Nehemia 2:6 - Paipera Tapu 2012

⁶ Nā, ka mea te kīngi ki ahau (i tōna taha anō hoki te kuīni e noho ana), “Kia pēhea te roa ōu ka haere nei, ā, hei āhea koe hoki mai ai?” Nā, kua pai ki te kīngi kia ungā ahau, ā, whakaritea ana e ahau he wā ki a ia.

Te Paipera Tapu 1952

⁶ Na ka mea te kingi ki ahau, i tona taha ano hoki te kuini e noho ana, Kia pehea te roa ou ka haere nei; a hei a hea koe hoki mai ai? Na kua pai ki te kingi kia unga ahau: a whakaritea ana e ahau he wa ki a ia.

Nehemia 2:6 Iomraidhean Croise

Nehemia 1:11

Tēnā, e te Ariki, tahuri mai tōu taringa ki te īnoi a tāu pononga, ki te īnoi hoki a āu pononga e mea nei kia wehi i tōu ingoa. Kia tika rā tā tāu pononga āianei, hōmai hoki ki a ia kia atawhaitia e tēnei tangata.” Ko ahau hoki te kaiwhakainu a te kīngi.

Nehemia 13:6

Otiia i tēnei wā katoa kāhore ahau i Hiruhārama; nō te toru tekau mā rua nei hoki o ngā tau o Arataherehe kīngi o Papurōna i tae ai ahau ki te kīngi, ā, maha noa ngā rā, ka īnoitia e ahau i te kīngi.

Nehemia 2:4

Anō rā ko te kīngi ki ahau, “He aha te mea ka tonoa nei e koe?” Heoi, ko tāku īnoinga ki te Atua o te rangi.

Nehemia 2:5

Nā, ka kī atu ahau ki te kīngi, “Ki te pai te kīngi, ki te mea hoki e paingia ana tāu pononga i tōu aroaro, kia ungā ahau e koe ki Hūrā, ki te pā o ngā tanumanga o ōku mātua, kia hangā ai e ahau.”

Nehemia 5:14

Nō te rā anō i kīia ai ahau hei kāwana mō rātou ki te whenua o Hūrā, nō te rua tekau o ngā tau, ā tae noa ki te toru tekau mā rua o ngā tau o Kīngi Arataherehe, arā kotahi tekau mā rua tau, kāhore ahau, ōku tēina rānei, i kai i te taro kāwana.

Ihāia 58:12

Ka hangā anō e ōu uri ngā wāhi kua ururuatia noatia ake; ka ara anō i a koe ngā tūranga o ngā whakapaparanga maha; ā, ka huaina koe, Ko te kaihanga o te taiepa pakaru, Ko te kaiwhakahou o ngā wāhi i ngā ara hei nohoanga.

Ihāia 61:4

Ka hangā anō e rātou ngā wāhi kua ururuatia noatia ake, ka ara i a rātou ngā wāhi kua kore rawa i mua, ka whakahoutia e rātou ngā pā kua ururuatia, ngā mea kua kore i ērā whakatupuranga noa atu.

Ihāia 65:24

Kāhore anō rātou kia karanga noa, kua whakaō atu ahau; i a rātou anō e kōrero ana, ka rongo ahau.

Raniera 9:25

“Nā, kia mōhio, ā, kia mārama hoki, e whitu ngā wiki o te putanga o te kupu, kia whakahoutia, kia hangā a Hiruhārama ā tae noa ki te mea i whakawahia, ki te rangatira. Ā, e ono tekau mā rua ngā wiki, ka oti anō te hanga, me te waharoa, me te awakeri, ahakoa i roto i ngā wā raruraru.