Nehemia 13:1 - Paipera Tapu 2012

¹ I taua rā i kōrerotia i te Pukapuka a Mohi, me te whakarongo anō te iwi, ā, ka kitea te mea i tuhituhia ki reira kia kaua te Āmoni me te Moapi e tapoko ki te whakaminenga a te Atua ā ake ake;

Te Paipera Tapu 1952

¹ I taua ra i korerotia i te pukapuka a Mohi, me te whakarongo ano te iwi, a ka kitea te mea i tuhituhia ki reira kia kaua te Amoni me te Moapi e tapoko ki te whakaminenga a te Atua a ake ake;

Nehemia 13:1 Iomraidhean Croise

2 Kīngi 23:2

Nā, ka haere te kīngi ki te whare o Ihowā, rātou ko ngā tāngata katoa o Hūrā, ko ngā tāngata katoa o Hiruhārama, ko ngā tohunga, ko ngā poropiti, ko te iwi katoa hoki, te iti, te rahi. Ā, kōrerotia ana e ia ki ō rātou taringa ngā kupu katoa o te Pukapuka o te Kawenata i kitea nei ki te whare o Ihowā.

Nehemia 13:23

I aua rā anō ka kite ahau i ngā Hūrai kei a rātou e noho ana ētahi wāhine o Aharoro, o Āmona, o Moapa;

Nehemia 2:10

Ā, nō te rongonga o Hanaparata Horoni rāua ko te pononga, ko Tōpia Āmoni, nui rawa te kino i kino ai ki a rāua, nō te mea kua tae he tangata hei rapu i te pai mō ngā tama a Īharaira.

Nehemia 2:19

I te rongonga ia o Hanaparata Horoni, rātou ko te pononga, ko Tōpia Āmoni, ko Keheme Ārapi, ka whakahī mai rātou ki a mātou, ka whakahāwea ki a mātou, ka mea, “He aha tēnei mea ka meatia nei e koutou? Ka whakakeke rānei koutou ki te kīngi?”

Nehemia 4:3

Nā, i tōna taha a Tōpia Āmoni, ā, ka mea ia, “Ko taua mea e hangā nā e rātou, ki te piki atu he pokiha, ka pakaru tā rātou taiepa kōhatu.”

Nehemia 8:2

Nā, ka mauria mai e Etera tohunga te ture ki te aroaro o te whakaminenga, o te tāne, o te wāhine, o te hunga katoa e mōhio ana ki te whakarongo, i te rā tuatahi o te whitu o ngā marama.

Nehemia 9:3

Tū ana rātou i tō rātou wāhi, ā, i tētahi o ngā wehenga e whā o te rā ka kōrerotia te Pukapuka o te Ture a Ihowā, a tō rātou Atua; ā, i tētahi o ngā wehenga e whā o te rā ka whāki, ka koropiko ki a Ihowā, ki tō rātou Atua.

Ihāia 34:16

Rapua i roto i tā Ihowā pukapuka, kōrerotia hoki: E kore tētahi o ēnei e ngaro, e kore tētahi o ēnei e hapa i te tāne māna. Nā tōku māngai nei hoki te whakahau, ko tōna wairua anō tō rātou kaiwhakamine.

Heremaia 48:1

Mō Moapa: Ko te kupu tēnei a Ihowā o ngā mano, a te Atua o Īharaira: “Auē te mate mō Nepo, kua pāhuatia hoki! Kua meinga a Kiriataima kia whakamā, kua riro: kua meinga a Mihikapa kia whakamā, kua wāwāhia iho ia.

Āmoho 1:13

Ko te kupu tēnei a Ihowā: “Ka toru nei ngā pokanga kētanga o ngā tama a Āmona, āe rā, ka whā, nā, e kore e whakatahuritia atu e ahau te whiu mōna. Nō te mea kua ripiripia e rātou ngā wāhine hapū o Kireara, he mea kia nui ake ai te rohe ki a rātou.

Tauanga 22:5

Nā, ka tukua e ia he karere ki a Paraama tama a Peoro ki Petoro, i te taha o te awa, ki te whenua o ngā tama o tōna iwi, ki te tiki i a ia, hei mea: “He iwi tēnei kua puta mai i Īhipa, nā, kapi ana i a rātou te mata o te whenua; e noho nei anō rātou i tōku aroaro.

Ruka 10:26

Ka mea ia ki a ia, “He aha te mea i tuhituhia ki te ture? Ka pēhea tāu kōrero?”

Ngā Mahi 13:15

Ā, ka mutu te kōrerotanga o te ture, o ngā poropiti, ka tono tāngata ngā rangatira o te whare karakia ki a rāua, ka mea, “E hoa mā, ki te mea he kupu whakaako tā kōrua ki te hunga nei, kōrerotia.”

Ngā Mahi 15:21

Nō ngā whakatupuranga hoki ō mua ngā kaikauwhau i a Mohi i tēnei pā, i tēnei pā, he mea kōrero i roto i ngā whare karakia i ngā hāpati katoa.”