Āmoho 9:9 - Paipera Tapu 2012

⁹ “Nō te mea, tēnei ahau te whakahau nei, ā, ka tātaria e ahau te whare o Īharaira ki roto ki ngā iwi katoa, ka pērātia me te wīti e tātaria ana ki te tātari, e kore anō tētahi pata ririki e taka ki te whenua.

Te Paipera Tapu 1952

⁹ No te mea, tenei ahau te whakahau nei, a ka tataria e ahau te whare o Iharaira ki roto ki nga iwi katoa, ka peratia me te witi e tataria ana ki te tatari, e kore ano tetahi pata ririki e taka ki te whenua.

Āmoho 9:9 Iomraidhean Croise

Ihāia 27:12

I taua rā ka tāia ngā hua e Ihowā i te waipuke o te awa, ā tae noa ki te awa o Īhipa, ā, ka kohikohia takitahitia koutou, e ngā tama a Īharaira.

Ihāia 28:28

Ko te wīti hei taro e kurua ana; e kore hoki e patua tonutia e ia. Nā, ahakoa tohaina e te wīra o tāna kāta, e ana hōiho rānei, kāhore e tukia e ia kia ririki.

Ihāia 30:28

Ko tōna manawa, ānō he awa e ngawhā ana, tae ana ki te kakī rawa – hei tātari i ngā iwi ki te tātari o te horihori; ā, mau rawa ki ngā kauae o ngā iwi he paraire, hei whakapōhēhē i a rātou.

Heremaia 31:36

“Ki te mawehe atu ēnei tikanga i tōku aroaro,” e ai tā Ihowā, “ko reira anō ka kore te uri o Īharaira hei iwi i tōku aroaro ā ake ake.”

Heremaia 46:28

Kaua koe e wehi, e tāku pononga, e Hākopa,” e ai tā Ihowā, “kei a koe nei hoki ahau. Ka poto rawa hoki i ahau ngā iwi katoa kua peia nei koe e ahau ki reira, otiia e kore koe e poto rawa i ahau. Engari, ka pākia koe e ahau, he mea whakarite mārie, e kore ia koe e tukua kia kore e whiua.”

Heremaia 49:36

Ā, ka tākina atu e ahau ngā hau e whā i ngā pito e whā o te rangi ki runga ki Erama, ā, ka tītaritaria atu rātou e ahau ki aua hau katoa; kāhore hoki he iwi e kore te taea atu e te hunga o Erama ka peia atu nei.

Ehekiera 20:38

Ka tahia atu hoki e ahau i roto i a koutou te hunga whakakeke, te hunga hoki e tutū ana ki ahau. Ka tangohia mai rātou e ahau i te whenua e noho nei rātou, engari, e kore rātou e tae ki te oneone o Īharaira; ā, ka mōhio koutou ko Ihowā ahau.

Ehekiera 36:19

Ā, whakamararatia atu ana rātou e ahau ki roto ki ngā iwi, tītaria atu ana ki ngā whenua; rite tonu ki tō rātou ara, ki ā rātou mahi tāku whakarite mō rātou.

Ehekiera 39:28

Kātahi rātou ka mōhio ko Ihowā ahau, ko tō rātou Atua, i mea nei kia whakaraua rātou ki roto ki ngā tauiwi, i kohikohi anō i a rātou ki tō rātou oneone; ā, kāhore noa iho tētahi o rātou e mahue i ahau ki reira.

Ehekiera 5:10

Ā, ka kai ngā mātua i ngā tamariki i roto i a koe, ka kai anō ngā tamariki i ō rātou mātua; ka mahia anō e ahau he whakaritenga i roto i a koe, ka tītaria atu anō e ahau ōu mōrehu katoa ki ngā hau katoa.

Ehekiera 5:12

Ka mate tētahi whakatoru ōu i te mate urutā, ka poto atu hoki i te hemokai i roto i a koe; ā, ka hinga tētahi whakatoru ōu i te hoari i tētahi taha ōu, i tētahi taha. Nā, ko tētahi whakatoru, ka tītaria e ahau ki ngā hau katoa, ka maunu anō i ahau te hoari hei whai i a rātou.

Rewitikuha 26:33

Ā, ka whakamararatia koutou ki roto ki ngā tauiwi, ka maunu hoki i ahau te hoari hei whai i a koutou. Ā, ka tūheatia tō koutou whenua, ka ururuatia hoki ō koutou pā.

Ruka 22:31

“E Haimona, e Haimona, nā, kua īnoi a Hātana kia riro koe i a ia, kia tātaritia ai koutou e ia, ānō he wīti.

Tiuteronomi 28:64

Ā, ka whakamararatia koe e Ihowā ki waenga i ngā iwi katoa, i tētahi pito o te whenua tae noa atu ki tētahi pito o te whenua; ā, ka mahi koe i reira ki ngā atua kē, kāhore nei koe i mōhio, koutou tahi ko ōu mātua, ki te rākau, ki te kōhatu.