Nehemia 1:5 - Paipera Tapu 2012

⁵ ā, ka mea ahau: “Auē, e Ihowā, e te Atua o te rangi, ko te Atua nui ia e wehingia ana, e pupuri ana i te kawenata, i te atawhai mō te hunga e aroha ana ki a ia, e pupuri ana i āna whakahau;

Te Paipera Tapu 1952

⁵ A ka mea ahau, Aue, e Ihowa, e te Atua o te rangi, ko te Atua nui ia e wehingia ana, e pupuri ana i te kawenata, i te atawhai mo te hunga e aroha ana ki a ia, e pupuri ana i ana whakahau:

Nehemia 1:5 Iomraidhean Croise

1 Kīngi 8:23

ā, ka mea: “E Ihowā, e te Atua o Īharaira, kāhore he atua hei rite mōu i te rangi i runga, i te whenua rānei i raro, e pupuri nei i te kawenata, i te aroha ki āu pononga, ina whakapaua ō rātou ngākau ki te haere i tōu aroaro.

1 Whakapapa 17:21

Ko tēhea iwi hoki o te whenua hei rite mō tāu iwi, mō Īharaira, i haere nei te Atua ki te hoko hei iwi māna ake, hei mea ingoa mōu, ki ngā hanga nunui, whakamataku hoki, i te peinga atu i ngā tauiwi i te aroaro o tāu iwi i hokona nei e koe i Īhipa?

Etera 1:2

Ko te kupu tēnei a Hairuha kīngi o Pahia: Kua oti ngā kīngitanga katoa o te whenua te hōmai ki ahau e Ihowā, e te Atua o ngā rangi; kua whakahaua mai hoki ahau e ia kia hangā he whare mōna ki Hiruhārama, ki tērā i Hūrā.

Nehemia 2:4

Anō rā ko te kīngi ki ahau, “He aha te mea ka tonoa nei e koe?” Heoi, ko tāku īnoinga ki te Atua o te rangi.

Nehemia 4:14

Nā, ka titiro ahau, ka whakatika ki runga, ka mea ki ngā rangatira, ki ngā tāngata nunui, ki ērā atu anō o te iwi, “Kaua e wehi ki a rātou. Kia mahara ki te Ariki, ki te mea nui e wehingia ana, ka whawhai kia ora ai ō koutou tuākana, tēina, ā koutou tama, ā koutou tamāhine, ā koutou wāhine, me ō koutou whare.”

Nehemia 4:8

Nā, ka whakatupu ngātahi rātou i te hē, kia haere mai ki te whawhai ki Hiruhārama, whakaware ai.

Nehemia 9:32

“Nā, tēnā, e tō mātou Atua, e te Atua nui, e te Atua kaha, e wehingia ana, e pupuri nei i te kawenata, i te mahi tohu kei iti ki tāu titiro te hē katoa i pā mai nei ki a mātou, ki ō mātou kīngi, ki ō mātou rangatira, ki ō mātou tohunga, ki ō mātou poropiti, ki ō mātou mātua, ki tāu iwi katoa, o ngā rā o ngā kīngi o Ahiria ā tae noa mai ki tēnei rā.

Waiata 47:2

Nō te mea he wehi a Ihowā, te Runga Rawa, he kīngi nui ia nō te whenua katoa.

Waiata 76:8

Nāu i rangona iho ai te whakawā i te rangi; wehi ana te whenua, whakaririka kau ana,

Waiata 89:2

I mea hoki ahau, “Ka hangā ake te mahi tohu mō ake tonu atu; ka whakapūmautia e koe tōu pono ki ngā tino rangi rā anō.

Waiata 89:3

“Kua whakarite kawenata ahau ki tāku i whiriwhiri ai; kua oati ki tāku pononga ki a Rāwiri;

Waiata 89:8

E Ihowā, e te Atua o ngā mano ko wai te mea kaha hei rite mōu, e IHA? Hei rite rānei mō tōu pono i tētahi taha ōu, i tētahi taha?

Ekoruhe 20:6

e whakaputa aroha ana hoki ki ngā mano, ki te hunga e aroha ana ki ahau, e whakarite ana i āku ture.

Tiuteronomi 7:12

Ā tēnei ake, ki te rongo koutou ki ēnei whakaritenga, ki te puritia, ki te mahia, nā, ka whakamanā e Ihowā, e tōu Atua, te kawenata ki a koe, me te atawhai i oati ai ia ki ōu mātua.

Tiuteronomi 7:21

Kaua e wehi i a rātou; tā te mea kei waenganui i a koe a Ihowā, tōu Atua; he Atua nui ia, e wehingia ana.

Tiuteronomi 7:9

Nā, kia mōhio koe ki a Ihowā, ki tōu Atua, ko te Atua ia, ko te Atua pono, e pupuri ana i te kawenata, i te atawhai mō te hunga e aroha ana ki a ia, e pupuri ana i āna whakahau ā mano noa ngā whakatupuranga;