Nehemia 1:7 - Paipera Tapu 2012

⁷ He rawa tā mātou mahi ki a koe, kīhai hoki i pupuri i ngā whakahau, i ngā tikanga, i ngā whakaritenga i whakahaua e koe ki tāu pononga ki a Mohi.

Te Paipera Tapu 1952

⁷ He rawa ta matou mahi ki a koe, kihai hoki i pupuri i nga whakahau, i nga tikanga, i nga whakaritenga i whakahaua e koe ki tau pononga ki a Mohi.

Nehemia 1:7 Iomraidhean Croise

1 Kīngi 2:3

ā, kia mau ki te whakahau a Ihowā, a tōu Atua, kia haere i āna ara, kia mau ki āna tikanga, ki āna whakahau, ki āna whakaritenga, ki āna whakaaturanga, ki ngā mea kua oti te tuhituhi ki te ture a Mohi, kia tika ai tāu i ngā mea katoa e mea ai koe, i ngā wāhi katoa e tahuri ai koe.

2 Whakapapa 25:4

Ko ā rāua tama ia kīhai i whakamatea; engari i rite tāna ki te mea i tuhituhia i te ture i te Pukapuka a Mohi, ki tā Ihowā i whakahau rā, “Kaua ngā mātua e mate mō tō ngā tamariki; kaua hoki ngā tamariki e mate mō tō ngā mātua; engari me mate tēnei mō tōna hara, tēnei mō tōna hara.”

2 Whakapapa 27:2

Ā, he tika tāna mahi ki tā Ihowā titiro, i rite ki ngā mea katoa i mea ai a Utia, tōna pāpā. Otiia, kīhai ia i tomo ki te temepara o Ihowā, i mahi tonu te iwi i te hē.

Etera 7:6

i haere mai tēnei Etera i Papurōna. Nā, he karaipi kakama ia ki te ture a Mohi i hōmai nei e Ihowā, e te Atua o Īharaira. I runga anō i a ia te ringa o Ihowā, o tōna Atua, ā, hōmai ana e te kīngi ki a ia ngā mea katoa i tonoa e ia.

Waiata 106:6

Kua hara tahi mātou me ō mātou mātua, kua mahi mātou i te kino, i te mea hē.

Waiata 89:31

ki te takahi rātou i āku tikanga; ā, kāhore e pupuri i āku whakahau;

Waiata 89:32

kātahi ka whāia tā rātou mahi tutū e tāku rākau, ō rātou kino e te whiu.

Ihāia 1:4

Auē, e te iwi hara, he hunga taimaha i te kino, he uri nō ngā kaimahi i te hē, he tamariki whakangau kē. Kua whakarērea e rātou a Ihowā, kua whakahāwea ki te Mea Tapu o Īharaira, kua tāngata kē rātou, ā, kua hoki whakamuri.

Raniera 9:11

“Āe rā, kua takahia e Īharaira katoa tāu ture, kua whakarērea e rātou, kia kore ai rātou e rongo ki tōu reo; koia i ringihia ai te kanga ki runga ki a mātou, me te oati i tuhituhia ki te ture a Mohi pononga a te Atua; kua hara hoki mātou ki a ia.

Raniera 9:13

Ka rite ki te mea i tuhituhia ki te ture a Mohi tēnei kino katoa kua tae mai nei ki a mātou. Heoi, kāhore ā mātou īnoi ki te aroaro o Ihowā, o tō mātou Atua, mō mātou kia tahuri atu i ō mātou kino, kia mātau hoki ki tōu pono.

Hōhea 9:9

Kua heke tō rātou tupu, ā, aua noa iho ki raro, e rite ana ki ngā rā i Kipea. Ka mahara ia ki tō rātou hē, ka tirotirohia e ia ō rātou hara.

Rewitikuha 27:34

Ko ngā whakahau ēnei ki ngā tama a Īharaira i whakahaua e Ihowā ki a Mohi ki Maunga Hinai.

Tepania 3:7

I kī ahau, ‘He pono ka wehi koe i ahau, ka pai ki te ako; pēnei kīhai i hātepea atu tōna nohoanga, kīhai i pērā me āku whiunga katoa i a ia.’ Heoi, moata tonu tō rātou maranga, he iho ā rātou mahi katoa.”

Maraki 4:4

“Kia mahara ki te ture a tāku pononga, a Mohi, ki tāku i whakahau ai ki a ia i Horepa, he mea mō Īharaira katoa, ki ngā tikanga, ki ngā whakaritenga.

Tiuteronomi 4:1

Nā, whakarongo mai rā ināianei, e Īharaira, ki ngā tikanga, ki ngā whakaritenga e whakaako atu nei ahau ki a koutou kia mahia; kia ora ai koutou, kia tae atu ai, kia noho ai hoki ki te whenua e hōmai nei e Ihowā, e te Atua o ō koutou mātua, ki a koutou.

Tiuteronomi 4:5

Titiro, kua whakaako ahau i a koutou ki ngā tikanga, ki ngā whakaritenga, ki a Ihowā, ki a tōku Atua i ako ai ki ahau, hei mahi mā koutou i waenganui o te whenua e haere atu nei koutou ki reira ki te tango.

Tiuteronomi 5:1

Ā, i karanga atu a Mohi ki a Īharaira katoa, i mea ki a rātou: Whakarongo, e Īharaira, ki ngā tikanga, ki ngā whakaritenga e kōrerotia nei e ahau ki ō koutou taringa i tēnei rā, ka ako ai, ka pupuri ai, ka mahi ai.

Tiuteronomi 6:1

Nā, ko te whakahau tēnei – ko ngā tikanga me ngā whakaritenga – i whakahaua mai e Ihowā, e tō koutou Atua, kia whakaakona atu ki a koutou, hei mahi mā koutou ki te whenua e haere atu nei koutou ki reira ki te tango.

Whakakitenga 19:2

he pono hoki, he tika āna whakawā. Kua whakawākia hoki e ia te wahine kairau, te mea nui, i hē ai te whenua i tōna moepuku, kua rapua anō e ia he utu i a ia mō ngā toto o āna pononga.”