea kīhai tētahi tangata i tūkinotia e ia, engari, i whakahokia e ia tāna taunaha ki te tangata i a ia nei āna moni, ki te mea kīhai ia i tūkino i tētahi, i pāhua, ki te mea i hōmai e ia tāna taro mā te tangata e hemokai ana i hīpokina e ia ki te kākahu te tangata e noho tahanga ana.

Ehekiera 18:8

Ko te tangata kāhore āna mea i hoatu hei moni whakatupu, kāhore hoki he hua i riro i a ia, ko te tangata i whakahokia e ia tōna ringa i te kino, he pono anō tāna whakawā mō tētahi, mō tētahi,

Mika 2:1

Auē te mate mō te hunga e whakaaro nā ki te hē, e mahi nā i te kino i runga i ō rātou moenga! Tākiri rawa ake te ata kua mahia e rātou, nō te mea kei roto i te kaha o tō rātou ringa.

2 Koriniti 5:11

Nā, ka mātau nei mātou ki te wehi o te Atua, ka kukume mātou i ngā tāngata, otirā, e kitea ana anō mātou e te Atua; ā, e ū ana tōku whakaaro, kua kitea anō mātou e ō koutou hinengaro.

2 Koriniti 5:20

Nā, he karere mātou nā te Karaiti, me te mea anō ko te Atua tēnei kei roto i a mātou e karanga ana; ko mātou hei whakakapi mō te Karaiti ki te tohe atu ki a koutou, kia houhia tā koutou rongo ki te Atua.

2 Koriniti 6:1

Nā, tēnei mātou ōna hoa mahi te tohe atu nei i a koutou, kia kaua e kore hua te rironga mai o te aroha noa o te Atua i a koutou.

Tiuteronomi 15:2

Ā, ko te tikanga tēnei mō te tuku noa: ko ngā kaiwhakatārewa moni katoa, e whakatārewa moni ana ki ō rātou hoa, me tuku noa atu; kaua te kaiwhakatārewa e tohe ki tōna hoa, ki tōna teina rānei; nō te mea e karangatia ana ko te tukunga noatanga a Ihowā.