Nehemia 4:14 - Paipera Tapu 2012

¹⁴ Nā, ka titiro ahau, ka whakatika ki runga, ka mea ki ngā rangatira, ki ngā tāngata nunui, ki ērā atu anō o te iwi, “Kaua e wehi ki a rātou. Kia mahara ki te Ariki, ki te mea nui e wehingia ana, ka whawhai kia ora ai ō koutou tuākana, tēina, ā koutou tama, ā koutou tamāhine, ā koutou wāhine, me ō koutou whare.”

Te Paipera Tapu 1952

¹⁴ Na ka titiro ahau, ka whakatika ki runga, ka mea ki nga rangatira, ki nga tangata nunui, ki era atu ano o te iwi, Kaua e wehi ki a ratou. Kia mahara ki te Ariki, ki te mea nui e wehingia ana, ka whawhai kia ora ai o koutou tuakana, teina, a kout ou tama, a koutou tamahine, a koutou wahine, me o koutou whare.

Nehemia 4:14 Iomraidhean Croise

2 Hamuera 10:12

Kia māia, kia whakatangata hoki tātou mō tō tātou iwi, mō ngā pā hoki o tō tātou Atua; ā, mā Ihowā e mea te mea i pai ki a ia.”

2 Whakapapa 32:7

“Kia kaha, kia māia, kaua e wehi, kaua e pāwera ki te kīngi o Ahiria, ki tāna ope katoa; hira ake hoki tō tātou i tōna.

Nehemia 1:5

ā, ka mea ahau: “Auē, e Ihowā, e te Atua o te rangi, ko te Atua nui ia e wehingia ana, e pupuri ana i te kawenata, i te atawhai mō te hunga e aroha ana ki a ia, e pupuri ana i āna whakahau;

Hopa 37:22

E ahu mai ana i te hauraro te aho ānō he kōura; kei te Atua te korōria whakawehi.

Waiata 143:5

E mahara ana ahau ki ngā rā onamata; e whakaaro ana ki āu mahi katoa, e whakaaroaro ana ahau ki ngā meatanga a ōu ringa.

Waiata 20:7

Ko tā ētahi he hāriata, ko tā ētahi he hōiho; ko tātou ia ka whakahua i te ingoa o Ihowā, o tō tātou Atua.

Waiata 27:1

Ko Ihowā tōku mārama, tōku whakaoranga; kia wehi ahau i a wai? Ko Ihowā te kaha o tōku ora; ko wai e mataku ai ahau?

Waiata 46:11

Kei a tātou a Ihowā o ngā mano; ko te Atua o Hākopa tō tātou piringa. Hera

Waiata 65:5

He mea whakawehi, he tapu, tāu utu kupu ki a mātou, e te Atua o tō mātou whakaoranga, e te okiokinga o ngā pito katoa o te whenua, o te hunga hoki i tawhiti i runga o te moana;

Waiata 66:3

Mea atu ki te Atua, “Anō te wehi o āu mahi! Mā te nui o tōu kaha e ngohengohe ai ōu hoariri ki a koe.

Waiata 66:5

Haere mai kia kite i ngā mahi a te Atua: mataku rawa tāna mahi ki ngā tama a te tangata.

Ekoruhe 14:14

Mā Ihowā tā koutou pakanga; ko koutou ia e kore e hamumu.”

Ekoruhe 14:25

ā, whakamareretia ana e ia ngā wīra o ngā hāriata, kia pūhoi ai te haere; ā, ka mea ngā Īhipiana, “Kia oma atu tātou i te aroaro o Īharaira; kei a rātou hoki a Ihowā e whawhai mai ana ki ngā Īhipiana.”

Kaikauwhau 12:1

Kia mahara rā ki tōu Kaihanga i ngā rā o tōu tamarikitanga, i te mea kāhore anō kia tae noa mai ngā rā o te kino, ā, kāhore anō kia tata mai ngā tau e kī ai koe, “Kāhore ōku āhuareka ki ēnei tau”;

Raniera 11:32

Nā, ko te hunga e mahi kino ana ki te kawenata ka whakangaua kētia e ia, he mea whakapati nāna; ko te hunga ia e mōhio ana ki tō rātou Atua, ka kaha rātou, ka mahi i ngā mahi.

Hakaraia 14:3

Kātahi a Ihowā ka haere atu, ka whawhai ki aua iwi, ka rite ki te rā i whawhai ai ia i te rā o te tatauranga.

Tauanga 14:9

Kaua rāia koutou e tutū ki a Ihowā, kaua hoki e wehi i ngā tāngata o taua whenua, he taro hoki rātou mā tātou. Kua mahue rātou i tō rātou whakamarumaru, ā, kei a tātou a Ihowā; kaua e wehi i a rātou.”

Matiu 10:28

Ā, kaua e wehi i te hunga e whakamate nei i te tinana, ā, e kore nei e āhei te whakamate i te wairua; engari ia ko tā koutou e wehi ai, ko ia e kaha nei ki te whakangaro i te wairua rāua tahi ko te tinana ki roto ki Kehena.

Tiuteronomi 1:21

Nanā, ka tukua nei te whenua e Ihowā, e tōu Atua, ki tōu aroaro; haere ki runga, tangohia, kia rite ai ki tā Ihowā, ki tā te Atua o ōu mātua, i kī ai ki a koe; kaua e wehi, kaua hoki e pāwera.”

Tiuteronomi 10:17

Ko Ihowā hoki, ko tōu Atua, ko ia te Atua o ngā atua, te Ariki o ngā ariki, he Atua nui ia, he kaha, he whakamataku, e kore nei e whakapai kanohi, e kore anō hoki e tango utu.

Hiperu 13:6

Heoi, ka māia tātou ki te kī ake: “Kei tōku taha te Ariki, e kore ahau e mataku ki tā te tangata e mea ai ki ahau.”

Hohua 1:9

Kāhore ianei ahau i whakahau ki a koe? Kia kaha, kia māia; kaua e wehi, kaua hoki e pāwera; nō te mea kei a koe a Ihowā, tōu Atua, i ngā wāhi katoa e haere ai koe.”

Kaiwhakariterite 3:27

Ā, nō tōna taenga, ka whakatangihia e ia te tētere ki te whenua maunga o Ēparaima, ā, heke ana ngā tamariki a Īharaira i runga i te maunga hei hoa mōna, ko ia hoki i mua i a rātou.