Nehemia 13:10 - Paipera Tapu 2012

¹⁰ I kite anō ahau kīhai ngā wāhi mā ngā Rīwaiti i hoatu, nā, oma ana rātou ki tāna māra, ki tāna māra, ngā Rīwaiti, ngā kaiwaiata i mahia ai te mahi.

Te Paipera Tapu 1952

¹⁰ I kite ano ahau kihai nga wahi ma nga Riwaiti i hoatu, na oma ana ratou ki tana mara, ki tana mara, nga Riwaiti, nga kaiwaiata i mahia ai te mahi.

Nehemia 13:10 Iomraidhean Croise

2 Whakapapa 31:4

I mea anō ia ki te iwi, ki ngā tāngata o Hiruhārama, kia hōmai te wāhi mā ngā tohunga rātou ko ngā Rīwaiti, kia tuku ai rātou i a rātou ki te Ture a Ihowā.

Nehemia 10:37

“Kia kawea anō e mātou ngā mātāmua o ā mātou parāoa pokepoke, me ā mātou whakahere hapahapai, me ngā hua o ngā rākau katoa, o te wāina, o te hinu, ki ngā tohunga, ki ngā rūma o te whare o tō mātou Atua; me ngā whakatekau o ngā hua o tō mātou oneone ki ngā Rīwaiti, e riro ana hoki i a rātou, i ngā Rīwaiti ngā whakatekau i ngā pā katoa e ngaki ai mātou.

Nehemia 10:39

Me mau hoki e ngā tama a Īharaira, e ngā tama a Rīwai, ngā whakahere hapahapai, arā te wīti, te wāina, te hinu, ki ngā rūma; kei reira hoki ngā oko o te wāhi tapu, me ngā tohunga hei minita, me ngā kaitiaki kūwaha, me ngā kaiwaiata. “E kore hoki e whakarērea e mātou te whare o tō mātou Atua.”

Nehemia 12:47

I ngā rā hoki i a Herupapera, i ngā rā anō i a Nehemia, i hōmai e Īharaira katoa ngā wāhi mā ngā kaiwaiata, mā ngā kaitiaki kūwaha, te wāhi mō tēnei rā, mō tēnei rā. I whakatapua anō e rātou ngā mea tapu mā ngā Rīwaiti; ā, ko ngā Rīwaiti hei whakatapu mā ngā tama a Ārona.

Ihāia 43:23

Kīhai i kawea mai e koe ki ahau āu hipi hei tahunga tinana; kīhai anō ahau i whakakorōriatia ki āu patunga tapu. Kāhore āku whakamahi i a koe ki te whakahere, kīhai anō koe i ngenge, i te meatanga i te whakakakara.

Maraki 3:8

“E tāhae rānei te tangata i tā te Atua? Heoi, e tāhae nā koutou i tāku. “Ā, e mea nā koutou, ‘He pēhea tā mātou tāhae i tāu?’ “Ki ngā whakatekau rā, me ngā whakahere!

Tauanga 35:2

“Whakahaua ngā tama a Īharaira kia hōmai ki ngā Rīwaiti ētahi pā o ō rātou kāinga ka riro nei i a rātou hei nohoanga; me hoatu anō ki ngā Rīwaiti ngā wāhi o waho o aua pā ā tawhio noa.

Tiuteronomi 12:19

Kia tūpato kei mahue i a koe te Rīwaiti i ngā rā katoa e ora ai koe i runga i te whenua.