Ekoruhe 16:4 - Paipera Tapu 2012

⁴ Nā, ka mea a Ihowā ki a Mohi, “Nanā, ka uaina iho e ahau he taro i te rangi mā koutou; ā, mā te iwi e haere, e kohikohi i tō tēnei rangi, i tō tēnei rangi, kia whakamātau ai ahau i a rātou, e haere rānei rātou i tāku ture, kāhore rānei.

Te Paipera Tapu 1952

⁴ Na ka mea a Ihowa ki a Mohi, Nana, ka uaina iho e ahau he taro i te rangi ma koutou; a ma te iwi e haere, e kohikohi i to tenei rangi, i to tenei rangi, kia whakamatau ai ahau i a ratou, e haere ranei ratou i taku ture, kahore ranei.

Ekoruhe 16:4 Iomraidhean Croise

1 Koriniti 10:3

ā, i kai rātou i te kai kotahi, he mea wairua;

Waiata 105:40

I īnoi rātou, ā, hōmai ana e ia te koitareke; ā, ka mākona rātou i te taro o te rangi.

Tiuteronomi 8:2

Kia mahara hoki ki te ara katoa i ārahi ai a Ihowā, tōu Atua, i a koe i te koraha, i ēnei tau e whā tekau, kia iro ai koe, hei whakamātautau hoki i a koe, kia mōhiotia ai ngā aha noa i roto i tōu ngākau, ka pupuri rānei koe i āna whakahau, kāhore rānei.

Ekoruhe 15:25

Nā, ka karanga ia ki a Ihowā; ā, ka whakakitea mai he rākau e Ihowā ki a ia, ā, pangā ana e ia ki ngā wai, nā, ka reka ngā wai. I hōmai e ia he ture ki a rātou i reira, me tētahi ritenga; i whakamātauria rātou e ia ki reira.

Nehemia 9:15

I hōmai anō e koe he taro i te rangi mō tō rātou matekai; i whakaputaina he wai i te kōhatu mō tō rātou matewai; i kī anō ki a rātou kia haere ki te tango i te whenua i oati ai koe ka hoatu ki a rātou.

Tiuteronomi 8:16

i whāngai i a koe i te koraha ki te mana, kīhai nei i mōhiotia e ōu mātua; kia iro ai koe, kia whakamātautau ai hoki ia i a koe, ā, kia pai ai te tukunga iho ki a koe.

Matiu 6:11

Hōmai ki a mātou āianei he taro mā mātou mō tēnei rā.

Whakatauki 30:8

Whakamataratia atu i ahau te horihori me te kōrero teka; kaua e hōmai te rawakore ki ahau, te taonga rānei; whāngaia ahau ki te kai e rite ana māku.

Nehemia 11:23

Nā te kīngi hoki te tikanga mō rātou, kia tūturu te wāhi mā ngā kaiwaiata, he mea tatau ā-rangi tonu.

Hohua 24:15

Ā, ki te mea he kino ki tō koutou whakaaro te mahi ki a Ihowā, mā koutou e whiriwhiri i tēnei rā ko wai tā koutou e mahi ai; ki ngā atua rānei i mahi rā ō koutou mātua ki a rātou i tāwāhi o te awa, ki ngā atua rānei o ngā Amori, e noho nei koutou ki tō rātou oneone. Ko ahau ia me tōku whare, ka mahi mātou ki a Ihowā.”

Ruka 11:3

Hōmai tā mātou taro ki a mātou, tō tēnei rā, tō tēnei rā.

Ekoruhe 16:15

Ā, i te kitenga o ngā tama a Īharaira, ka mea rātou tētahi ki tētahi, “He aha tēnā?” Kīhai hoki rātou i mōhio he aha rānei. Nā, ka mea a Mohi ki a rātou, “Ko te taro rā tēnā ka hōmai nei e Ihowā ki a koutou hei kai.

Waiata 78:23

Nāna nei hoki i whakahau ngā kapua i runga, i whakatuwhera ngā tatau o te rangi;

Nehemia 9:20

I hōmai anō e koe tōu wairua pai hei whakaako i a rātou, kīhai hoki tāu mana i kaiponuhia ki ō rātou māngai; i hōmai anō e koe he wai ki a rātou mō tō rātou matewai.