Nehemia 4:7 - Paipera Tapu 2012

⁷ I te rongonga ia o Hanaparata, o Tōpia, o ngā Ārapi, o ngā Āmoni, o ngā Aharori, kua neke haere te hanga o ngā taiepa o Hiruhārama, ā, kua tīmata ngā wāhi pakaru te kapi, nā, nui atu tō rātou riri.

Te Paipera Tapu 1952

⁷ I te rongonga ia o Hanaparata, o Topia, o nga Arapi, o nga Amoni, o nga Aharori, kua neke haere te hanga o nga taiepa o Hiruharama, a kua timata nga wahi pakaru te kapi, na nui atu to ratou riri.

Nehemia 4:7 Iomraidhean Croise

Kenehi 3:15

Ka whakatupuria hoki e ahau he pakanga mā kōrua ko te wahine, mā tōu uri rātou ko tōna uri; ka marū tōu mātenga i a ia, ka marū i a koe tōna rekereke.”

2 Kīngi 24:2

Nā, ka ngarea mai e Ihowā ki a ia ngā ope o ngā Karari, me ngā ope o ngā Hīriani, me ngā ope o ngā Moapi, me ngā ope o ngā tama a Āmona; ā, ngarea ana mai rātou e ia ki a Hūrā hei huna mō reira, i rite ai te kupu a Ihowā i kōrerotia e āna pononga, e ngā poropiti.

2 Whakapapa 20:1

Nā, i muri i tēnei ka haere mai ngā tama a Moapa, rātou ko ngā tama a Āmona, ā, hei hoa mō rātou ko ētahi o ngā Āmoni, ki te whawhai ki a Iehohāpata.

Etera 5:8

Kia mōhiotia tēnei e te kīngi, i haere mātou ki te whenua o Hūrā, ki te whare o te Atua nui e hangā nei ki ngā kōhatu nunui, e whakatakotoria ana hoki he rākau ki ngā taha; ā, kei te hohoro, kei te pai hoki te haere a tēnei mahi a ō rātou ringa.

Nehemia 2:10

Ā, nō te rongonga o Hanaparata Horoni rāua ko te pononga, ko Tōpia Āmoni, nui rawa te kino i kino ai ki a rāua, nō te mea kua tae he tangata hei rapu i te pai mō ngā tama a Īharaira.

Nehemia 2:19

I te rongonga ia o Hanaparata Horoni, rātou ko te pononga, ko Tōpia Āmoni, ko Keheme Ārapi, ka whakahī mai rātou ki a mātou, ka whakahāwea ki a mātou, ka mea, “He aha tēnei mea ka meatia nei e koutou? Ka whakakeke rānei koutou ki te kīngi?”

Nehemia 4:1

Nō te rongonga ia o Hanaparata kei te hanga mātou i te taiepa, ka riri, nui atu te riri, ka whakahī ki ngā Hūrai.

Nehemia 4:6

Nā, hangā ana e mātou te taiepa; ā, ka honoa te taiepa katoa, kia tae ki te hāwhe anō o tōna tiketike; he ngākau hoki tō te iwi ki te mahi.

Nehemia 4:8

Nā, ka whakatupu ngātahi rātou i te hē, kia haere mai ki te whawhai ki Hiruhārama, whakaware ai.

Nehemia 6:16

Ā, i te rongonga o ō mātou hoariri katoa, i taua mea, ka wehi ngā tauiwi katoa i tētahi taha o mātou, i tētahi taha, ā, ko te tino hokinga iho o ō rātou whakaaro; i kite hoki rātou he mea mahi tēnei mahi e tō mātou Atua.

Heremaia 25:20

mā ngā iwi i whakaranua, mā ngā kīngi katoa o te whenua o Uhu, mā ngā kīngi katoa o te whenua o ngā Pirihitini – mā Ahakerono, mā Kaha, mā Ekerono, mā ngā mōrehu anō o Aharoro;

Heremaia 41:10

Kātahi ka whakaraua e Ihimaera ngā mōrehu katoa o te iwi i Mihipa, ngā tamāhine a te kīngi, me ngā mōrehu katoa i Mihipa, ko te hunga i meinga nei e Neputarārana rangatira o ngā kaitiaki, a Keraria tama a Ahikama hei kāwana mō rātou; whakaraua ana rātou e Ihimaera tama a Netania, ā, haere ana ia, whiti ana ki ngā tama a Āmona.

Āmoho 1:13

Ko te kupu tēnei a Ihowā: “Ka toru nei ngā pokanga kētanga o ngā tama a Āmona, āe rā, ka whā, nā, e kore e whakatahuritia atu e ahau te whiu mōna. Nō te mea kua ripiripia e rātou ngā wāhine hapū o Kireara, he mea kia nui ake ai te rohe ki a rātou.

Āmoho 1:8

Ā, ka hātepea atu e ahau te tangata noho o Aharoro, me te kaipupuri hēpeta i Ahakerono; ka tahuri hoki tōku ringa ki Ekerono, ā, ka ngaro te mōrehu o ngā Pirihitini,” e ai tā te Ariki, tā Ihowā.

Āmoho 3:9

Pānuitia atu i roto i ngā whare kīngi i Aharoro, i ngā whare kīngi hoki i te whenua o Īhipa, mea atu, “Whakamine i a koutou ki runga ki ngā maunga o Hamaria, ka mātakitaki ki ngā ngangau nui i waenga o reira, ki ngā tūkinotanga hoki i waenga o reira.”

Ngā Mahi 5:33

Otirā, i tō rātou rongonga i tēnei, tū tonu ki ō rātou ngākau, ā, ka whakaaro kia whakamatea rātou.

Whakakitenga 12:17

Ā, riri ana te tarakona ki te wahine; haere ana ia ki te whawhai ki ērā atu o tāna whānau, ki te hunga e pupuri ana i ngā ture a te Atua, kei a rātou nei te whakaatu o Īhu Karaiti.

1 Hamuera 11:2

Nā, ka mea a Nahaha Āmoni ki a rātou, “Ko te mea tēnei e whakarite kawenata ai ahau ki a koutou, kia pokaia ō koutou kanohi matau katoa; ā, ka waiho e ahau hei tāwai mō Īharaira katoa.”