Nehemia 2:17 - Paipera Tapu 2012

¹⁷ Kātahi ka mea ahau ki a rātou, “Ka kite koutou i te nui o tō tātou aituā, ko Hiruhārama kua ururuatia, ko ōna kēti kua wera i te ahi. Haere mai, tātou ka hanga i te taiepa o Hiruhārama; kei waiho tonu tātou hei tāwainga.”

Te Paipera Tapu 1952

¹⁷ Katahi ka mea ahau ki a ratou, Ka kite koutou i te nui o to tatou aitua, ko Hiruharama kua ururuatia, ko ona keti kua wera i te ahi. Haere mai, tatou ka hanga i te taiepa o Hiruharama; kei waiho tonu tatou hei tawainga.

Nehemia 2:17 Iomraidhean Croise

Etera 9:9

He pononga hoki mātou; heoi i a mātou i te herehere kīhai mātou i mahue i tō mātou Atua; nā, whakaputaina ana e ia he aroha ki a mātou i te aroaro o ngā kīngi o Pahia, i hōmai ai he oranga ngākau ki a mātou, i whakaarahia ai te whare o tō mātou Atua, i hangā ai ōna wāhi kua ururuatia, i hōmai ai he taiepa ki a mātou ki Hūrā, ki Hiruhārama.

Nehemia 1:3

Ā, ka mea rātou ki ahau, “Ko ngā oranga i mahue o ngā whakarau i reira i taua kāwanatanga he nui te hē, te whakahāweatia; kua pakaru hoki te taiepa o Hiruhārama, ā, kua wera ōna kēti i te ahi.”

Nehemia 2:13

I haere anō ahau i te pō i te Kūwaha o te Raorao, ki te ritenga o te puna tarakona, ki te Kūwaha Paru anō hoki, ā, tirotirohia iho e ahau ngā taiepa o Hiruhārama kua pakaru nei me ōna kēti kua pau nei i te ahi.

Nehemia 2:16

Heoi, kīhai ngā rangatira i mōhio e haere ana rānei ahau ki hea, he aha rānei tāku e mea nei; kāhore anō kia kōrerotia noatia e ahau ki ngā Hūrai, ki ngā tohunga, ki ngā tino tāngata, ki ngā rangatira, ki tērā atu hunga rānei i mahi nei i ngā mahi.

Nehemia 3:15

Ko te Kūwaha i te Puna, he mea hanga tērā nā Harunu tama a Korohote rangatira o tētahi wāhi o Mihipa; nāna i hanga, nāna anō i hīpoki, nāna i whakatū ōna tatau, ōna raka, ōna tūtaki, me te taiepa i te poka wai i Hiroa i te taha o te kāri a te kīngi, ā tae noa ki ngā kaupae e heke iho ana i te pā o Rāwiri.

Waiata 102:15

Pēnei ka wehingia te ingoa o Ihowā e ngā tauiwi, tōu korōria hoki e ngā kīngi katoa o te whenua.

Waiata 44:13

E meinga ana mātou e koe hei tāwainga mā ō mātou hoa kāinga; hei whakahāweatanga, hei whakakatanga mai mā te hunga i tētahi taha, i tētahi taha o mātou.

Waiata 44:14

E meinga ana mātou e koe hei whakatauki mā ngā tauiwi; hei rurutanga mātenga mā ngā iwi.

Waiata 79:12

Takiwhitutia atu te utu e hoatu e koe ki ngā uma o ō mātou hoa mō tā rātou tāwai, e tāwai nei rātou ki a koe, e te Ariki.

Waiata 79:4

Kua waiho mātou hei tāwainga mā ō mātou hoa, hei katanga mā te hunga i tētahi taha, i tētahi taha o mātou.

Heremaia 24:9

Ka tino hoatu hoki rātou e ahau kia poipoia haeretia i roto i ngā kīngitanga katoa o te whenua, hei hē mō rātou; hei hahani, hei whakatauki, hei taunu, hei kanga, i ngā wāhi katoa e peia atu ai rātou e ahau.

Ngā Tangi 2:2

Kua horomia e te Ariki ngā nohoanga katoa o Hākopa, kīhai i tohungia; i a ia i riri rā, wāhia iho e ia ngā pā kaha o te tamāhine a Hūrā; tae tonu ki te whenua; poke iho i a ia te kīngitanga me ōna rangatira.

Ngā Tangi 3:51

E meatia iho ana tōku ngākau e tōku kanohi, mō ngā tamāhine katoa o tōku pā.

Ehekiera 5:14

“Ka meinga anō koe e ahau hei ururua, hei ingoa kino i roto i ngā iwi i tētahi taha ōu, i tētahi taha, i te tirohanga a ngā tāngata katoa e haere atu ana.

Mika 7:11

He rā hei hanganga mō ōu taiepa! Ā taua rā ka matara rawa atu te tikanga i whakatakotoria.

1 Hamuera 11:2

Nā, ka mea a Nahaha Āmoni ki a rātou, “Ko te mea tēnei e whakarite kawenata ai ahau ki a koutou, kia pokaia ō koutou kanohi matau katoa; ā, ka waiho e ahau hei tāwai mō Īharaira katoa.”