Nehemia 13:22 - Paipera Tapu 2012

²² I kī atu anō ahau ki ngā Rīwaiti kia purea rātou, kia haere hoki ki te tiaki i ngā kūwaha hei whakatapu mō te rā hāpati. Maharatia anō tēnei āku, e tōku Atua; tohungia hoki ahau, kia rite ki te nui o tōu atawhai.

Te Paipera Tapu 1952

²² I ki atu ano ahau ki nga Riwaiti kia purea ratou, kia haere hoki ki te tiaki i nga kuwaha hei whakatapu mo te ra hapati. Maharatia ano tenei aku e toku Atua; tohungia hoki ahau, kia rite ki te nui o tou atawhai.

Nehemia 13:22 Iomraidhean Croise

2 Kīngi 20:3

“Tēnā rā, e Ihowā, kia mahara ki ōku hāereerenga i tōu aroaro i runga i te pono, i te ngākau tapatahi, ki tāku meatanga i te pai ki tāu titiro.” Nā, tangi ana a Hetekia, nui atu te tangi.

2 Kīngi 23:4

Nā, ka whakahau te kīngi ki te tino tohunga, ki a Hirikia, ki ngā tohunga tuarua, ki ngā kaitiaki kūwaha, kia whakaputaina ki waho o te temepara o Ihowā ngā oko katoa i hangā mā Paara, mō te Āhera, mā te ope katoa anō hoki o te rangi. Nā, tahuna ana e ia aua mea ki waho o Hiruhārama, ki ngā māra i Kitirono, kawea ana ngā pungarehu ki Pētēre.

2 Whakapapa 29:24

Nā, ka patua e ngā tohunga, whakaherea ana ō rātou toto mō ngā hara ki runga ki te āta, hei whakamārie mō Īharaira katoa. Nā te kīngi hoki i kī mō Īharaira katoa te tahunga tinana me te whakahere hara.

2 Whakapapa 29:27

Nā, ka whakahau a Hetekia kia whakaekea te tahunga tinana ki runga ki te āta. Nā, i te wā i tīmata ai te tahunga tinana, ka tīmataia anō te waiata a Ihowā, me ngā tētere, me ngā mea whakatangi a Rāwiri kīngi o Īharaira.

2 Whakapapa 29:30

I whakahau anō a Kīngi Hetekia me ngā rangatira ki ngā Rīwaiti kia whakamoemiti ki a Ihowā; hei ngā kupu anō a Rāwiri rāua ko Āhapa matakite. Nā, kei te whakamoemiti rātou; me te koa; tuohu ana rātou, koropiko ana anō.

Nehemia 12:10

Nā, ka whānau ake tā Hehua; ko Ioiakimi; whānau ake tā Ioiakimi, ko Eriahipi; whānau ake tā Eriahipi, ko Ioiara.

Nehemia 12:30

Nā, kei te pure ngā tohunga rātou ko ngā Rīwaiti i a rātou; kei te pure hoki i te iwi, i ngā kūwaha, i te taiepa.

Nehemia 13:14

Kia mahara, e tōku Atua, ki tēnei mea āku, kaua hoki e horoia atu tēnei tikanga pai āku i puta nei ki te whare o tōku Atua, ki ngā ritenga mahi anō mō reira.

Nehemia 13:31

me te tikanga anō mō te whakahere wahie i ngā wā i whakaritea; mō ngā mātāmua anō. Maharatia ahau e tōku Atua mō te pai.

Nehemia 5:19

Kia mahara mai ki ahau, e tōku Atua, mō te pai, kia rite ki āku mea katoa i mea ai ahau ki tēnei iwi.

Waiata 130:7

E Īharaira, kia tūmanako ki a Ihowā! Kei a Ihowā hoki te mahi tohu, ā, kei a ia te hokonga nui.

Waiata 5:7

Ko ahau ia ka haere i runga i te tini o āu atawhai ki tōu whare; ka koropiko ki te ritenga o tāu temepara tapu, me te wehi anō ki a koe.

Waiata 51:1

Tohungia ahau, e te Atua, kia rite ki tōu atawhai; kia rite ki tōu aroha nui te murunga o ōku hē.

Ihāia 38:3

ka mea, “Tēnā rā, e Ihowā kia mahara ki ōku hāereerenga i tōu aroaro i runga i te pono, i te ngākau tapatahi, ki tāku meatanga i te pai ki tāu titiro.” Nā, tangi ana a Hetekia; nui atu te tangi.

Ihāia 49:23

Ā, hei mātua atawhai mōu ngā kīngi, ko ā rātou kuīni hoki hei kaiwhakangote mōu. Ka piko iho rātou ki a koe, tāpapa rawa ki te whenua, ka mitimiti hoki i te puehu o ōu waewae. Ā, ka mōhio koe ko Ihowā ahau; e kore hoki te hunga e tatari ana ki ahau e whakamā.”

Ihāia 55:7

kia whakarere te tangata kino i tōna ara, te tangata mahi hē i ōna whakaaro; kia hoki ki a Ihowā, ā, ka aroha ia ki a ia; ki tō tātou Atua hoki he nui rawa hoki tāna mahi tohu.

2 Koriniti 1:12

Ko tā mātou whakamanamana hoki ko tēnei, ko te whakaaetanga ake o tō mātou hinengaro, kei runga i te tapu, i te tapatahi o te Atua, ehara i te mea kei runga i tō te kikokiko mōhio, engari i tō te Atua aroha noa, tā mātou whakahaere i te ao, ki a koutou rawa anō ia.

Tiuteronomi 5:12

“Kia mau ki te rā hāpati, kia whakatapua, kia pērā me tā Ihowā, me tā tōu Atua i whakahau ai ki a koe.