Ekoruhe 5:2 - Paipera Tapu 2012

² Nā, ka mea a Parao, “Ko wai a Ihowā, kia rongo ahau ki tōna reo, kia tukua a Īharaira? Kāhore ahau e mōhio ki a Ihowā, e kore hoki e tukua atu e ahau a Īharaira.”

Te Paipera Tapu 1952

² Na ka mea a Parao, Ko wai a Ihowa, kia rongo ahau ki tona reo, kia tukua a Iharaira? Kahore ahau e mohio ki a Ihowa, e kore hoki e tukua atu e ahau a Iharaira.

Ekoruhe 5:2 Iomraidhean Croise

2 Kīngi 18:35

Ko wai o ngā atua katoa o ngā whenua, kua whakaorangia e rātou tō rātou whenua i tōku ringa, e whakaorangia ai e Ihowā a Hiruhārama i tōku ringa?”

2 Whakapapa 32:14

Ko wai o ngā atua o ēnei iwi i hunā nei e ōku mātua i kaha ki te whakaora i tāna iwi i roto i tōku ringa, e kaha ai tō koutou Atua ki te whakaora i a koutou i roto i tōku ringa?

2 Whakapapa 32:15

Nā, kei tinihangatia koutou e Hetekia, kei whakapati hoki ia i a koutou, kei pērā me tāna nā. Kaua hoki e whakapono ki a ia; nō te mea kīhai i kaha te atua o tētahi iwi, o tētahi kīngitanga rānei ki te whakaora i tāna iwi i roto i tōku ringa, i te ringa anō o ōku mātua. E kore rawa tō koutou Atua e whakaora i a koutou i roto i tōku ringa!”

2 Whakapapa 32:19

Nā, ko tā rātou kōrero mō te Atua o Hiruhārama, rite tonu ki tā rātou mō ngā atua o ngā iwi o te whenua, mō ngā mahi a te ringa tangata.

Nehemia 9:10

Nā, hōmai ana e koe he tohu, he merekara, ki a Parao, ki āna tāngata katoa, ki te iwi katoa o tōna whenua; i mōhio hoki koe ki tā rātou whakakake ki a rātou. Nā, kua whai ingoa koe; koia anō tēnei ināianei.

Hopa 15:25

Kua totoro nei ōna ringa ki te whawhai ki te Atua, kua whakatoatoa nei i a ia ki te whawhai ki te Kaha Rawa;

Hopa 15:26

kua rere ki a ia me te kakī mārō, me ngā puku mātotoru o āna whakangungu rākau.

Hopa 21:15

He aha rā te Runga Rawa e mahi ai mātou ki a ia? He aha hoki te rawa ki a mātou ki te īnoi ki a ia?’

Waiata 10:4

Ka mea te tangata kino, i te whakapehapeha o tōna mata, “E kore e hiahiatia e ia.” Kei roto i ōna whakaaro katoa e mea ana, “Kāhore he Atua.”

Waiata 12:4

e mea nei, “Mā ō tātou arero tātou ka kake ai; nō tātou anō ō tātou ngutu, ko wai hei ariki mō tātou?”

Waiata 12:5

“Mō te tūkinotanga i te hunga iti, mō te auē a te hunga rawakore, ka whakatika ahau āianei,” e ai tā Ihowā, “Ka whakanohoia ia e ahau ki te wāhi e ora ai ia i ngā tāngata e whakatūpererū ana ki a ia.”

Waiata 14:1

Kua kī te wairangi i tōna ngākau, “Kāhore he Atua.” Kua pirau rātou, he whakahouhou ā rātou mahi, kāhore tētahi e mahi ana i te pai.

Ekoruhe 3:19

Ā, e mōhio ana ahau e kore te kīngi o Īhipa e tuku i a koutou, kāhore, ki te kāhore he ringa kaha.

Ekoruhe 7:17

Ko te kupu tēnei a Ihowā: Mā konei e mōhio ai koe ko Ihowā ahau. Nanā, māku e patu ngā wai i te awa ki te tokotoko i tōku ringa, ā, ka riro kē hei toto.

Whakatauki 30:9

Kei mākona ahau, ā, ka whakakāhore ki a koe, ka mea, “Ko wai a Ihowā?” Kei rawakore rānei ahau, ā, ka whānako, ka whakahua noa hoki i te ingoa o tōku Atua.

Heremaia 42:13

“Tēnā ki te mea koutou, ‘E kore mātou e noho ki tēnei whenua,’ ā, ka kore koutou e rongo ki te reo o Ihowā, o tō koutou Atua

Heremaia 48:26

“Meinga ia e koutou kia haurangi; mōna i whakakake ki a Ihowā; ā, ka okeoke a Moapa i roto i tōna ruaki, ā, waiho anō ia hei katanga.

Raniera 3:15

Nā, ki te hihiko koutou i te wā e rongo ai koutou i te tangi o te koronete, o te pūtōrino, o te hāpa, o te hakaputa, o te hātere, o te taratimere o ngā mea tangi katoa, ā, ka takoto ka koropiko, ki te whakapakoko i hangā e ahau, he pai. Tēnā ki te kāhore koutou e koropiko, ka makā koutou i taua hāora ki te oumu he mura rawa tōna ngiha; ā, ko wai te atua hei whakaora i a koutou i roto i ōku ringa?”

Hoani 16:3

Nā, e meatia ēnei mea, nō te mea kāhore rātou i mōhio ki te Matua, kāhore hoki ki ahau.

Rōma 1:28

Ā, i a rātou kīhai nei i pai kia mau tonu te Atua ki ō rātou mahara, tukua ana rātou e te Atua ki te hinengaro hē kia mahia ngā mea kāhore e tau kia mahia.

2 Teharonika 1:8

i roto i te mura ahi e rapu utu ana i te hunga kāhore e mātau ki te Atua, kāhore nei hoki e ngohengohe ki te rongopai o tō tātou Ariki, o Īhu Karaiti.

Kaiwhakariterite 2:10

Nā, ka kohia anō hoki taua whakatupuranga katoa ki ō rātou mātua; ā, ka ara ake tētahi whakatupuranga kē i muri i a rātou, kīhai nei i mōhio ki a Ihowā, ki ngā mahi anō hoki i mahia e ia mō Īharaira.

1 Hamuera 2:12

Nā, he tama nā Periara ngā tama a Eri; kīhai rātou i mōhio ki a Ihowā.

1 Hamuera 25:10

Nā, ka utu a Nāpara ki tā ngā tāngata a Rāwiri, ka mea, “Ko wai a Rāwiri? Ko wai hoki te tama a Hehe? He tini ngā pononga i ēnei rā e tahuti ana i ō rātou rangatira.