Ekoruhe 2:3 - Paipera Tapu 2012

³ Ā, tē āhei ia te huna tonu i a ia, ka tango ia i tētahi āka kākaho mōna, pani rawa ki te uku, ki te ware, ā, whaowhina ana te tamaiti ki roto; whakatakotoria iho ki roto ki ngā wīwī i te pareparenga o te awa.

Te Paipera Tapu 1952

³ A, te ahei ia te huna tonu i a ia, ka tango ia i tetahi aaka kakaho mona, pani rawa ki te uku, ki te ware, a whaowhina ana te tamaiti ki roto; whakatakotoria iho ki roto ki nga wiwi i te pareparenga o te awa.

Ekoruhe 2:3 Iomraidhean Croise

Kenehi 11:3

Nā, ka mea rātou ki tōna hoa, ki tōna hoa, “Tēnā, tātou ka hanga pereki, me āta tahu mārire anō hoki.” Nā, ka meinga e rātou he pereki hei kōhatu, he uku hoki tā rātou moata.

Kenehi 14:10

Nā, kī tonu te raorao i Hirimi i te poka uku; nā, ka whati ngā kīngi o Horoma rāua ko Komora, ā, ka hinga ki reira; ā, rere ana ngā mōrehu ki te maunga.

Kenehi 6:14

Hangā e koe tētahi āka mōu ki te rākau kopera; me hanga e koe ētahi rūma ki roto i te āka, ka pani ai i roto, i waho, ki te ware.

Ekoruhe 1:22

Nā, ka ako a Parao ki tōna iwi katoa, ka mea, “Ko ngā tamariki tāne katoa e whānau mai, makā atu e koutou ki te awa, ko ngā kōtiro katoa ia, me whakaora.”

Ihāia 18:2

E unga karere nei i runga i te moana, ā, ko ō rātou kaipuke he kākaho i runga i ngā wai, e kī ana, Haere, e ngā karere tere, ki tētahi iwi roroa, maheni hoki, ki te iwi i wehingia i tō rātou tīmatanga iho ā mohoa noa nei; ki te iwi he mahi rūri nei, he takatakahi nei tāna, ko tōna whenua wāhia iho e ngā awa.

Ihāia 19:6

ā, ka piro ngā awa; ka mimiti, ā, ka maroke ngā awa o Īhipa; ka mate ngā kākaho me ngā raupō.

Ihāia 35:7

Nā, ka meinga te kirikiri mumura hei hārotoroto, te whenua maroke hei pupūtanga wai; ā, i te nohoanga i takoto ai ngā kīrehe mohoao, ko te tarutaru, ko te kākaho, ko te wīwī.

Matiu 2:13

Ā, ka riro atu rātou, nā, ka puta moemoeā tētahi anahera a te Ariki ki a Hōhepa, ka mea, “E ara, tangohia te tamaiti rāua ko tōna whaea, e rere ki Īhipa, ā, hei reira koe kia kōrero rā anō ahau ki a koe; meāke hoki rapu a Herora i te tamaiti kia whakangaromia.”

Matiu 2:16

Ā, nō te kitenga o Herora ka oti ia te tinihanga e ngā Maki, rahi rawa tōna riri, ka tono tāngata, ā, patua iho ngā tamariki katoa, ngā mea e rua nei ō rātou tau, me ō muri iho, i Pēterehema, i ngā wāhi katoa o reira, he mea whakarite ki te tāima i uia mārietia e ia ki ngā Maki.

Ngā Mahi 7:19

Ko ia te mea nāna i tinihanga tō tātou iwi, i whakatupu kino ō tātou mātua, i meatia ai kia makā atu ā rātou tamariki kei puta ki te ora.