Hohua 8:1 - Paipera Tapu 2012

¹ Nā, ka mea a Ihowā ki a Hohua, “Kaua e mataku, kaua e pāwera; tangohia ki a koe te hunga hāpai patu katoa, ā, whakatika, haere ki runga, ki Hai. Titiro hoki, kua hoatu e ahau ki tōu ringa te kīngi o Hai, tōna iwi, tōna pā, me tōna whenua.

Te Paipera Tapu 1952

¹ Na ka mea a Ihowa ki a Hohua, Kaua e mataku, kaua e pawera: tangohia ki a koe te hunga hapai patu katoa, a whakatika, haere ki runga, ki Hai: titiro hoki, kua hoatu e ahau ki tou ringa te kingi o Hai, tona iwi, tona pa, me tona whenua:

Hohua 8:1 Iomraidhean Croise

Waiata 27:1

Ko Ihowā tōku mārama, tōku whakaoranga; kia wehi ahau i a wai? Ko Ihowā te kaha o tōku ora; ko wai e mataku ai ahau?

Waiata 44:3

Ehara hoki i te mea, nā tā rātou hoari i whiwhi ai rātou ki te whenua, ehara tō rātou tākakau i te mea i ora ai rātou; engari nā tōu matau, nā tōu tākakau hoki, nā te mārama anō o tōu mata, he pai hoki nōu ki a rātou.

Waiata 46:11

Kei a tātou a Ihowā o ngā mano; ko te Atua o Hākopa tō tātou piringa. Hera

Ihāia 12:2

Nanā, ko te Atua tōku whakaoranga; ka whakawhirinaki ahau, e kore anō e wehi. Ko te Ariki hoki, ko IHOWĀ tōku kaha, tāku waiata; ko ia anō hei whakaoranga mōku.

Ihāia 43:2

Ka haere koe i roto i te wai, ko ahau hei hoa mōu; i ngā awa anō, e kore e huri mai ki runga i a koe; ki te haere koe i roto i te ahi, e kore koe e wera, e kore anō te mura e kā ki a koe.

Heremaia 46:27

“Ko koe ia, kaua e wehi, e tāku pononga, e Hākopa, kaua e pāwera, e Īharaira. Nō te mea, nanā, māku koe e whakaora i tawhiti, ōu uri hoki i te whenua i whakaraua ai rātou; ā, ka hoki mai a Hākopa, ka āta noho, ka whai tānga manawa, tē ai he kaiwhakawehi mōna.

Heremaia 49:3

“Auē, e Hehepona, kua pāhuatia hoki a Hai! E tangi, e ngā tamāhine a Rapa! Whītikiria koutou ki te kākahu taratara; e tangi, ka omaoma noa i waenga i ngā taiepa; nō te mea ka riro a Marakomo i te whakarau, ōna tohunga me ōna rangatira ngātahi anō.

Raniera 2:21

E whakaputaia kētia ana hoki e ia ngā wā me ngā rā, e whakakāhoretia ana e ia ngā kīngi. E whakatūria ana anō ngā kīngi e ia, e hōmai ana e ia te whakaaro nui ki te hunga whakaaro nui, te mātauranga anō ki te hunga e mātau ana ki te whakaaro.

Raniera 4:25

Arā, kia āia atu koe i roto i ngā tāngata, ki ngā kararehe o te pārae he nohoanga mōu, kia meinga anō koe kia kai tarutaru, kia pērā me ngā kau, kia mākū anō i te tōmairangi o te rangi, ā, e whitu ngā wā ōu ka taka. Kia mōhio rā anō koe kei te kāwana te Runga Rawa ki te kīngitanga o ngā tāngata, ā, e hoatu ana e ia ki tāna e pai ai.

Raniera 4:35

Ki tā te whakaaro he kāhore noa iho ngā tāngata katoa o te whenua; ā, e mahia ana e ia tāna e pai ai i roto i te ope o te rangi, i waenga anō o ngā tāngata o te whenua. E kore anō tōna ringa e taea te pupuri e tētahi, kāhore hoki he kīanga ki a ia: “E aha ana koe?”

Matiu 8:26

Ā, ka mea ia ki a rātou, “He aha tā koutou e wehi, e te hunga whakapono iti?” Me i reira ka ara ia, ā, rīria iho te hau me te moana; ā, takoto ana he marino nui.

Tiuteronomi 1:21

Nanā, ka tukua nei te whenua e Ihowā, e tōu Atua, ki tōu aroaro; haere ki runga, tangohia, kia rite ai ki tā Ihowā, ki tā te Atua o ōu mātua, i kī ai ki a koe; kaua e wehi, kaua hoki e pāwera.”

Tiuteronomi 31:8

Ko Ihowā anō, ko ia te haere ana i tōu aroaro, hei tōu taha ia, e kore ia e whakarere i a koe, e kore hoki e mawehe atu i a koe; kaua e wehi, kaua hoki e pāwera.”

Tiuteronomi 7:18

Kei wehi i a rātou, kia āta mahara ki ngā mea i meatia e Ihowā, e tōu Atua, ki a Parao, ki Īhipa katoa;

Tiuteronomi 7:21

Kaua e wehi i a rātou; tā te mea kei waenganui i a koe a Ihowā, tōu Atua; he Atua nui ia, e wehingia ana.

Hohua 1:9

Kāhore ianei ahau i whakahau ki a koe? Kia kaha, kia māia; kaua e wehi, kaua hoki e pāwera; nō te mea kei a koe a Ihowā, tōu Atua, i ngā wāhi katoa e haere ai koe.”

Hohua 10:7

Nā, haere atu ana a Hohua i Kirikara, rātou tahi ko te hunga hāpai patu katoa, me ngā tāngata māia katoa.

Hohua 10:8

Nā, ka mea a Ihowā ki a Hohua, “Kaua e wehi i a rātou; kua hoatu hoki rātou e ahau ki tōu ringa, ā, e kore tētahi tangata o rātou e tū ki tōu aroaro.”

Hohua 2:24

Ā, ka mea rāua ki a Hohua, “Koia anō, kua hōmai e Ihowā te whenua katoa ki ō tātou ringa; ā, ngohe kau ngā tāngata katoa o te whenua i a tātou.”

Hohua 6:2

Ā, ka mea a Ihowā ki a Hohua, “Titiro, kua hoatu e ahau ki tōu ringa a Heriko, me tōna kīngi, rātou ko ngā mārohirohi.

Hohua 7:9

Nā te mea ka rongo ngā Kanaani me ngā tāngata katoa o te whenua, nā, ka karapotia mātou, ka hunā hoki ō mātou ingoa i te whenua; ā, ka pēhea koe ki tōu ingoa nui?”