Mika 4:3 - Paipera Tapu 2012

³ Ā, ka whakarite whakawā ia i waenganui i ngā iwi maha, ka rīria hoki e ia te hē o ngā iwi kaha i tawhiti; ā, ka patupatua e rātou ā rātou hoari hei hea parau, ā rātou tao hei mea tapahi manga. E kore tētahi iwi e hāpai hoari ki tētahi iwi, ā, heoi anō tā rātou ako ki te whawhai.

Te Paipera Tapu 1952

³ A ka whakarite whakawa ia i waenganui i nga iwi maha, ka riria hoki e ia te he o nga iwi kaha i tawhiti; a ka patupatua e ratou a ratou hoari hei hea parau, a ratou tao hei mea tapahi manga; e kore tetahi iwi e hapai hoari ki tetahi iwi, a heoi a no ta ratou ako ki te whawhai.

Mika 4:3 Iomraidhean Croise

Waiata 46:10

“Kia āta noho, ā, kia mātau ko ahau te Atua; e whakanuia ahau i waenganui i ngā tauiwi, e whakanuia ahau i te whenua.”

Waiata 46:9

E whakamutua ana e ia ngā whāinga ā te pito rā anō o te whenua; whati ana i a ia te kōpere, poro pū te tao, tahuna ake e ia te hāriata ki te kāpura.

Waiata 72:3

Ka kawea mai e ngā maunga te rongo mau ki te iwi, e ngā pukepuke i runga i te tika.

Waiata 72:7

Ka tupu te tangata tika i ōna rā; tōna roa anō o te āta noho, ā, kore noa te marama.

Waiata 82:8

E ara, e te Atua, whakawākia te whenua; mōu hoki ngā tauiwi katoa!

Waiata 96:13

ki te aroaro o Ihowā, e haere mai ana hoki ia; e haere mai ana ia ki te whakawā mō te whenua. Ka whakawā ia mō te ao i runga i te tika, mō ngā iwi hoki i runga i tōna pono.

Waiata 98:9

Ki te aroaro o Ihowā, e haere mai ana hoki ia ki te whakawā mō te whenua. Ka whakawā ia mō te ao i runga i te tika, mō ngā iwi hoki i runga i te pono.

Ihāia 2:4

Ka whakarite hoki ia i ngā whakawā a ngā iwi, ka rīria anō e ia ngā iwi maha; nā, ka patupatua e rātou ā rātou hoari hei hea parau, ā rātou tao hei mea tapahi manga. E kore tētahi iwi e hāpai hoari ki tētahi iwi, mutu pū tā rātou ako ki te whawhai.

Ihāia 25:3

Nā, ka whakakorōriatia koe e te iwi kaha, ka wehi te pā o ngā iwi nanakia i a koe.

Ihāia 51:5

Kei te tata mai tōku tika; kua puta tāku whakaora, mā ōku ringa e whakawā mō ngā iwi; ka tatari ki ahau ngā motu, ka okioki ki tōku ringa.

Ihāia 60:12

Ko te iwi hoki, me te kīngitanga e kore e mahi ki a koe, ka ngaro; inā, ka mōtī rawa aua iwi.

Ihāia 65:25

Ko te wuruhi, ko te reme, ka kai tahi rāua; ko te raiona, ka rite ki te kau, ka kai kakau wīti; ko te nākahi, ko te puehu hei kai māna. E kore rātou e tūkino, e whakamate, puta noa i tōku maunga tapu,” e ai tā Ihowā.

Ihāia 9:7

Kāhore he mutunga o te nui haere o tōna kīngitanga, o te mau o tana rongo, ki runga ki te torōna o Rāwiri, ki runga hoki i tōna rangatiratanga. Kia ū ai, kia mau ai hoki i runga i te whakawā, i runga i te tika āianei ā ake tonu atu. Ka oti tēnei i te ngākau whakapuke o Ihowā o ngā mano.

Raniera 2:44

“Nā, i ngā rā o ēnei kīngi, ka whakatūria e te Atua o te rangi he kīngitanga e kore e ngaro, e kore anō hoki tōna mana e waiho ki tētahi atu iwi; engari ko tērā hei wāhi, hei whakamōtī i ēnei kīngitanga katoa, ko ia anō ka tū tonu ā ake ake.

Hōhea 2:18

Ka whakaritea anō e ahau i taua rā he kawenata, he pai mō rātou, ki ngā kīrehe o te pārae, ki ngā manu o te rangi, ki ngā mea ngōkingōki o te oneone. Ka whati anō i ahau te kōpere, te hoari, te whawhai i runga i te whenua, ā, ka meinga rātou e ahau kia au te takoto.

Hōhea 2:20

Ka taumautia anō koe māku i runga i te pono, ā, ka mōhio koe ki a Ihowā.

Hoera 3:2

ka huihuia e ahau ngā iwi katoa, ka kawea ki raro ki te raorao o Iehohāpata; ā, ka tohe ahau ki a rātou ki reira mō tāku iwi, mō tōku kāinga tupu, mō Īharaira i whakamararatia nei e rātou ki roto ki ngā iwi, ā, wāwāhia ana e rātou tōku whenua.

Mika 5:15

Ka rapua hoki e ahau he utu i ngā tauiwi i runga i te riri, i te weriweri, kīhai nei rātou i whakarongo.”

Hakaraia 14:3

Kātahi a Ihowā ka haere atu, ka whawhai ki aua iwi, ka rite ki te rā i whawhai ai ia i te rā o te tatauranga.

Hakaraia 8:20

Ko te kupu tēnei a Ihowā o ngā mano: “Tēnei ake ka tae mai he iwi, he tāngata i ngā pā maha;

Hakaraia 9:10

Ā, ka hātepea atu e ahau te hāriata o Ēparaima, me te hōiho o Hiruhārama; ka hātepea atu anō te kōpere o te whawhai; mō te rongo mau hoki āna kupu ki ngā tauiwi; ka kīngi anō ia i tētahi moana ā tae noa ki tētahi moana, i te awa ā tae noa ki ngā pito o te whenua.

Ngā Mahi 17:31

Kua rite hoki i a ia he rā e whakawā ai ia i te ao i runga i te tika, arā mā te tangata kua whakaritea nei e ia; kua tukua nei hoki he tohu ki ngā tāngata katoa, i tāna whakaarahanga i a ia i te hunga mate!”

Whakakitenga 19:11

Ā, ka kite ahau i te rangi e tuwhera ana, nā, he hōiho mā. Ko te ingoa hoki o tōna kainoho ko te Pono, ko te Tika, kei runga i te tika tāna whakawā, tāna whawhai.

1 Hamuera 2:10

“Mongamonga noa ngā hoariri o Ihowā; ka papā mai tāna whatitiri i te rangi ki a rātou. Ka whakarite whakawā a Ihowā mō ngā pito o te whenua; māna e hōmai he kaha ki tāna kīngi, e whakaara te haona o tāna i whakawahi ai.”