Nehemia 2:12 - Paipera Tapu 2012

¹² Nā, ka maranga ahau i te pō, mātou ko ētahi tāngata torutoru hei hoa mōku; kīhai hoki i kōrerotia e ahau ki tētahi tā tōku Atua i hōmai ai ki tōku ngākau kia meatia ki Hiruhārama. Kāhore hoki ōku kararehe; heoi anō ko te kararehe i eke ai ahau.

Te Paipera Tapu 1952

¹² Na ka maranga ahau i te po, matou ko etahi tangata torutoru hei hoa moku: kihai hoki i korerotia e ahau ki tetahi ta toku Atua i homai ai ki toku ngakau kia meatia ki Hiruharama: kahore hoki oku kararehe; heoi ano ko te kararehe i eke ai ahau.

Nehemia 2:12 Iomraidhean Croise

Etera 7:27

Kia whakapaingia a Ihowā, te Atua o ō tātou mātua, nāna nei i hōmai te whakaaro pēnei ki te ngākau o te kīngi, arā kia whakapaia te whare o Ihowā i Hiruhārama;

Nehemia 2:11

Heoi, kua tae ahau ki Hiruhārama, ā, e toru ōku rā ki reira.

Nehemia 2:13

I haere anō ahau i te pō i te Kūwaha o te Raorao, ki te ritenga o te puna tarakona, ki te Kūwaha Paru anō hoki, ā, tirotirohia iho e ahau ngā taiepa o Hiruhārama kua pakaru nei me ōna kēti kua pau nei i te ahi.

Waiata 122:6

Īnoia he āta noho mō Hiruhārama: “Ka whiwhi ki te pai te hunga e aroha ana ki a koe.

Waiata 51:18

Kia pai koe ki te atawhai i Hiona; hangā ngā taiepa o Hiruhārama.

Whakatauki 12:23

Hīpoki ai te tangata tūpato i te mātauranga; e karanga nui ana ia te ngākau o ngā kūware i te kūwaretanga.

Kaikauwhau 3:7

he wā e haehae ai, he wā e tuitui ai; he wā e whakarongo puku ai, he wā e kōrero ai;

Heremaia 31:33

“Engari ko te kawenata tēnei e whakaritea e ahau ki te whare o Īharaira i muri i aua rā,” e ai tā Ihowā. “Ka hoatu e ahau tāku ture ki ō rātou wāhi i roto, ka tuhituhia anō ki tō rātou ngākau; ā, ko ahau hei Atua mō rātou, ko rātou hei iwi māku.

Heremaia 32:40

Ka whakaritea anō e ahau he kawenata mau tonu ki a rātou: he mea kore e whakatahuritia atu e ahau i a rātou, kia mahia he pai ki a rātou; ā, ka hoatu e ahau tōku wehi ki ō rātou ngākau, kei whakarere rātou i ahau.

Āmoho 5:13

Mō reira ka whakarongo puku te tangata tūpato i taua wā; nō te mea he wā kino.

Mika 7:5

Kaua e whakapono ki te hoa, kaua e whakawhirinaki ki te kaiārahi; kaiponuhia ngā tatau o tōu māngai ki te wahine e takoto nā i tōu uma.

Matiu 10:16

“Nanā, ka tonoa nei koutou e ahau ānō he hipi ki roto ki ngā wuruhi. Nā, kia rite ki te nākahi te mahara, ki te kūkupa hoki te māhaki.

Matiu 2:14

Nā, ka ara ake ia, ka mau ki te tamaiti rāua ko tōna whaea i te pō, ā, haere ana ki Īhipa,

2 Koriniti 8:16

Otiia, me whakawhetai atu ki te Atua, nāna nei i hōmai ki roto ki te ngākau o Taituha taua kakama mō koutou.

Hohua 10:9

Nā, huakina tatatia ana rātou e Hohua; i haere ake hoki ia i Kirikara i te pō.

Whakakitenga 17:17

Kua hoatu hoki e te Atua ki ō rātou ngākau kia whakarite i tāna i pai ai, kia kotahi anō hoki ō rātou whakaaro, kia hoatu hoki e rātou tō rātou rangatiratanga ki te kararehe, kia rite rā anō ngā kupu a te Atua.

Kaiwhakariterite 6:27

Nā, ka tango a Kiriona i ētahi tāngata kotahi tekau nō āna pononga, ā, rite tonu tāna i mea ai ki tā Ihowā i kōrero ai ki a ia. Nā, i wehi ia i te whare o tōna pāpā, i ngā tāngata anō hoki o te pā, i kore ai e meatia e ia i te awatea; koia i meatia ai e ia i te pō.

Kaiwhakariterite 9:32

Nā reira whakatika i te pō, ā, koe me āu tāngata, ka takoto tauwhanga ai i te pārae.