Hohua 7:2 - Paipera Tapu 2012

² Nā, ka tonoa atu e Hohua ētahi tāngata i Heriko ki Hai, ki te taha o Peteawene, i te taha ki te rāwhiti o Pētēre, ka kōrero hoki ki a rātou, ka mea, “Haere ki runga ki te titiro i te whenua.” Nā, ka haere aua tāngata, ka titiro i Hai.

Te Paipera Tapu 1952

² Na ka tonoa atu e Hohua etahi tangata i Heriko ki Hai, ki te taha o Peteawene, i te taha ki te rawhiti o Peteere, ka korero hoki ki a ratou, ka mea, Haere ki runga ki te titiro i te whenua. Na ka haere aua tangata, ka titiro i Hai.

Hohua 7:2 Iomraidhean Croise

Hohua 18:12

Ā, ko tō rātou rohe ki te taha ki te raki i Horano; nā, i haere te rohe ki runga, ki te taha o Heriko, ki te raki, ā, i haere whakarunga, nā te whenua pukepuke whaka te hauāuru, ā, puta tonu atu i te koraha o Peteawene.

Hōhea 4:15

“Ahakoa koe, e Īharaira, kairau noa, kaua a Hūrā e hē; ā, kaua hoki koutou e haere mai ki Kirikara, kaua hoki e haere ki runga ki Peteawene, ā, kaua e oati, ‘Kei te ora a Ihowā.’

1 Hamuera 14:23

Heoi, whakaorangia ana a Īharaira, i taua rā e Ihowā; ā, puta kē ana te whawhai ki Peteawene.

1 Hamuera 13:5

Me ngā Pirihitini hoki, i huihui ki te whawhai ki a Īharaira, e toru tekau mano ngā hāriata, e ono mano ngā hōia eke hōiho, me ngā tāngata e rite ana ki te onepū i te taha o te moana te tini. Nā, ka haere rātou, ka noho ki Mikimaha, whaka te rāwhiti o Peteawene.

Matiu 10:16

“Nanā, ka tonoa nei koutou e ahau ānō he hipi ki roto ki ngā wuruhi. Nā, kia rite ki te nākahi te mahara, ki te kūkupa hoki te māhaki.

Whakatauki 24:6

Nā, kia pai te ngārahu ina anga koe ki te whawhai; kei te tokomaha hoki o ngā kaiwhakatakoto whakaaro te ora.

Whakatauki 20:18

Mā te rūnanga ka ū ai ngā whakaaro; kia pai hoki te ngārahu ina anga ki te whawhai.

Kenehi 12:8

Nā, ka neke atu ia i reira ki te maunga i te rāwhiti o Pētēre, ā, ka whakatū i tōna tēneti; ko Pētēre ki te hauāuru, ko Hai ki te rāwhiti. I hangā anō e ia tētahi āta mā Ihowā ki reira, ā, karanga ana ki te ingoa o Ihowā.

Epeha 5:15

Nā reira, kia āta tirotiro i tā koutou haere, kei rite ki tā ngā whakaarokore, engari ki tā ngā whakaaro nui;

Nehemia 11:31

Ko ngā tama hoki a Pineamine, ko ērā i Kepa, i noho rātou ki Mikimaha, ki Aīa, ki Pētēre, ki ō rātou pā ririki;

Hohua 12:9

ko te kīngi o Heriko tētahi; ko te kīngi o Hai, o tērā i Pētēre tētahi;

Hohua 2:1

Nā, ka tonoa atu e Hohua, e te tama a Nunu, ētahi tāngata tokorua i Hitimi hei tūtei puku atu, i mea ia, “Tīkina, tirohia te whenua, me Heriko hoki.” Nā, haere ana rāua, ā, ka tae ki te whare o tētahi wahine kairau, ko Rahapa tōna ingoa, ā, ka moe i reira.

Kenehi 28:19

Ā, huaina iho e ia te ingoa o taua wāhi ko Pētēre; ko Rutu ia te ingoa o taua pā i mua.

Hohua 7:3

Ā, ka hoki mai rātou ki a Hohua, ka mea ki a ia, “Kaua e haere katoa te iwi ki runga; engari kia rua, kia toru rānei mano o ngā tāngata e haere ki runga ki te patu i Hai. Kaua hei whakangenge kau atu i te iwi ki reira; he tokoouou hoki rātou.”

1 Hamuera 30:27

ki ngā tāngata hoki o Pētēre, ki o Rāmoto ki te tonga, ki ērā hoki i Iatiri;

Heremaia 49:3

“Auē, e Hehepona, kua pāhuatia hoki a Hai! E tangi, e ngā tamāhine a Rapa! Whītikiria koutou ki te kākahu taratara; e tangi, ka omaoma noa i waenga i ngā taiepa; nō te mea ka riro a Marakomo i te whakarau, ōna tohunga me ōna rangatira ngātahi anō.

1 Kīngi 12:29

Nā, whakatūria ana tētahi e ia ki Pētēre; ko tētahi hoki i waiho ki Rāna.

Ihāia 10:28

Kua tae ki Aiata; kua pahemo ki Mikirono; ko āna mea rongoātia ake e ia ki Mikimaha.