Nehemia 2:3 - Paipera Tapu 2012

³ Anō rā ko ahau ki te kīngi, “Kia ora tonu te kīngi; he aha tōku mata i kore ai e pōuri, i te mea kua ururuatia te pā, te whare o ngā tanumanga o ōku mātua, ā, kua pau ōna kēti i te ahi?”

Te Paipera Tapu 1952

³ Ano ra ko ahau ki te kingi, Kia ora tonu te kingi: he aha toku mata i kore ai e pouri, i te mea kua ururuatia te pa, te whare o nga tanumanga o oku matua, a kua pau ona keti i te ahi?

Nehemia 2:3 Iomraidhean Croise

1 Kīngi 1:31

Kātahi ka tuohu a Patehēpa, anga tonu tōna mata ki te whenua, piko ana ki te aroaro o te kīngi, ka mea, “Kia ora tōku ariki, a Kīngi Rāwiri, ā ake ake!”

2 Kīngi 25:8

I te rima o ngā marama, i te whitu o ngā rā o te marama, arā i te tekau mā iwa o ngā tau o Kīngi Nepukaneha, kīngi o Papurōna, ka haere mai a Neputarārana rangatira o ngā kaitiaki, he tangata nā te kīngi o Papurōna, ki Hiruhārama.

2 Whakapapa 21:20

E toru tekau mā rua ōna tau i tōna kīngitanga, ā, e waru ōna tau i kīngi ai ia ki Hiruhārama. Nā, kīhai ia i matenuitia i tōna haerenga; ā, tanumia ana ki te pā o Rāwiri, engari kāhore ki ngā tanumanga o ngā kīngi.

2 Whakapapa 28:27

Nā, kua moe a Ahata ki ōna mātua, ā, tanumia iho ki te pā, ki Hiruhārama; otiia kīhai i kawea ki ngā tanumanga o ngā kīngi o Īharaira; ā, ko Hetekia, ko tāna tama, te kīngi i muri i a ia.

2 Whakapapa 32:33

Nā, kua moe a Hetekia ki ōna mātua, ā, tanumia iho ki tō runga rawa o ngā urupā o ngā tama a Rāwiri; ā, i tōna matenga ka whakakorōriatia ia e Hūrā katoa, rātou ko ngā tāngata o Hiruhārama. Ā, ko tāna tama, ko Mānahi, te kīngi i muri i a ia.

2 Whakapapa 36:19

Tahuna ake e rātou te whare o te Atua, wāhia iho te taiepa o Hiruhārama, tahuna ana ngā whare papai katoa ki te ahi, ngaro rawa i a rātou ngā oko papai katoa o reira.

Nehemia 1:3

Ā, ka mea rātou ki ahau, “Ko ngā oranga i mahue o ngā whakarau i reira i taua kāwanatanga he nui te hē, te whakahāweatia; kua pakaru hoki te taiepa o Hiruhārama, ā, kua wera ōna kēti i te ahi.”

Nehemia 2:13

I haere anō ahau i te pō i te Kūwaha o te Raorao, ki te ritenga o te puna tarakona, ki te Kūwaha Paru anō hoki, ā, tirotirohia iho e ahau ngā taiepa o Hiruhārama kua pakaru nei me ōna kēti kua pau nei i te ahi.

Ehetere 8:6

Me pēhea hoki e āhei ai ahau te titiro ki te hē e pā ki tōku iwi? Me pēhea hoki e āhei ai ahau te titiro ki te hunanga o ōku whanaunga?”

Waiata 102:14

E manakohia ana hoki e āu pononga ōna kōhatu, e āwangawanga ana ki tōna puehu.

Waiata 102:15

Pēnei ka wehingia te ingoa o Ihowā e ngā tauiwi, tōu korōria hoki e ngā kīngi katoa o te whenua.

Waiata 137:6

Ki te kore ahau e mahara ki a koe, kia piri tōku arero ki tōku ngao, ki te kore ahau e whakanui i Hiruhārama ki runga ake i tāku mea i tino hari ai.

Waiata 38:7

Kei te tahuna hoki tōku hope, kapi tonu; kāhore hoki he wāhi ora o ōku kikokiko.

Heremaia 52:12

Nā, i te rima o ngā marama, i te tekau o ngā rā o te marama – ko te tekau mā iwa hoki ia o ngā tau o Kīngi Nepukareha kīngi o Papurōna – ka haere mai a Neputarārana rangatira o ngā kaitiaki, he tangata tū i te aroaro o te kīngi o Papurōna, ki Hiruhārama.

Ngā Tangi 2:9

Kua totohu ōna kēti ki roto ki te whenua; kua kore i a ia, kua whati hoki ōna tūtaki; kei roto tōna kīngi me ōna rangatira i ngā tauiwi, kāhore nei o reira ture; āe rā, kāhore āna poropiti e whiwhi ki te kite nā Ihowā.

Raniera 2:4

Kātahi ka kōrero Hīriani mai ngā Karari ki te kīngi, “E te kīngi, kia ora tonu koe. Kōrerotia mai te moe ki āu pononga, ā, mā mātou e whakaatu tōna tikanga.”

Raniera 3:9

I kōrero rātou, i mea ki a Kīngi Nepukaneha, “E te kīngi, kia ora tonu koe.

Raniera 5:10

Nā, ka haere te kuīni ki te whare hākari, nā ngā kupu hoki a te kīngi rātou ko āna ariki. Nā, ka kōrero te kuīni, ka mea, “E te kīngi, kia ora tonu koe! Kei raruraru koe i ōu whakaaro, kei puta kē tōu mata.

Raniera 6:21

Nā, ka mea a Raniera ki te kīngi, “E te kīngi, kia ora tonu koe!

Raniera 6:6

Kātahi ēnei rangatira nunui rātou ko ngā ariki ka huihui ki te kīngi; ko tā rātou kōrero tēnei ki a ia, “E Kīngi Tariuha, kia ora tonu koe!

Rewitikuha 26:31

Ka ururua anō i ahau ō koutou pā, ka hoki ō koutou wāhi tapu, e kore anō hoki ahau e hongi ki ā koutou kakara reka.