Āmoho 9:15 - Paipera Tapu 2012

¹⁵ Ka whakatōkia anō rātou e ahau ki tō rātou oneone; e kore anō rātou e unuhia atu i muri ake nei, i tō rātou oneone i hoatu e ahau ki a rātou,” e ai tā Ihowā, tā tōu Atua.

Te Paipera Tapu 1952

¹⁵ Ka whakatokia ano ratou e ahau ki to ratou oneone; e kore ano ratou e unuhia atu i muri ake nei, i to ratou oneone i hoatu e ahau ki a ratou, e ai ta Ihowa, ta tou Atua.

Āmoho 9:15 Iomraidhean Croise

Waiata 44:2

nāu ngā tauiwi i pana ki tōu ringa, nāu rātou i whakatō; nāu ngā iwi i whiu, ā, whakamararatia ana rātou.

Waiata 80:8

I maua mai e koe he wāina i Īhipa; ka oti i a koe ngā tauiwi te panga, nā whakatōkia iho e koe.

Ihāia 60:21

Ko tōu iwi hoki, tika katoa, ka pūmau tonu ki a rātou te whenua. Te peka whakatō nāku, he mahi nā ōku ringa, kia whai korōria ai ahau.

Heremaia 16:15

engari, ‘E ora ana a Ihowā nāna nei i kawe mai ngā tama a Īharaira i te whenua ki te raki, i ngā whenua katoa anō i peia atu ai rātou e ia.’ Ā, ka whakahokia mai rātou e ahau ki tō rātou whenua i hoatu rā e ahau ki ō rātou mātua.

Heremaia 23:8

engari, ‘E ora ana a Ihowā nāna nei i kawe mai, nāna nei i ārahi mai ngā uri o te whare o Īharaira i te whenua ki te raki, i ngā whenua katoa anō i peia atu ai rātou e ahau.’ Ā, ka noho rātou ki tō rātou oneone.”

Heremaia 24:6

Ka whakamau tonu atu hoki ōku kanohi ki a rātou mō te pai, ā, ka whakahokia mai anō rātou e ahau ki tēnei whenua. Ka hangā anō rātou e ahau, e kore hoki e wāhia iho; ka whakatōkia rātou e ahau, e kore anō e hūtia atu.

Heremaia 3:18

I aua rā ka haere tahi te whare o Hūrā rāua ko te whare o Īharaira, ka huihuia anō tō rātou haere mai i te whenua i te raki, ki te whenua i hoatu e ahau hei kāinga tupu ki ō koutou mātua.

Heremaia 32:15

Ko te kupu hoki tēnei a Ihowā o ngā mano, a te Atua o Īharaira: Tērā ngā whare, ngā māra, me ngā māra wāina ka hokohokona anō ā muri nei ki tēnei whenua.’ ”

Heremaia 32:37

Nanā, ka kohikohia mai rātou e ahau i ngā whenua katoa i peia atu nei rātou e ahau ki reira, i tōku riri, i tōku weriweri, i te āritarita nui; ka whakahokia mai anō rātou e ahau ki tēnei wāhi, ā, ka meinga kia noho hūmārie.

Heremaia 32:41

Āe rā, ka koa ahau ki a rātou hei mea i te pai ki a rātou, ā, he pono ka whakapaua tōku ngākau, ka whakapaua hoki tōku wairua ki te whakatō a rātou ki tēnei whenua i runga i te pono.

Heremaia 33:7

Ka whakahokia mai anō e ahau a Hūrā i te whakarau, a Īharaira hoki i te whakarau, ā, ka hangā rātou e ahau, koia anō kei tō te tīmatanga.

Ehekiera 34:28

Ā, e kore rātou e waiho i muri nei hei pāhuatanga mā ngā iwi, e kore hoki e kainga e te kīrehe o te whenua; engari ka noho hūmārie rātou, tē ai he kaiwhakawehi.

Ehekiera 37:21

Ā, ka mea atu koe ki a rātou, Ko te kupu tēnei a te Ariki, a Ihowā: Nanā, ka tangohia e ahau ngā tama a Īharaira i roto i ngā iwi i haere atu nei rātou, ka kohikohia i tētahi taha, i tētahi taha, ka kawea ki tō rātou oneone.

Ehekiera 37:25

Ā, ka noho rātou i te whenua i hoatu e ahau ki tāku pononga, ki a Hākopa, ki te wāhi i noho ai ō koutou mātua; ka noho anō rātou ki reira, rātou, ā rātou tama, me ngā tama anō a ā rātou tama ā ake ake; ā, ko tāku pononga, ko Rāwiri hei rangatira mō rātou ā ake ake.

Hoera 3:20

Ka noho tonu ia a Hūrā ake ake, a Hiruhārama, a tērā whakatupuranga, tērā whakatupuranga.

Mika 4:4

Engari ka noho rātou, ia tangata, ia tangata, i raro i tāna wāina, i raro i tāna piki; ā, kāhore he tangata hei whakawehi i a rātou; nā te māngai hoki o Ihowā o ngā mano te kōrero.