Nehemia 2:10 - Paipera Tapu 2012

¹⁰ Ā, nō te rongonga o Hanaparata Horoni rāua ko te pononga, ko Tōpia Āmoni, nui rawa te kino i kino ai ki a rāua, nō te mea kua tae he tangata hei rapu i te pai mō ngā tama a Īharaira.

Te Paipera Tapu 1952

¹⁰ A, no te rongonga o Hanaparata Horoni raua ko te pononga, ko Topia Amoni, nui rawa te kino i kino ai ki a raua; no te mea kua tae he tangata hei rapu i te pai mo nga tama a Iharaira.

Nehemia 2:10 Iomraidhean Croise

Nehemia 13:1

I taua rā i kōrerotia i te Pukapuka a Mohi, me te whakarongo anō te iwi, ā, ka kitea te mea i tuhituhia ki reira kia kaua te Āmoni me te Moapi e tapoko ki te whakaminenga a te Atua ā ake ake;

Nehemia 13:28

Nā, he hunaonga nā Hanaparata Horoni tētahi o ngā tama a Ioiara tama a Eriahipi tino tohunga; nā, peia ana ia e ahau i tōku taha.

Nehemia 13:4

Nā, i mua ake o tēnei ko Eriahipi, tohunga, kaitiaki i ngā rūma o te whare o tō tātou Atua, he whanaunga nō Tōpia,

Nehemia 2:19

I te rongonga ia o Hanaparata Horoni, rātou ko te pononga, ko Tōpia Āmoni, ko Keheme Ārapi, ka whakahī mai rātou ki a mātou, ka whakahāwea ki a mātou, ka mea, “He aha tēnei mea ka meatia nei e koutou? Ka whakakeke rānei koutou ki te kīngi?”

Nehemia 4:7

I te rongonga ia o Hanaparata, o Tōpia, o ngā Ārapi, o ngā Āmoni, o ngā Aharori, kua neke haere te hanga o ngā taiepa o Hiruhārama, ā, kua tīmata ngā wāhi pakaru te kapi, nā, nui atu tō rātou riri.

Nehemia 6:1

Ā, nō te rongonga o Hanaparata, o Tōpia, o Keheme Ārapi, o ērā atu o ō mātou hoariri, kua hangā e ahau te taiepa, kāhore hoki he wāhi pakaru i mahue (kāhore anō ia kia oti noa i ahau ngā tatau te whakatū ki ngā kūwaha),

Nehemia 6:16

Ā, i te rongonga o ō mātou hoariri katoa, i taua mea, ka wehi ngā tauiwi katoa i tētahi taha o mātou, i tētahi taha, ā, ko te tino hokinga iho o ō rātou whakaaro; i kite hoki rātou he mea mahi tēnei mahi e tō mātou Atua.

Ehetere 10:3

Ko Mororekai Hūrai hoki te tuarua o Kīngi Ahahueruha, he nui anō ia i roto i ngā Hūrai, he matenuitanga nā te mano tini o ōna tuākana, tēina; he rapu tonu tāna i te pai mō tōna iwi, he kōrero anō i te āta noho ki ōna uri katoa.

Waiata 112:10

Ka kite te tangata kino, ā, ka pōuri; ka pakiri ōna niho, memeha iho; pirau iho te hiahia o te hunga kino.

Whakatauki 27:4

He mea nanakia te riri, he rūtaki te āritarita; ko wai ia e tū i mua i te hae?

Whakatauki 30:22

ko te pononga ina whakakīngitia ia; ko te wairangi hoki ina mākona i te taro;

Kaikauwhau 10:7

I kite ahau i ngā kaimahi i runga i te hōiho, ā, ko ngā rangatira e haere ana, ānō he kaimahi, i runga i te whenua.

Ihāia 15:5

E tangi ana tōku ngākau ki a Moapa; rere ana ōna rangatira ki Toara, ki Ekarata Herihia. He tangi nei hoki tā rātou i te pikitanga ki Rūhiti, i te mea e piki ana i reira; i te ara hoki ki Horonaimi ka pā tā rātou karanga o te ngaromanga.

Heremaia 41:10

Kātahi ka whakaraua e Ihimaera ngā mōrehu katoa o te iwi i Mihipa, ngā tamāhine a te kīngi, me ngā mōrehu katoa i Mihipa, ko te hunga i meinga nei e Neputarārana rangatira o ngā kaitiaki, a Keraria tama a Ahikama hei kāwana mō rātou; whakaraua ana rātou e Ihimaera tama a Netania, ā, haere ana ia, whiti ana ki ngā tama a Āmona.

Heremaia 48:34

“Nō te auētanga i Hehepona tae noa ki Ereare, ki Iahata, te puakanga o tō rātou reo, nō Toara tae noa ki Horonaimi, ki Ekerata Herihia, nō te mea ka mokemoke anō hoki ngā wai o Nimirimi.

Heremaia 48:5

Ka haere hoki rātou mā te pikinga atu ki Rūhiti me te tangi haere tonu; nō te mea i te heketanga ki Horonaimi kua rongo rātou i te mamae kino o te auē ki te whakangaromanga.

Ngā Mahi 4:2

he nui te pāwera mō tā rāua ako i te iwi, mō te kauwhau hoki i runga i a Īhu i te aranga mai i te hunga mate.

Ngā Mahi 5:24

Ā, nō ka rongo te rangatira o te temepara rātou ko ngā tohunga nui ki ēnei kupu, ka pororaru rātou, he aha rā te tukunga iho o taua mea.