Nehemia 1:3 - Paipera Tapu 2012

³ Ā, ka mea rātou ki ahau, “Ko ngā oranga i mahue o ngā whakarau i reira i taua kāwanatanga he nui te hē, te whakahāweatia; kua pakaru hoki te taiepa o Hiruhārama, ā, kua wera ōna kēti i te ahi.”

Te Paipera Tapu 1952

³ A ka mea ratou ki ahau, Ko nga oranga i mahue o nga whakarau i reira i taua kawanatanga he nui te he, te whakahaweatia: kua pakaru hoki te taiepa o Hiruharama, a kua wera ona keti i te ahi.

Nehemia 1:3 Iomraidhean Croise

1 Kīngi 9:7

kātahi ka hautopea atu e ahau a Īharaira i te mata o te whenua i hoatu e ahau ki a rātou; ā, ko tēnei whare i whakatapua nei e ahau mō tōku ingoa, ka ākiritia atu e ahau i tōku aroaro, ā, ka waiho a Īharaira hei whakatauki, hei taunutanga i roto i ngā iwi katoa.

2 Kīngi 25:10

Wāhia iho hoki ngā taiepa o Hiruhārama ā, whawhe noa e te ope katoa o ngā Karari, i haere mai nei rātou ko te rangatira o ngā kaitiaki.

2 Whakapapa 36:19

Tahuna ake e rātou te whare o te Atua, wāhia iho te taiepa o Hiruhārama, tahuna ana ngā whare papai katoa ki te ahi, ngaro rawa i a rātou ngā oko papai katoa o reira.

Etera 2:1

Nā, ko ngā tama ēnei o te kāwanatanga i maunu atu nei i roto i ngā whakarau, i te hunga i whakahekea, i ērā i whakahekea e Nepukaneha kīngi o Papurōna ki Papurōna, ā, i hoki nei ki Hiruhārama, ki Hūrā, ki tōna pā, ki tōna pā.

Etera 5:8

Kia mōhiotia tēnei e te kīngi, i haere mātou ki te whenua o Hūrā, ki te whare o te Atua nui e hangā nei ki ngā kōhatu nunui, e whakatakotoria ana hoki he rākau ki ngā taha; ā, kei te hohoro, kei te pai hoki te haere a tēnei mahi a ō rātou ringa.

Nehemia 11:3

Nā, ko ngā ariki ēnei o te kāwanatanga i noho ki Hiruhārama; i ngā pā ia o Hūrā i noho rātou i tōna wāhi, i tōna wāhi, i ō rātou pā, arā a Īharaira, ngā tohunga, ngā Rīwaiti, ngā Netinimi, rātou ko ngā tama a ngā pononga a Horomona.

Nehemia 2:13

I haere anō ahau i te pō i te Kūwaha o te Raorao, ki te ritenga o te puna tarakona, ki te Kūwaha Paru anō hoki, ā, tirotirohia iho e ahau ngā taiepa o Hiruhārama kua pakaru nei me ōna kēti kua pau nei i te ahi.

Nehemia 2:17

Kātahi ka mea ahau ki a rātou, “Ka kite koutou i te nui o tō tātou aituā, ko Hiruhārama kua ururuatia, ko ōna kēti kua wera i te ahi. Haere mai, tātou ka hanga i te taiepa o Hiruhārama; kei waiho tonu tātou hei tāwainga.”

Nehemia 2:3

Anō rā ko ahau ki te kīngi, “Kia ora tonu te kīngi; he aha tōku mata i kore ai e pōuri, i te mea kua ururuatia te pā, te whare o ngā tanumanga o ōku mātua, ā, kua pau ōna kēti i te ahi?”

Nehemia 7:6

Ko ngā tama ēnei o te kāwanatanga i haere mai i te whakarau, nō te hunga i whakahekea, nō ērā i whakahekea atu e Nepukaneha kīngi o Papurōna, ā, hoki ana ki Hiruhārama, ki Hūrā; ki tōna pā, ki tōna pā.

Ehetere 1:1

Nā, i ngā rā i a Ahahueruha, arā a Ahahueruha i kīngi nei i Inia, ā tae noa ki Etiopia, kotahi rau e rua tekau mā whitu ngā kāwanatanga.

Waiata 79:4

Kua waiho mātou hei tāwainga mā ō mātou hoa, hei katanga mā te hunga i tētahi taha, i tētahi taha o mātou.

Whakatauki 25:28

Ko te tangata e kore nei e pēhi i tōna wairua, e rite ana ki te pā kua pakaru, kāhore ōna taiepa.

Ihāia 43:28

Nā reira whakapokea iho e ahau ngā rangatira o te wāhi tapu, ā, hoatu ana e ahau a Hākopa ki te kanga, a Īharaira ki te tāwai.”

Ihāia 5:5

Nā ināianei, māku e whakaatu ki a koutou tāku e mea ai ki tāku māra wāina. Ka tangohia atu e ahau tōna pā whakaruru hau, ā, ka pau ia te kai; ka tukitukia hoki e ahau tōna taiepa, ā, ka takatakahia.

Heremaia 24:9

Ka tino hoatu hoki rātou e ahau kia poipoia haeretia i roto i ngā kīngitanga katoa o te whenua, hei hē mō rātou; hei hahani, hei whakatauki, hei taunu, hei kanga, i ngā wāhi katoa e peia atu ai rātou e ahau.

Heremaia 29:18

Ā, ka whāia rātou e ahau ki te hoari, ki te hemokai, ki te mate urutā, ka tukua hoki rātou kia poipoia i waenganui i ngā kīngitanga katoa o te whenua, hei kanga, hei mīharotanga, hei whakahīanga atu, ā, hei hahani, i roto i ngā iwi katoa e peia atu ai rātou e ahau.

Heremaia 39:8

Nā, tahuna ana e ngā Karari te whare o te kīngi, me ngā whare o te iwi, ki te ahi, wāwāhia iho e rātou ngā taiepa o Hiruhārama.

Heremaia 42:18

“Ko te kupu hoki tēnei a Ihowā o ngā mano, a te Atua o Īharaira: ‘Ka rite ki tāku ringihanga i tōku riri, i tōku weriweri, ki runga ki ngā tāngata o Hiruhārama, ka pēnā anō tāku ringihanga i tōku weriweri ki runga ki a koutou, ina tae koutou ki Īhipa. Ā, hei kanga koutou, hei mīharotanga, hei kohukohutanga, hei hahanitanga; ā, e kore koutou e kite i tēnei wāhi ā muri atu.’

Heremaia 5:10

“Haere koutou ki runga ki ōna taiepa wāwāhi ai; otiia kaua e whakapaua rawatia; whakakāhoretia ōna pekerangi; ehara hoki ēnā i a Ihowā.

Heremaia 52:14

Nā, ka wāwāhia e te ope katoa o ngā Karari, e tā te rangatira o ngā kaitiaki, ngā taiepa katoa o Hiruhārama a whawhe noa.

Ngā Tangi 1:7

E mahara ana a Hiruhārama i ngā rā o tōna tangi, o ōna wherūtanga, ki āna mea āhuareka katoa o ngā rā ō mua. I te takanga o tōna iwi ki roto ki te ringa o te hoariri, ā, kāhore he kaiāwhina mōna, ka kite ngā hoariri i a ia, ka kata ki ōna mutunga.

Ngā Tangi 2:9

Kua totohu ōna kēti ki roto ki te whenua; kua kore i a ia, kua whati hoki ōna tūtaki; kei roto tōna kīngi me ōna rangatira i ngā tauiwi, kāhore nei o reira ture; āe rā, kāhore āna poropiti e whiwhi ki te kite nā Ihowā.

Ngā Tangi 3:61

Kua rongo koe ki tā rātou tāwai, e Ihowā, ki ō rātou whakaaro katoa mōku;

Ngā Tangi 5:1

Kia mahara, e Ihowā, ki te mea kua pā nei ki a mātou; tirohia mai, kia kite ai koe i tō mātou ingoa kino.

Rewitikuha 26:31

Ka ururua anō i ahau ō koutou pā, ka hoki ō koutou wāhi tapu, e kore anō hoki ahau e hongi ki ā koutou kakara reka.

Rewitikuha 26:33

Ā, ka whakamararatia koutou ki roto ki ngā tauiwi, ka maunu hoki i ahau te hoari hei whai i a koutou. Ā, ka tūheatia tō koutou whenua, ka ururuatia hoki ō koutou pā.