Nehemia 2:19 - Paipera Tapu 2012

¹⁹ I te rongonga ia o Hanaparata Horoni, rātou ko te pononga, ko Tōpia Āmoni, ko Keheme Ārapi, ka whakahī mai rātou ki a mātou, ka whakahāwea ki a mātou, ka mea, “He aha tēnei mea ka meatia nei e koutou? Ka whakakeke rānei koutou ki te kīngi?”

Te Paipera Tapu 1952

¹⁹ I te rongonga ia o Hanaparata Horoni, ratou ko te pononga, ko Topia Amoni, ko Keheme Arapi, ka whakahi mai ratou ki a matou, ka whakahawea ki a matou, ka mea, He aha tenei mea ka meatia nei e koutou? ka whakakeke ranei koutou ki te kingi?

Nehemia 2:19 Iomraidhean Croise

Nehemia 13:28

Nā, he hunaonga nā Hanaparata Horoni tētahi o ngā tama a Ioiara tama a Eriahipi tino tohunga; nā, peia ana ia e ahau i tōku taha.

Nehemia 2:10

Ā, nō te rongonga o Hanaparata Horoni rāua ko te pononga, ko Tōpia Āmoni, nui rawa te kino i kino ai ki a rāua, nō te mea kua tae he tangata hei rapu i te pai mō ngā tama a Īharaira.

Nehemia 4:1

Nō te rongonga ia o Hanaparata kei te hanga mātou i te taiepa, ka riri, nui atu te riri, ka whakahī ki ngā Hūrai.

Nehemia 6:6

Ko te mea tēnei i tuhituhia ki reira: “Kua pakū te rongo ki ngā tauiwi – e kī ana anō hoki a Kahamu – tēnei koutou ko ngā Hūrai te mea nei kia whakakeke; koia i hangā ai e koe te taiepa; ā, e mea ana koe ko koe hei kīngi mō rātou; ko tā ngā kōrero hoki tēnei.

Nehemia 6:9

Ko tā rātou katoa hoki, he whakawehi i a mātou, i mea rātou, “Tērā ō rātou ringa e whakawarea ki te mahi, e kore ai e mahia.” Tēnā, e te Atua, whakakahangia ōku ringa.

Hopa 30:1

“Ināianei ia e kataina mai ana ahau e te hunga tamariki rawa i ahau, e te hunga kīhai nei ahau i whakaae kia uru ō rātou mātua ki roto ki ngā kurī o tāku kāhui.

Waiata 123:4

Kapi tonu tō mātou wairua i te whakahī a te hunga e noho noa ana, i te whakahāwea a te hunga whakakake.

Waiata 79:4

Kua waiho mātou hei tāwainga mā ō mātou hoa, hei katanga mā te hunga i tētahi taha, i tētahi taha o mātou.

Waiata 80:6

Kua meinga mātou e koe hei totohetanga mā ō mātou hoa, ā, e kataina ana mātou e ō mātou hoariri.

Waiata 80:7

Whakahokia ake mātou, e te Atua o ngā mano; kia mārama mai tōu mata, ā, ka ora mātou.

Ihāia 36:5

Ki tāku, ko tāu ngārahu, me tōu kaha mō te whawhai he kupu noa iho. Ko wai tōu whakawhirinakitanga, i whakakeke ai koe ki ahau?

Heremaia 20:8

I ōku kōrerotanga katoa hoki, ka hāmama ahau; ka karanga ahau, “He mahi nanakia, he pāhua!” Nō te mea kua waiho te kupu a Ihowā hei tāwainga mōku, hei whakatoinga, i te rā katoa.

Heremaia 41:10

Kātahi ka whakaraua e Ihimaera ngā mōrehu katoa o te iwi i Mihipa, ngā tamāhine a te kīngi, me ngā mōrehu katoa i Mihipa, ko te hunga i meinga nei e Neputarārana rangatira o ngā kaitiaki, a Keraria tama a Ahikama hei kāwana mō rātou; whakaraua ana rātou e Ihimaera tama a Netania, ā, haere ana ia, whiti ana ki ngā tama a Āmona.

Matiu 9:24

ka mea ia ki a rātou, “Whakaatea! Kāhore hoki i mate te kōtiro, erangi e moe ana.” Ā, kataina iho ia e rātou.

Māka 5:40

Nā, kataina iho ia e rātou. Heoi, ka oti katoa te pei ki waho, ka mau ia ki te pāpā, ki te whaea o te kōtiro, rātou ko ōna hoa, ka tomo ki te wāhi i takoto ai te kōtiro.

Ruka 23:2

Nā, ka anga rātou, ka whakapā hē ki a ia, ka mea, “Kua mau i a mātou tēnei tangata e kukume kē ana i te iwi, e mea ana kia kaua e hoatu te takoha ki a Hīhā, e kī ana he kīngi ia, ko te Karaiti.”

Hoani 19:12

Nā, i reira anō ka whai a Pirato kia tukua ia kia haere; otiia, ka karanga ngā Hūrai, ka mea, “Ki te tukua tēnei e koe, ehara koe i te hoa nō Hīhā. Ki te whakakīngi tētahi tangata i a ia, he whakakāhore tāna i a Hīhā.”

Ngā Mahi 24:5

I mau hoki i a mātou te korokē nei, he tangata whakatūtehu, e whakaoho ana i ngā Hūrai katoa o te ao, ko ia hoki te tino take o te tītorehanga ki tā ngā Nahareti.

Hiperu 11:36

Ko ētahi i whakamātau i ngā tāwainga, i ngā whiunga, i ngā mekameka anō hoki, i te whare herehere.